खास चेलों 4:14 - Garhwali

¹⁴ अर ऊंन वे अपंग मनखि तैं जु खूब ह्‍वे छौ, ऊंका दगड़ा मा खड़ु होयुं देखि, त वु लोग यों दुईयों का खिलाप मा कुछ नि बोलि सकिनी।

गढवली नयो नियम

¹⁴ ऊंल वे मनिख तैं जु खूब हवे छो पतरस अर यूहन्ना का दगड़ी खड़ो देखि के वे झुण्ड का लोग ऊँका विरोध मा कुछ नि बोलि सकिनि।

खास चेलों 4:14 ပူးပေါင်းရင်းမြစ်များ

खास चेलों 19:36

अर यों बातों तैं कुई नकारी नि सकदु, इलै चुप रा अर जल्दबाजी मा कुई भि कदम नि उठा।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

खास चेलों 4:13

अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

खास चेलों 4:15

इलै ऊंन पतरस अर यूहन्‍ना तैं अपणी न्याय समिति मा बटि भैर जाण को हुकम देई, अर फिर ऊ आपस मा बात-चित करण लगि गैनी।

खास चेलों 4:16

अर ऊंन आपस मा बोलि कि, “हम यों दुईयों का दगड़ा मा क्या जि कैरा? किलैकि यों का द्‍वारा सच्‍चि मा अदभुत चमत्कार दिखये गै, अर ईं बात का बारा मा यरूशलेम नगर का सब निवासी लोगु तैं पता चलि गै अर हम ईं बात तैं नकारी नि सकद्‍यां।

खास चेलों 4:21

तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।