खास चेलों 5:9 - Garhwali

⁹ पतरस न वींकू बोलि, “या क्या बात च, कि तुम दुईया का दुई परमेस्वर की आत्मा तैं परखणु खुणि एक मन ह्‍वे ग्यां? देख, तेरा पति तैं दफनौण वळा द्‍वार पर ऐ गैनी, अर सुण, अब वु त्वेतै भि उठे के भैर लि जाला।”

गढवली नयो नियम

⁹ पतरस ल वीं मा बोलि, “या क्य बात च कि तुम दुयूं ल प्रभु कि आत्मा कि अजमैश कु एक मनसा कैरी? देख तेरु आदिम का दफनौंण वला द्वार पर ही खड़ा छिन अर अब उ त्वे तैं भि भैर ली जाला।”

खास चेलों 5:9 ပူးပေါင်းရင်းမြစ်များ

मत्ती 4:7

तब यीशु न वेकी बात तैं नकारी के बोलि कि, “पवित्रशास्‍त्र मा इन भि लिख्यूं च कि, ‘तू अपणा प्रभु परमेस्वर तैं नि भकलौ।’”

लूका 16:2

तब सेठ न वे कर्ता-धर्ता तैं बुलै अर वेकू बोलि, ‘तेरा बारा मा मि यू क्या सुनणु छौं? अपणा काम को हिसाब-किताब बतौ, किलैकि अब तिन कर्ता-धर्ता नि रौण।’

खास चेलों 15:10

त अब तुम ऊं बिस्वासी लोगु का मथि एक गरु जुवा जन बोझ रखी के परमेस्वर तैं किलै अजमौणा छाँ, अर वु बोझ नऽ त हम लोग न अर ना ही हमरा पितरों न उठे सैकी।

खास चेलों 5:6

तब ज्वान लोग न उठी के वेतैं कफन मा लपेटि अर दफनौणु खुणि नगर से भैर लि गैनी।

रोमियों 10:15

अर जब तक पिता परमेस्वर कैतैं ऊंका पास बतौण वळु ही नि भेजलु तब तक लोग वेका बारा मा कनकै सुणी सकदिन? मगर सच्‍चै त या च कि वेन अपणा बारा मा इस्राएली लोगु तैं बतै, जन कि पवित्रशास्‍त्र मा भि लिख्यूं च कि, “कथगा धन्य छिन वु लोग, जु कि शुभ समाचार सुणौन्दिन।”

रोमियों 3:19

अर अब हम या बात जणदा छां की नियम-कानून हमतै जु कुछ भि बतौन्दिन, वु सिरफ ऊं लोगु खुणि ही च जु नियम-कानूनों तैं मणदिन, ताकि ऊं लोगु की टुपटी बन्द ह्‍वे जौ। अर पिता परमेस्वर ही च जु की सब गळत काम करण वळा लोगु को न्याय करण वळु च।

1 कुरिन्थि 10:9

अर ना ही हम प्रभु तैं परखा कि उ कब तक हमरा दगड़ा मा च, किलैकि ऊंमा बटि भौत सा लोगु न इन्‍नि कैरी छौ। तब ऊंतैं दण्ड मिली, अर गुरौ न ऐके ऊंतैं काटी अर भौत सा लोग इनकै मोरि गैनी।