खास चेलों 3:1 - Garhwali

¹ एक दिन पतरस अर यूहन्‍ना दुफरे तीन बजी का करीब प्रार्थना का बगत मन्दिर कू जाणा छा।

गढवली नयो नियम

¹ एक दिन पतरस अर यूहन्ना दुफरा मा तीन बजी का लगभग परमेश्वर बट्टी प्रार्थना का बगत मा परमेश्वर बट्टी यरूशलेम शहर का मन्दिर मा जांणा छा।

खास चेलों 3:1 ပူးပေါင်းရင်းမြစ်များ

मत्ती 17:1

अर यों सब बातों का छह दिन का बाद यीशु, पतरस, याकूब अर वेका भै यूहन्‍ना तैं दुसरा चेलों से अलग कैरिके अपणा दगड़ा मा एक ऊँचा ढौंडा मा लि गै।

मत्ती 26:37

तब यीशु अपणा दगड़ा मा पतरस अर जबदी का दुई नौना याने कि याकूब अर यूहन्‍ना तैं लेके गै। तब उ भौत उदास अर परेसान होण लगि गै।

मत्ती 27:45

अर दुफरे की बारह बजी बटि लेके तीन बजी तक पूरा देस मा अन्धेरु होयुं रै।

लूका 1:10

जब उ धूबत्ती जलौणु छौ, तब सब लोग भैर एकजुट ह्‍वेके वे बगत प्रार्थना कना छा।

लूका 18:10

“एक बार दुई मनखि मन्दिर मा प्रार्थना करणु कू गैनी, ऊंमा बटि एक फरीसी दल को मनखि अर दुसरो चुंगी लेण वळु छौ।

लूका 22:8

तब यीशु न पतरस अर यूहन्‍ना तैं इन बोलि के भेजि, “जा, अर हम खुणि फसह को खाणु तयार कैरा।”

लूका 24:53

अर ऊ लगातार मन्दिर मा जैके परमेस्वर की बडै करदा छा।

यूहन्ना 21:7

अर जै चेला बटि यीशु जादा प्यार करदु छौ, वेन पतरस कू बोलि, “अरे, यू त प्रभु छिन,” अर जन्‍नि शमौन पतरस न या बात सुणी कि, “यू त प्रभु छिन,” उन्‍नि वेन यीशु तैं मिलणु कू अपणा कपड़ा पैरिनी (किलैकि वेका पूरा कपड़ा नि पैरयां छा), अर झील मा फाल मारी दिनी।

खास चेलों 10:3

अर एक दिन इन ह्‍वे कि दुफरे तीन बजी का करीब कुरनेलियुस न एक दरसन देखि, कि परमेस्वर को एक स्वर्गदूत वेका पास ऐ अर वेन वेकू बोलि, “हे कुरनेलियुस”

खास चेलों 10:30

तब कुरनेलियुस न जबाब देई, “आज से ठिक चार दिन पैलि दुफरे तीन बजी का करीब मि घौर मा ये ही बगत पर प्रार्थना कनु छौ, कि तबरि मिन देखि कि एक आदिम चमकिला कपड़ा पैरयूं मेरा समणि खड़ु ह्‍वे गै।

खास चेलों 2:46

अर ऊ एक मन ह्‍वेके हरेक दिन मन्दिर मा इकट्‍ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा।

खास चेलों 3:3

जब ये मनखि न पतरस अर यूहन्‍ना तैं मन्दिर मा औन्द देखि, त कुछ पौण की उम्मीद से वेन ऊं बटि भीक मांगि।

खास चेलों 3:4

पतरस अर यूहन्‍ना न वेकी तरफा ध्यान से देखि अर बोलि, “हम जनै देख।”

खास चेलों 4:13

अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

खास चेलों 5:25

अर इथगा मा कैन ऐके ऊंतैं बतै, “अरे सुणा, जौं लोगु तैं तुमुन जेलखाना मा बन्द कैरी छौ, वु मन्दिर मा खड़ा ह्‍वेके लोगु तैं उपदेस देणा छिन।”

खास चेलों 8:14

अर जु खास चेला यरूशलेम नगर मा रौणा छा, जब ऊंतैं ईं बात का बारा मा पता चलि कि सामरिया मुलक का लोगु न भि परमेस्वर का वचन तैं स्वीकार कैरियाली, तब ऊंन पतरस अर यूहन्‍ना तैं ऊंका पास भेजि।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।