खास चेलों 27:6 - Garhwali

⁶ अर उख सुबेदार यूलियुस तैं सिकन्दरिया नगर को एक जाज मिली, जु इटली देस जाण वळु छौ, तब वेन हमतै वे जाज मा बैठे दिनी।

गढवली नयो नियम

⁶ उख सुबदार तैं सिकन्दरिया शहर को एक जहाज इटली प्रदेश कु जांद मिली, अर वेल हम तैं वे जहाज पर चढ़ै दींनि।

खास चेलों 27:6 ပူးပေါင်းရင်းမြစ်များ

खास चेलों 18:2

कुरिन्थि नगर मा अक्‍किला नौ को एक यहूदी मनखि छौ, जु कि पुन्तुस मुलक को मूल निवासी छौ। अर वु हाल ही मा अपणी घरवळी प्रिस्किल्‍ला का दगड़ा मा इटली मुलक बटि अयूं छौ। अर ऊंन इटली इलै छोड़ि, किलैकि महाराजा क्लौदियुस न सब यहूदियों तैं रोम नगर बटि निकळण की आज्ञा दियाली छै। अर जब पौलुस कुरिन्थि नगर मा पौंछी, त वेकी मुलाकात येका दगड़ा मा ह्‍वे, तब पौलुस ऊंका घौर गै।

खास चेलों 18:24

अपुल्‍लोस नौ को एक यहूदी मनखि जैको जनम सिकन्दरिया नगर मा ह्‍वे छौ। यू भौत अच्छु गुरु अर पवित्रशास्‍त्र को भौत अच्छु जानकार छौ, अर यू इफिसुस नगर मा ऐ।

खास चेलों 27:1

अर जब इन फैसला ह्‍वे गै कि अब हमतै कैसरिया नगर बटि निकळि के जाज को सफर शुरु कैरिके इटली देस कू जाण पोड़लु, त ऊंन पौलुस अर कुछ और कैदियों तैं यूलियुस नौ का एक सुबेदार का सुपुर्द कैरी दिनी। अर यूलियुस महाराजा की पलटण को सुबेदार छौ।

खास चेलों 28:11

अर तीन मैना का बाद हम सिकन्दरिया नगर कू जाण वळा पाणि का एक जाज मा बैठ ग्यां, अर हमुन जाज को सफर शुरु कैरी अर यू जाज पूरा ह्‍यूँद बटि माल्टा टापू पर ही रुक्युं छौ। अर ये जाज पर दुई जौंळ्या भैयों को चिन्‍न बणयूं छौ, जु कि द्‍यबता छा।

खास चेलों 6:9

मगर उख एक प्रार्थना भवन छौ जैमा वु लोग औन्दा छा जु की गुलामी से आजाद होयां छा। तब यों लोगु का बीच मा बटि कुरेनी, सिकन्दरिया अर किलिकिया अर आसिया मुलकों का कुछ लोग स्तिफनुस का दगड़ा मा वाद-विवाद करणु खुणि खड़ा ह्‍वेनि। अर वाद-विवाद करण लगि गैनी,