खास चेलों 28:8 - Garhwali

⁸ अर पुबलियुस भै को बुबा तैं खून काट होणा छा, अर यां की वजै से वु पस्त ह्‍वेके बिस्तर पर पोड़्यूं छौ, अर वेतैं जौर भि अयूं छौ। तब पौलुस वेका पास गै अर वे पर हाथ रखी के प्रार्थना कैरी, अर वु खूब ह्‍वे गै।

गढवली नयो नियम

⁸ अब इन हवे कि पुबलियुस को बुबा जौर ल अर करासी ल बिमार पुड़यूँ छो। पौलुस ल कमरा का भितर जै के पिता परमेश्वर बट्टी प्रार्थना कैरी अर वे पर अपड़ा हथ रखि के उ खूब कैरी दींनि।

खास चेलों 28:8 ပူးပေါင်းရင်းမြစ်များ

मत्ती 10:1

अर यीशु न अपणा बारह चेलों तैं अपणा पास बुलै अर ऊंतैं मनखियों मा बटि खबेसों तैं निकळण को, अर सब किसमे बिमारियों तैं अर हरेक कमजोरियों तैं दूर करण को अधिकार दिनी।

मत्ती 10:8

अर बिमारों तैं खूब कैरा, मुरयां लोगु तैं ज्यून्द कैरा, अर कोड़ियों तैं शुद्ध कैरा, अर खबेसों तैं मनखियों मा बटि निकाळा। अर जन यू अधिकार तुमतै मुफत मा मिली, ठिक उन्‍नि तुम भि लोगु तैं यू मुफत मा द्‍या।

मत्ती 12:13

तब यीशु न सुख्यां हाथ वळा मनखि कू बोलि, “अपणु हाथ अगनै बढ़ो” अर वेन बढै, तब वेको वु हाथ भि दुसरा हाथ का जन ठिक ह्‍वे गै।

मत्ती 9:18

अर जब यीशु ऊंतैं यू बात बतौणु ही छौ कि देखा, प्रार्थना भवन को एक अधिकारी वेका पास ऐ, अर वेतैं परणाम कैरिके बोलि, “गुरुजी, मेरी नौनि अभि-अभि मोरि गै, पर फिर भि तुम चलि के अपणु हाथ वीं पर रख द्‍या, ताकि वा ज्यून्द ह्‍वे जौ।”

मरकुस 16:18

वु गुरौऔं तैं भि उठे द्‍याला, इख तक की अगर वु बिस भि पे द्‍याला, तभि भि ऊंतैं कुछ नुकसान नि होलु, वु बिमार लोगु पर अपणु हाथ रखला अर ऊ खूब ह्‍वे जाला।”

मरकुस 5:23

वेन इन बोलि कि, “गुरुजी, मेरी छुटी नौनि मुरण वळी च, तुम चलि के अपणु हाथ वीं पर रख द्‍या, ताकि वा ठिक ह्‍वे जौ अर ज्यून्द रौ।”

मरकुस 6:5

अर ऊंन वेतैं स्वीकार नि कैरी, इलै यीशु न उखा कुछ बिमारों पर हाथ रखी के ऊंतैं खूब कैरी, अर येका अलावा वु कुछ भि अदभुत काम नि कैर पै।

मरकुस 7:32

अर लोग एक बैरा मनखि तैं वेका पास लेके ऐनी, जु कि हकलान्दु भि छौ। अर लोगु न वेसे बटि बिन्ती कैरी कि अपणु हाथ वे पर रखा।

लूका 13:13

तब वेन अपणु हाथ वीं जनानि पर रखी, अर तुरन्त वीं की कमर सीदी ह्‍वे गै, अर वा परमेस्वर कि बडै करण लगि गै।

लूका 4:40

अर रुमुक का बगत जौं-जौं का इख बन्‍नि-बन्‍नि किसमे की बिमारि मा लोग पोड़यां छा, ऊ सब ऊं लोगु तैं यीशु का पास लैनि। अर वेन एक-एक पर हाथ रखी के ऊंतैं खूब कैरी देई।

खास चेलों 28:7

अर ईं जगा का नजदीक ही ये टापू का परधान पुबलियुस की जमीन छै। अर येन अपणा घौर लि जैके हमरु स्वागत कैरी, अर तीन दिनों तक हमरि खूब अच्छे से खातिरदारि कैरी।

खास चेलों 28:9

अर जब लोगु तैं ईं बात का बारा मा पता चलि, त वे टापू का और बिमार लोग भि ऐनी अर वु सब भि खूब ह्‍वे गैनी।

खास चेलों 9:40

तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

1 कुरिन्थि 12:9

अर वे ही पवित्र आत्मा का द्‍वारा कुछ लोगु तैं बिस्वास मा और जादा मजबूत होण को बरदान मिलदु, त कैतैं पवित्र आत्मा का द्‍वारा बिमारों तैं खूब करण को बरदान मिल्यूं च।