खास चेलों 5:24 - Garhwali

²⁴ अर जब मन्दिर का सिपयों का अधिकारी न, अर मुख्य पुरोहितों न सुणी त यों बातों तैं सुणी के घबरै गैनी, कि अब क्या जि होलु।

गढवली नयो नियम

²⁴ जब यरूशलेम शहर का मन्दिर का रखवलों का सरदार अर प्रधान याजक ल या बात सूंणि त ऊं चेलों का बारा मा भौत चिंता मा पड़ी गैनी कि यांको क्य परिणाम होलो

खास चेलों 5:24 ပူးပေါင်းရင်းမြစ်များ

लूका 22:4

अर यहूदा मुख्य पुरोहितों अर मन्दिर का अधिकारीयों का पास इन बात-चित करणु कू गै, कि उ यीशु तैं कनकै ऊंका हवाला करालु।

लूका 22:52

तब यीशु न मुख्य पुरोहितों अर मन्दिर का पैरादारों अर अध्यक्षों कू बोलि, “क्या तुम मितैं डाकु समझद्‍यां, कि जु तुम तलवार अर लाठा लेके अयां छाँ?

यूहन्ना 12:19

तब फरीसी दल का लोग आपस मा बुलण लगि गैनी, “हम लोगु बटि कुछ भि नि ह्‍वे सकणु च, देखा, सरी दुनियां का लोग वेका पिछनै चलण लगि गैनी।”

खास चेलों 2:12

अर यू देखि के सब लोग हकदक छा अर बड़ी उळझण मा पोड़यां छा तब ऊ एक-दुसरा बटि पूछण लगि गैनी, “आखिर मा यू सब होणु क्या च?”

खास चेलों 4:1

जब पतरस अर यूहन्‍ना लोगु मा या बात बोन्‍ना ही छा, कि तबरि पुरोहित अर मन्दिर का सिपयों का अधिकारी अर सदूकी लोग ऊंका पास ऐ गैनी।

खास चेलों 4:21

तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।

खास चेलों 5:23

“साब, जब हम उख पौंछयां, त हमुन देखि कि जेलखाना का द्‍वार पर पैरेदार खड़ा होयां छिन अर द्‍वार पर तालु भि लग्यूं च मगर जब हमुन द्‍वार खोली त भितर कुई भि नि छौ।”

खास चेलों 5:25

अर इथगा मा कैन ऐके ऊंतैं बतै, “अरे सुणा, जौं लोगु तैं तुमुन जेलखाना मा बन्द कैरी छौ, वु मन्दिर मा खड़ा ह्‍वेके लोगु तैं उपदेस देणा छिन।”

खास चेलों 5:26

तब मन्दिर का सिपयों को अधिकारी ऊंतैं अपणा दगड़ा मा लि गै, अर ऊंन खास चेलों का दगड़ा मा कुई जोर-जबरदस्ती नि कैरी, पर चुपचाप से ऊंतैं वु अफ दगड़ा मा लेके ऐनी, किलैकि ऊंतैं डौऽर छै कि कखि लोग ऊं पर ढुंग्यो नि लगै द्‍या।