खास चेलों 5:36 - Garhwali

³⁶ किलैकि कुछ दिन पैलि थियुदास नौ को मनखि मुखिया बणि के ऐ छौ, अर बुल्दु छौ की मि भि कुछ छौं, अर करीब चार सौ लोग वेका दल मा सामिल ह्‍वे गै छा। पर जब वेतैं मरवयै गै, त जथगा भि लोग वेकी शिक्षा तैं मनण वळा छा, वु सब तितर-बितर ह्‍वे गैनी, अर अब ऊंका दल को कुई अता-पता ही नि च।

गढवली नयो नियम

³⁶ किलैकि यूं दिनों से पैली थियूदास यु बोलि के प्रगट हवे, लुखुं तैं बतै की उ एक महान आदिम च अर लगभग चार सौ लोग वे दगड़ी हवे गैनी पर उ मरै गै अर जथग लोग वे तैं मंणदा छा सब तितर-बितर हवीनि अर हरचि गैनी।

खास चेलों 5:36 ပူးပေါင်းရင်းမြစ်များ

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

मत्ती 24:26

इलै सुणा, अगर कुई तुमकु बोललु कि, ‘देखा, मसीह निर्जन जगा मा च,’ त भैर नि जयां, या ‘देखा, मसीह भितर कमरों मा च,’ त तुम ऊं पर बिस्वास नि कर्यां।

मत्ती 24:5

किलैकि भौत सरा लोग मेरा नौ से आला अर बुलला कि, ‘मि मसीह छौं,’ अर भौतों तैं भरमै द्‍याला।

खास चेलों 21:38

अरे तू त उई मिस्री छैई, जैन कुछ दिन पैलि दंगा कैरी छौ, अर चार हजार लोगु तैं निर्जन जगा मा लि जैके मारी दिनी, क्या तू उई नि छैई?”

खास चेलों 5:35

अर येन न्याय समिति का लोगु कू बोलि कि, “हे इस्राएली लोगु, अगर तुम यों लोगु का दगड़ा मा कुछ कना छाँ, त जरा सोची समझि के कर्यां।

खास चेलों 8:9

अर वे नगर मा फिलिप्पुस से पैलि शमौन नौ को एक जादूगर छौ, अर ये जादूगर न अपणा जादु-टोंणा का द्‍वारा उखा सब लोगु तैं घंघतोळ मा डालि के रख्युं छौ। अर यू जादूगर इन दावा करदु छौ, कि मि भि एक महान मनखि छौं।

गलातियों 2:6

अर मेरा दगड़्यों, शुभ समाचार को जु परचार मिन ऊं लोगु का बीच मा कैरी, जु कि यहूदी जाति का नि छिन। जब मिन ईं बात का बारा अध्यक्ष लोगु तैं बतै, त ऊंन मेरी बातों मा कुई फेर बदल नि कैरी, बल्किन उई बात मितैं वापस बतैनि। जब कि ऊ लोग त खास मणै जनदिन। (अर मितैं ईं बात से कुई फर्क नि पोड़दु, कि ऊंको पद क्या च, किलैकि पिता परमेस्वर कै भि मनखि का दगड़ा मा भेदभाव नि करदु)।

गलातियों 6:3

अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

2 पतरस 2:2

अर इथगा ही ना बल्किन मा भौत सा बिस्वासी लोग त ऊं झूठ्‍ठा गुरु लोगु का पिछनै चलला। तब जु लोग सच्‍चै का बारा नि जणदिन ऊ लोग झूठ्‍ठा गुरु लोगु का चाल-चलन तैं देखि के सच्‍चै का बाटा का बारा मा बुरु बुलला।

यहूदा 1:16

अर यू वु लोग छिन जु कि हर बात मा सिकैत करदिन, अर दुसरो का दोष खुज्यौदिन। अर अपणी बुरी इच्छाओं का मुताबिक अपणा जीवन तैं चलदिन अर अपणी बातों पर बड़ु मोन करदिन, अर अपणा फैदा खुणि दुसरा लोगु की चापलूसी भि करदिन।

दिब्य दरस 17:3

अर जब मि पवित्र आत्मा की ताकत से भरपूर ह्‍वे ग्यों तब उ स्वर्गदूत मितैं एक निर्जन जगा मा लि गै, अर उख मेरी नजर एक जनानि पर पोड़ि ज्वा की लाल रंग का एक दैंत पर बैठि छै। अर वे दैंत का सरील पर वु नौ लिख्यां छा ज्यां से कि परमेस्वर की बेजती होन्दी अर वेका सात मुण्ड़ अर दस सींग छा।

दिब्य दरस 17:5

अर वीं वेश्या का माथा पर इन लिख्यूं छौ कि, “राज बड़ु नगर बेबीलोन, वेश्याओं अर धरती की गन्दी चीजों तैं जनम देण वळो की माँ।”