खास चेलों 4:27 - Garhwali

²⁷ “अर सच्‍चि मा इन्‍नि ह्‍वे कि राजा हेरोदेस अन्तिपास अर गवर्नर पुन्तियुस पिलातुस न भि इस्राएली लोगु अर ऊं लोगु का दगड़ा मा मिली के जु यहूदी जाति का नि छां, तुमरा पवित्र सेवक यीशु मसीह का खिलाप ये नगर मा इकट्‍ठा ह्‍वेनि, जैतैं तुमुन चुण्यूं छौ।

गढवली नयो नियम

²⁷ किलैकि सच मा तेरु पवित्र सेवक यीशु का विरोध मा जै को तिल अभिषेक कैरी राजा हेरोदेस अर पुन्तियुस पिलातुस राज्यपाल भि अन्यजातियों का अर इस्राएलियों का दगड़ा यरूशलेम शहर मा कट्ठा हवेनि

खास चेलों 4:27 ပူးပေါင်းရင်းမြစ်များ

मत्ती 14:1

अर वे बगत गलील मुलक पर सासन करण वळा हेरोदेस अन्तिपास न यीशु की चर्चा सुणी।

मत्ती 14:3

अर यू उई हेरोदेस च, जैन अपणा भै फिलिप्पुस की घरवळी हेरोदियास का दगड़ा मा ब्यौ कैरियाली छौ। अर यूहन्‍ना न वेतैं कई दौं चितै के बोलि छौ कि तू अपणी भै कि घरवळी तैं रखणी छैई, जु कि नियम-कानून का खिलाप मा च, अर या बात त्वे खुणि ठिक नि च। इलै हेरोदियास का बोन्‍न पर राजा हेरोदेस न यूहन्‍ना तैं संगुळों मा बन्धी बणै के जेलखाना मा डलवै दिनी।

मत्ती 14:6

पर जब हेरोदेस अन्तिपास को जनम दिन ऐ, त हेरोदियास कि नौनि न दावत मा नाची के हेरोदेस तैं खुश कैरी दिनी।

मत्ती 21:28

अर यीशु न ऊं से पूछी, “चला, इन बता तुम ईं बात का बारा मा क्या सोचद्‍यां? सुणा, एक मनखि का दुई नौना छा। अर एक दिन वेन बड़ा नौना का पास जैके बोलि, ‘बेटा, आज अंगूरों का बगिचा मा जैके काम कैर।’

मत्ती 23:37

अर यीशु न फिर से बोलि, “हे यरूशलेम का लोगु, तुम परमेस्वर का रैबर्यों तैं मारी देन्द्‍यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन भौत बार इन चै कि जन कुखडि अपणा बच्‍चों तैं अपणा फाँकुड़ो का तौळ इकट्‍ठा कैरिके रखदी, उन्‍नि मि भि तुमतै इकट्‍ठा कैरुं, पर तुम लोगु न इन नि चै।

मत्ती 27:2

तब ऊ वेतैं बान्धि के लि गैनी, अर रोमी गवर्नर पिलातुस का हाथ मा सौंप दिनी।

मरकुस 10:33

वेन बोलि, “सुणा, हम लोग यरूशलेम नगर कू जाणा छां, अर उख मनखि का पुत्र तैं मुख्य पुरोहितों अर शास्‍त्री लोगु का हवाला किये जालु, अर वु वे पर इळजाम लगाला कि वेतैं जान से मार दिये जौ, अर वेतैं ऊं लोगु का हवाला करला जु कि यहूदी जाति का नि छिन।

मरकुस 15:31

अर ठिक इन्‍नि मुख्य पुरोहित, शास्‍त्री यीशु को मजाक उड़ै के अपणा आपस मा बोन्‍ना छा कि, “अरे येन दुसरो तैं बचै, पर अब खुद तैं नि बचै सकणु।

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

लूका 22:63

अर वे बगत यीशु तैं जौं लोगु की निगराणी मा रख्युं छौ, वु लोग वेतैं मरण लगि गैनी। अर ऊंन वेको मजाक भि उड़ै,

लूका 23:1

तब सभा का सब लोग उठनि, अर यीशु तैं गवर्नर पिलातुस का पास लि गैनी।

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

लूका 9:22

तब यीशु न चेलों तैं बतै, “यू जरुरी च कि मनखि को पुत्र भौत खैरि खौऽ, अर अध्यक्षों, मुख्य पुरोहितों अर शास्‍त्री लोग वेतैं नकारी के मरवै द्‍या, मगर उ तिसरा दिन मुरदो मा बटि ज्यून्दु ह्‍वे जालु।”

यूहन्ना 1:11

उ अपणा निज लोगु का बीच मा ऐ, पर वेका अपणा लोगु न वेतैं स्वीकार नि कैरी।

यूहन्ना 10:36

अर मितैं पिता न पवित्र ठैरै के दुनियां मा भेजि च। इलै मिन बोलि कि ‘मि परमेस्वर को पुत्र छौं,’ क्या इलै ही तुम बुल्द्‍यां कि, ‘तू परमेस्वर की बुरै कनि छैई?’

यूहन्ना 18:28

तब रात खुलण का बगत ऊ लोग यीशु तैं काइफा का इख बटि रोमी गवर्नर पिलातुस का राजमहल मा लि गैनी। अर ऊ यहूदी लोग खुद राजमहल का भितर नि गैनी, किलैकि कखि ऊ अशुद्ध नि ह्‍वे जा, अर फसह को त्योवार को खाणु नि खै सैका।

यूहन्ना 18:29

इलै पिलातुस न भैर ऐके ऊंतैं पूछी कि, “तुम ये मनखि पर कै बात को दोष लगौणा छाँ?”

यूहन्ना 19:34

तब एक सिपै न वेकी पंणकोखि पर भाले की मारी, अर तुरन्त उख बटि ल्वे अर पाणि निकळण लगि गै।

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

खास चेलों 2:27

किलैकि तुम मेरा पराण तैं अधलोक मा नि छुड़ील्या, अर ना ही अपणा पवित्र मनखि तैं कबरुन्द सड़ण दिल्या।

खास चेलों 4:30

अर अपणा हाथ बढै के ऊंतैं ताकत द्‍या, ताकि ऊ तुमरा पवित्र सेवक यीशु मसीह का नौ से लोगु तैं खूब कैरी सैका, अर बड़ा-बड़ा चमत्कारिक कामों तैं अदभुत तरीके से कैरी सैका।”

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।