खास चेलों 28:7 - Garhwali

⁷ अर ईं जगा का नजदीक ही ये टापू का परधान पुबलियुस की जमीन छै। अर येन अपणा घौर लि जैके हमरु स्वागत कैरी, अर तीन दिनों तक हमरि खूब अच्छे से खातिरदारि कैरी।

गढवली नयो नियम

⁷ वीं जगह का नजदीक वे टापू का नजदीक पर प्रधान शासक पुबलियुस कि जमींन छै, वेल अपड़ा घौर लिजै के तीन दिन तक हमारी प्रेम का दगड़ी खूब इज्जत खातिर कैरी।

खास चेलों 28:7 ပူးပေါင်းရင်းမြစ်များ

खास चेलों 13:7

अर बार-यीशु की जाण-पछ्याण ये नगर का गवर्नर सिरगियुस पौलुस का दगड़ा मा भौत अच्छे से छै। अर यू गवर्नर एक समझदार मनखि छौ, अर ये गवर्नर न बरनबास अर शाऊल तैं बुलै, किलैकि उ परमेस्वर का वचन तैं सुनण चान्दु छौ।

खास चेलों 18:12

अर जौं दिनों मा अखया मुलक को गवर्नर गल्‍लियो छौ, ये बगत यहूदी लोग एक मन ह्‍वेके पौलुस का खिलाप मा खड़ा ह्‍वे गैनी, अर वेतैं पकड़ी के न्याय आसन का समणि लि गैनी।

खास चेलों 23:24

पौलुस तैं लि जाणु खुणि घोड़ो तैं तयार रखा, ताकि उ गवर्नर फेलिक्स का पास ठिक-ठाक से पौंछी जौ।”

खास चेलों 28:2

अर उखा लोगु न हम पर बड़ी दया दिखै, किलैकि बरखा लगीं छै अर भौत जादा ठण्ड लगणि छै, इलै ऊंन हम खुणि आग जगै अर हमरु स्वागत भि कैरी।

खास चेलों 28:6

अर लोग ईं बात को इंतजार करणा छा कि उ उसै जालु अर तुरन्त भ्वीं मा पोड़ि के मोरि जालु, मगर वु लोग वेतैं काफी देर तक दिखणा रैनी। अर ऊंन देखि कि वेतैं कुछ भि नि ह्‍वे, त ऊंन अपणु विचार बदलि के बोलि, “पक्‍की बात यू कुई भगवान च।”

खास चेलों 28:8

अर पुबलियुस भै को बुबा तैं खून काट होणा छा, अर यां की वजै से वु पस्त ह्‍वेके बिस्तर पर पोड़्यूं छौ, अर वेतैं जौर भि अयूं छौ। तब पौलुस वेका पास गै अर वे पर हाथ रखी के प्रार्थना कैरी, अर वु खूब ह्‍वे गै।

इब्रानी 13:2

अर अणजाण लोगु की भि सेवा-भगत करण नि बिसरयां, किलैकि तुमतै पता होण चयेणु कि सेवा-भगत का खातिर कुछ लोगु न बिना जणयां ही स्वर्गदूतों को भि बड़ु आदर-सम्मान कैरी।