खास चेलों 5:26 - Garhwali

²⁶ तब मन्दिर का सिपयों को अधिकारी ऊंतैं अपणा दगड़ा मा लि गै, अर ऊंन खास चेलों का दगड़ा मा कुई जोर-जबरदस्ती नि कैरी, पर चुपचाप से ऊंतैं वु अफ दगड़ा मा लेके ऐनी, किलैकि ऊंतैं डौऽर छै कि कखि लोग ऊं पर ढुंग्यो नि लगै द्‍या।

गढवली नयो नियम

²⁶ जब ऊंल यु सूंणि, तब मन्दिर का रखवलों का सरदार का दगड़ी मन्दिर मा गैनी, अधिकारियों का दगड़ी जै कै, प्रेरितों तैं महासभा का संमणी लै ऐनी, पर जोर जबरदस्ती ल न उ लुखुं बट्टी डरदा छा कि लोग ढुंग्यो मार-मारि के ऊं की हत्या कैरी दयाला।

खास चेलों 5:26 ပူးပေါင်းရင်းမြစ်များ

मत्ती 14:5

अर हेरोदेस यूहन्‍ना तैं जान से मरण चान्दु छौ, पर वु लोगु से डऽरदु छौ, किलैकि लोग यूहन्‍ना तैं परमेस्वर को रैबर्या मणदा छा।

मत्ती 21:26

अर अगर जु हम इन बुल्द्‍यां, ‘मनखियों की तरफा बटि,’ त हम कू भीड़ की डौऽर च, किलैकि यू सब यूहन्‍ना तैं परमेस्वर को एक रैबर्या मणदिन।”

मत्ती 26:5

पर ऊंन इन भि बोलि, “त्योवार का बगत मा हम लोगु तैं इन नि करण चयेणु, कखि इन नि हो कि लोगु मा हल्‍ला मची जौ।”

मत्ती 26:58

पर पतरस काफी दूर ह्‍वेके यीशु का पिछनै-पिछनै महा पुरोहित का चौक तक पौंछी गै। अर भितर जैके पैरादारों का दगड़ा मा बैठि गै, ताकि देखो कि अगनै क्या जि होलु।

लूका 20:19

अर शास्‍त्री अर मुख्य पुरोहित समझि गैनी, कि वेन यू उदारण हम खुणि बोलि, इलै वु यीशु तैं वे बगत ही पकड़ण चाणा छा, मगर ऊंतैं लोगु की डौऽर लगि।

लूका 20:6

अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ,’ त सब लोगु न हमतै ढुंग्योण च। किलैकि लोगु तैं यकीन छौ कि यूहन्‍ना बपतिस्मा देण वळु एक रैबर्या च।”

लूका 22:2

अर मुख्य पुरोहित अर शास्‍त्री, यीशु तैं अपणा बाटा बटि साफ करण चाणा छा, मगर ऊ लोगु बटि डऽरदा छा।

लूका 22:4

अर यहूदा मुख्य पुरोहितों अर मन्दिर का अधिकारीयों का पास इन बात-चित करणु कू गै, कि उ यीशु तैं कनकै ऊंका हवाला करालु।

खास चेलों 4:21

तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।

खास चेलों 5:13

फिर भि भौत सा लोग इन छा जु की यों को आदर-सम्मान करदा त छा, पर ऊंकी हिम्मत नि होन्दी छै की वु ऊंका दगड़ा मा मिली जा।

खास चेलों 5:22

पर जब मन्दिर का सिपै उख पौंछिनी, त जेलखाना मा ऊंतैं खास चेला नि दिखैनि, अर वापस लौटी के सिपयों न इन खबर दिनी कि,

खास चेलों 5:24

अर जब मन्दिर का सिपयों का अधिकारी न, अर मुख्य पुरोहितों न सुणी त यों बातों तैं सुणी के घबरै गैनी, कि अब क्या जि होलु।

खास चेलों 5:25

अर इथगा मा कैन ऐके ऊंतैं बतै, “अरे सुणा, जौं लोगु तैं तुमुन जेलखाना मा बन्द कैरी छौ, वु मन्दिर मा खड़ा ह्‍वेके लोगु तैं उपदेस देणा छिन।”