खास चेलों 3:4 - Garhwali

⁴ पतरस अर यूहन्‍ना न वेकी तरफा ध्यान से देखि अर बोलि, “हम जनै देख।”

गढवली नयो नियम

⁴ पतरस अर यूहन्ना ल सीधा वे तैं देखि के बोलि, “हम जनै देख”

खास चेलों 3:4 ပူးပေါင်းရင်းမြစ်များ

लूका 4:20

तब यीशु न किताब बन्द कैरिके प्रार्थना भवन का सेवक तैं वापिस दे दिनी अर फिर बैठि गै। अर प्रार्थना भवन का सब लोगु की नजर वे पर ही लगि रै।

यूहन्ना 11:40

तब यीशु न वींकू बोलि, “क्या मिन त्वेकू इन नि बोलि छौ, कि अगर तू बिस्वास करली, त तू दिखली कि परमेस्वर कथगा महान च?”

यूहन्ना 5:6

तब यीशु न वेतैं उख पोड़्यूं देखि अर वेतैं पता चलि, कि यू ईं दसा मा इख भौत दिनों बटि पोड़्यूं च। इलै वेन वे बटि पूछी, “क्या तू खूब होण चान्दी?”

खास चेलों 10:4

अर वेन स्वर्गदूत की तरफा ध्यान से देखि अर डौऽरी गै अर बोलि, “यू क्या च श्रीमान,” स्वर्गदूत न वेकू बोलि, “परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

खास चेलों 11:6

अर जब मिन वीं चीज तैं ध्यान से देखि, त वामा धरती का हरेक किसम का जानबर याने की चार खुटों वळा जानबर, रिंगण वळा, अर पंछि भि छा।

खास चेलों 3:1

एक दिन पतरस अर यूहन्‍ना दुफरे तीन बजी का करीब प्रार्थना का बगत मन्दिर कू जाणा छा।

खास चेलों 3:11

पतरस अर यूहन्‍ना मन्दिर का वे बरण्डा का पास छा जैकू सुलैमान को बरण्डा बुले जान्दु, अर अपणी खुशी का बानो ये भिकारी मनखि न ऊंतैं पकड़ी के रख्युं छौ। अर ये मनखि तैं देखि के हकदक होईं भीड़ भागी के ऊंका पास ऐ।

खास चेलों 3:12

अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।

खास चेलों 3:3

जब ये मनखि न पतरस अर यूहन्‍ना तैं मन्दिर मा औन्द देखि, त कुछ पौण की उम्मीद से वेन ऊं बटि भीक मांगि।

खास चेलों 3:5

तब वेन ऊं बटि कुछ पौणे की इच्छा से ऊं जनै देखि।