खास चेलों 4:13 - Garhwali

¹³ अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

गढवली नयो नियम

¹³ जब ऊंल पतरस अर यूहन्ना को साहस देखि अर यु जांणि की यु साधारण मनिख छिन अर परमेश्वर के वचन का कुछ खास शिक्षा नि पै छै उ हकदक हवे गैनी। अगुवों ल ऊं तैं पैछांणि यु सम्भव इलै हवे साकी किलैकि उ यीशु का दगड़ी रौंदा छा।

खास चेलों 4:13 ပူးပေါင်းရင်းမြစ်များ

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

मत्ती 26:71

तब पतरस उख बटि उठी के भैर द्‍वार का पास गै, अर उख एक दुसरि नौकराणि न वेतैं देखि, तब वींन उख जमा होयां लोगु कू बोलि, “अरे यू मनखि भि त नासरत गौं का यीशु का दगड़ा मा छौ।”

मत्ती 26:73

अर कुछ देर बाद आस-पास खड़ा होयां लोगु न पतरस का पास ऐके बोलि, “सच्‍चि मा तेरा बोन्‍न का तरीका से साफ पता चलणु च, कि तू भि गलील मुलक को छैई, अर ऊं मदि एक छैई।”

लूका 22:8

तब यीशु न पतरस अर यूहन्‍ना तैं इन बोलि के भेजि, “जा, अर हम खुणि फसह को खाणु तयार कैरा।”

यूहन्ना 19:26

जब यीशु न अपणी माँ अर अपणा प्रिय चेला तैं उख खड़ु होयुं देखि, तब वेन अपणी माँ खुणि बोलि, “माँ, देख आज बटि यू तेरु नौनु च।”

यूहन्ना 7:15

तब यहूदी हैरान ह्‍वेके बुलण लगि गैनी, “यू त कभि शास्‍त्र की पाठसाला मा नि गै, त फिर येतैं इथगा शिक्षा कख बटि मिली?”

यूहन्ना 7:49

पर ईं भीड़ का लोग पर असगार लग्यूं च, किलैकि ऊ नियम-कानून तैं नि जणदिन।”

खास चेलों 4:14

अर ऊंन वे अपंग मनखि तैं जु खूब ह्‍वे छौ, ऊंका दगड़ा मा खड़ु होयुं देखि, त वु लोग यों दुईयों का खिलाप मा कुछ नि बोलि सकिनी।

खास चेलों 4:19

अर ऊंन ऊंतैं जबाब दिनी, “चला, अब तुम ही बता, कि परमेस्वर की नजर मा क्या ठिक च। क्या परमेस्वर का छौन्द, हम वेकी बात तैं माणा या तुमरि?

खास चेलों 4:29

अर प्रभु हम तुम बटि बिन्ती करद्‍यां कि, तुम ही ऊंकी यों धमकियों तैं सुणा, अर अपणा सेवकों की मदद कैरा, ताकि यू हिम्मतळ तुमरो वचन तैं सुणै सैका।

खास चेलों 4:31

अर जब ऊंन इन प्रार्थना कैरी दिनी, त जख ऊ सब लोग इकट्‍ठा होयुं छा वा जगा हिली गै, अर वु सब पवित्र आत्मा से भरपूर ह्‍वे गैनी। अर येका बाद वु सब लोग फिर से परमेस्वर का वचन तैं बड़ी हिम्मतळ सुनौण लगि गैनी।

खास चेलों 9:27

तब बरनबास वेतैं खास चेलों का पास लेके गै। अर वेन खास चेलों तैं समझै अर ऊंतैं बतै की शाऊल न प्रभु तैं बाटा मा कनकै देखि, अर प्रभु न वे बटि बाटा मा कनकै बात कैरी, अर वेन ऊंतैं या बात भि बतै कि येन कनकै बिन डऽरयां दमिश्क नगर मा यीशु नौ को परचार कैरी।

खास चेलों 9:28

अर शाऊल यरूशलेम नगर मा खास चेलों का दगड़ा मा रौण लगि गै, अर जग-जगा जैके बिन डऽरयां प्रभु को परचार करण लगि गै।

1 कुरिन्थि 1:27

अर कुई भि मनखि पिता परमेस्वर का समणि बड़ु मोन नि कैरी सकदु। अर वेन ही ज्ञानी लोगु की बेजती करणु खुणि, दुनियां का ऊं लोगु तैं चुणी जौं तैं कुछ नि समझै जान्दु। अर वेन ही दुनियां का कमजोर लोगु तैं भि चुणी, ताकि ऊ ताकतबर लोगु तैं सरमसार कैरी सैका। अर जु इन बुल्दिन कि हम खास लोग छां पिता परमेस्वर न ऊंतैं ना, बल्किन मा हम जन लोगु तैं जु कि दुनियां की नजर मा कुछ भि नि छा, अर नीच जात का मणै जन्द्‍यां। हाँ, हमतै ही जु कि कुछ नि छां पिता परमेस्वर न अफ खुणि चुण्यालि।

1 कुरिन्थि 14:25

तब वेतैं इन मैसूस होलु कि पिता परमेस्वर वेका सब कामों का बारा मा जणदु च, जु वेन कैरी छिन। तब उ भ्वीं मा पोड़ि के पिता परमेस्वर की भक्‍ति करलु अर बुललु “सच्‍चि मा ज्यून्द पिता परमेस्वर तुमरा बीच मा च।”

2 कुरिन्थि 3:12

अर जब हमरा पास इन्दरि आस च, त इलै ही हम बड़ी हिम्मत से बुल्द्‍यां।