खास चेलों 4:21 - Garhwali

²¹ तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।

गढवली नयो नियम

²¹ तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।

खास चेलों 4:21 ပူးပေါင်းရင်းမြစ်များ

मत्ती 15:31

अर जब लोगु न देखि कि गूंगा बुलणा छिन, अर लूला-लंगड़ा खूब ह्‍वेके हिटणा छिन, अर अन्धा दिखणा छिन, त भीड़ का लोग दंग ह्‍वेके इस्राएल का परमेस्वर की बडै करण लगि गैनी।

मत्ती 21:46

अर वु वेतैं पकड़ण चाणा छा, मगर ऊंतैं भीड़ का लोगु से डौऽर लगि, किलैकि लोग वेतैं परमेस्वर को एक रैबर्या मणदा छा।

मत्ती 26:5

पर ऊंन इन भि बोलि, “त्योवार का बगत मा हम लोगु तैं इन नि करण चयेणु, कखि इन नि हो कि लोगु मा हल्‍ला मची जौ।”

मत्ती 9:33

अर जब यीशु न वे खबेस तैं निकळि दिनी, त गूंगु मनखि बुलण लगि गै। अर यू देखि के भीड़ का लोग हकदक ह्‍वेके बोन्‍न लगि गैनी, “हम इस्राएली लोगु मा इन्द्रयो काम अभि तक कैन नि देखि”

मत्ती 9:8

अर यू होन्द देखि के लोग डौऽरी गैनी अर परमेस्वर की बडै करण लगि गैनी, कि परमेस्वर न मनखियों तैं इन्द्रयो अधिकार दियूं च।

लूका 13:17

जब वेन या बात बोलि त जु लोग वेका खिलाप मा छा ऊं सभ्यों की बेजती ह्‍वे गै, पर भीड़ का सब लोग वेका यों चमत्कारिक कामों से जु वेन करिनी आनन्द मनौणा छा।”

लूका 20:19

अर शास्‍त्री अर मुख्य पुरोहित समझि गैनी, कि वेन यू उदारण हम खुणि बोलि, इलै वु यीशु तैं वे बगत ही पकड़ण चाणा छा, मगर ऊंतैं लोगु की डौऽर लगि।

लूका 20:6

अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ,’ त सब लोगु न हमतै ढुंग्योण च। किलैकि लोगु तैं यकीन छौ कि यूहन्‍ना बपतिस्मा देण वळु एक रैबर्या च।”

लूका 22:2

अर मुख्य पुरोहित अर शास्‍त्री, यीशु तैं अपणा बाटा बटि साफ करण चाणा छा, मगर ऊ लोगु बटि डऽरदा छा।

लूका 5:26

अर यू देखि के सब लोग हैरान ह्‍वे गैनी अर परमेस्वर की बडै करण लगि गैनी। अर वु भौत डौऽरी के बोन्‍न लगि गैनी कि, “आज हमुन अदभुत काम होन्द देखि।”

खास चेलों 4:17

अर कखि इन नि हो की खूब होण की या बात लोगु का बीच मा और भि जादा फैली जौ, इलै आ इन करद्‍यां कि हम ऊंतैं हड़कौन्द्‍यां, ताकि फिर ऊ कभि यीशु नौ की चर्चा कै का दगड़ा मा नि कैरा।”

खास चेलों 4:22

अर लोग परमेस्वर की बडै इलै करणा छा, किलैकि यू मनखि जु पतरस अर यूहन्‍ना का द्‍वारा चमत्कार कैरिके खूब ह्‍वे छौ, उ चालीस साल से मथि छौ अर पैदा होण का बगत बटि ही लंगड़ा छौ।

खास चेलों 5:13

फिर भि भौत सा लोग इन छा जु की यों को आदर-सम्मान करदा त छा, पर ऊंकी हिम्मत नि होन्दी छै की वु ऊंका दगड़ा मा मिली जा।

खास चेलों 5:26

तब मन्दिर का सिपयों को अधिकारी ऊंतैं अपणा दगड़ा मा लि गै, अर ऊंन खास चेलों का दगड़ा मा कुई जोर-जबरदस्ती नि कैरी, पर चुपचाप से ऊंतैं वु अफ दगड़ा मा लेके ऐनी, किलैकि ऊंतैं डौऽर छै कि कखि लोग ऊं पर ढुंग्यो नि लगै द्‍या।

खास चेलों 5:40

तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां।