खास चेलों 6:1 - Garhwali

¹ ऊं दिनों मा जब बिस्वासी लोगु की संख्या भौत बढणी छै, त यूनानी भाषा बुलण वळा बिस्वासी लोग, इब्रानी भाषा बुलण वळा बिस्वासी लोगु की सिकैत करण लगि गैनी, कि हर रोज मिलण वळा खाण-पीण का समान मा हमरि विधवा जनानियों का दगड़ा मा भेदभाव किये जाणु च।

गढवली नयो नियम

¹ ऊं दिनों मा जब चेलों कि गिणती बिज्यां बढण लगि गै छै तब यूनानी भाषा बुल्ण वला यहूदी विश्वासी इब्रानी भाषा बुल्ण वला यहूदी विश्वासियों का विरुद्ध कुड़कुड़ाण लगि गै कि हरेक दिनों कु खांणु की सेवकाई मा ऊंकी विधवाओं कि सुध नि लिये जांद।

खास चेलों 6:1 ပူးပေါင်းရင်းမြစ်များ

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 11:26

अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

खास चेलों 2:45

अर ऊ अपणी जैजाद अर चीजों तैं बेचि के मिलण वळा रुपयों तैं ऊं लोगु मा बांटि देन्दा छा, जौं लोगु तैं जरुरत होन्दी छै।

खास चेलों 2:47

अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

खास चेलों 4:35

अर खास चेला वीं रकम तैं जरुरतमन्द लोगु तैं ऊंकी जरुरत का मुताबिक ऊंमा बांटि देन्दा छा।

खास चेलों 4:4

पर जथगा लोगु न वचन तैं सुणी ऊंमा बटि भौत सरा लोगु न बिस्वास कैरी, अर ऊं लोगु मा बैखों की संख्या ही लगभग पांच हजार छै।

खास चेलों 5:14

अर भौत सा बैख अर जनानियों न जौन प्रभु पर बिस्वास कैरी वु बिस्वासी समुदाय का यों लोगु का दगड़ा मा सामिल ह्‍वे गैनी, अर यों की गिनती और भि जादा ह्‍वे गै।

खास चेलों 5:28

“जब हमुन तुमतै चितै के आज्ञा दे छै कि तुम यीशु का नौ से उपदेस नि दियां, पर सुणा, तुमुन त पूरा यरूशलेम नगर मा अपणी ही शिक्षा फैलैयालि अर वे मनखि की मौत को दोष हम पर डलणा छाँ।”

खास चेलों 6:2

तब बारह चेलों न बिस्वासी समुदाय का लोगु तैं बुलै के बोलि, “यू ठिक नि च कि हम परमेस्वर का वचन को परचार तैं छोड़ि के खिलाण-पिलाण की सेवा मा लग्यां रा।

खास चेलों 6:7

अर इनकै परमेस्वर को वचन और भि जादा फैलदी गै, अर यरूशलेम नगर मा बिस्वासी लोगु की गिनती और भि जादा ह्‍वे गै। अर भौत सा पुरोहितों न बिस्वास कैरी अर यू भि ऊंका दगड़ा मा मिली गैनी।

खास चेलों 9:29

अर उ यूनानी भाषा बुलण वळा यहूदियों का दगड़ा बात-चित अर बहसबाजी करदु छौ, पर ऊंन वेतैं जान से मरण की कोसिस कैरी।

खास चेलों 9:39

तब पतरस उठी के ऊंका दगड़ा मा चलि गै। अर जब उ उख पौंछी, त ऊ लोग वेतैं मंज्यूळ लि गैनी। अर सब विधवा जनानियां वेतैं घेरि के रुंण लगि गैनी, अर वु पतरस तैं कुरता अर कपड़ा दिखौण लगि गैनी, जु की दोरकास न सीली छा, जब वा ज्यून्द छै अर ऊंका दगड़ा मा छै।

खास चेलों 9:41

अर पतरस न अपणु हाथ देके तबीता तैं खड़ु उठे, तब वेन बिस्वासी लोगु अर ऊं विधवा जनानियों तैं बुलै, अर ऊं सभ्यों न वींतैं ज्यून्द देखि।

रोमियों 12:7

अर जैतैं सेवा करण को दान मिल्यूं च, उ सेवा करण मा लग्यूं रौ। अर जु मनखि सिखौण वळु च, उ सिखौण मा लग्यूं रौ।

1 कुरिन्थि 10:10

अर ना ही तुम कुड़कुड़ करण वळा बणा, जन की कथगा ही लोग ऊंमा बटि कुड़कुड़ै छा, अर नास करण वळा दूत का द्‍वारा मरे गैनी।

2 कुरिन्थि 11:22

क्या वु लोग ही इब्रानी छिन? अरे उ त मि भि छौं। अर क्या वु लोग इस्राएली छिन? नऽ रे ना मि भि एक इस्राएली छौं। अर क्या वु ही लोग पितर अब्राहम का वंश मदि छिन? अरे मि भि त पितर अब्राहम का वंश मदि छौं।

फिलिप्पी 3:5

हे मेरा दगड़्यों, मि इस्राएल देस को छौं। अर मेरु जनम इस्राएल का बिन्यामीन गोत्र मा ह्‍वे, अर मेरा जनम का ठिक आठवां दिन पर मेरु खतना ह्‍वे। इब्रानी भाषा बोन्‍न वळा लोगु खुणि मि इब्रानी छौं, अर नियम-कानूनों का हिसाब से दिखै जौ त मि एक फरीसी मनखि छौं।

1 तीमुथियुस 5:3

अर इन्दरि विधवा जनानियों को ध्यान रखा, जौं को सच्‍चि मा कुई भि मददगार नि च।

1 तीमुथियुस 5:9

अर ज्वा विधवा साठ साल से मथि हो, अर जिं न एक ही ब्यौ कैरी हो, अर जिं को नौ अच्छा कामों मा हो, अर जिं न अपणा बाल-बच्‍चों को खूब अच्छा से पालन-पोसण कैरी हो, अर मैमानदारी भि खूब अच्छा से निभै हो, अर जिं न नमर सभौ रखी के बिस्वासी लोगु की सेवा कैरी हो, अर दुखी लोगु की मदद कैरी हो, अर सब अच्छा काम करण खुणि तयार रौन्दी हो, इन्दरि विधवाओं को नौ ही वीं मदद करण वळी लिस्ट मा लिखे जौ, अर बिस्वास समुदाय का लोग वीं की मदद कैरा।

इब्रानी 13:1

हे मेरा भै-बैंणो एक-दुसरा का दगड़ा मा प्यार से रा।

याकूब 1:27

पर जु मनखि अनाथों अर विधवाओं का दुख मा ऊंकी देख-रेख करदु, अर खुद तैं दुनियां की बुरै से बचै के रखदु उई परमेस्वर की नजर मा सच्‍चु धरमी च। अर इन्द्रया धरमी ही पिता परमेस्वर की नजर मा बेदाग अर सच्‍चा छिन।

याकूब 4:5

अर तुम क्या सोचद्‍यां कि ज्वा बात पवित्रशास्‍त्र मा लिखीं च वा सुद्‍दी च? “ज्वा आत्मा पिता परमेस्वर न मनखि तैं देई, कखि वा आत्मा वे बटि दूर नि ह्‍वे जौ, वेका खातिर वेतैं जलन होन्दी।”

याकूब 5:9

हे मेरा भै-बैंणो, तुम एक-दुसरा पर नि कुड़कुड़ावा, ताकि तुम पर इळजाम नि लगये जौ। सुणा, न्याय करण वळु प्रभु द्‍वार पर ही च।