खास चेलों 27:4 - Garhwali

⁴ अर येका बाद हमुन इख बटि पाणि का जाज की यात्रा फिर से शुरु कैरी, मगर हवा जाज का खिलाप मा चलणी छै, इलै हम साइप्रस टापू की आड़ मा ह्‍वेके चलयां,

गढवली नयो नियम

⁴ उख बट्टी समुद्र मा जहाज चलैइ के उल्टा बथौं हूंण का वजह से हम साइप्रस टापू का छाला ही छाला हवे के ग्यां जै बट्टी हम बथौं बट्टी बची साका।

खास चेलों 27:4 ပူးပေါင်းရင်းမြစ်များ

मत्ती 14:24

मगर दुसरि तरफा ये ही बगत चेला छाला बटि भौत दूर चलि गै छा, अर ऊंकी नाव पाणि की उथल-पुथल मा डगमगौणि छै, किलैकि हवा नाव का खिलाप मा चलणी छै।

मरकुस 6:48

अर यीशु न देखि कि चेला नाव तैं बड़ी मुस्किलन चलौणा छिन, किलैकि हवा नाव का खिलाप मा चलणी छै। अर रात तीन बजी का करीब यीशु झील का पाणि पर चलि के ऊंका पास ऐ, अर ऊं से अगनै जाण चाणु छौ।

लूका 8:22

अर एक दिन यीशु अपणा चेलों का दगड़ा मा नाव पर चैड़ि गै, अर वेन ऊंकू बोलि, “चला, हम झील का पल्या छाला चलद्‍यां।” तब ऊ चलि गैनी।

खास चेलों 13:4

तब बरनबास अर शाऊल पवित्र आत्मा का द्‍वारा सिलूकिया नगर कू भेजि गैनी अर इख पौंछण का बाद ऊ एक पाणि का जाज मा बैठि के साइप्रस टापू कू चलि गैनी।

खास चेलों 15:39

अर ईं बात तैं लेके पौलुस अर बरनबास का बीच मा भौत खतरनाक बहसबाजी ह्‍वे गै, अर ऊ दुईया का दुई अलग ह्‍वे गैनी। तब बरनबास मरकुस का दगड़ा पाणि का जाज मा बैठि के साइप्रस टापू कू चलि गै।

खास चेलों 21:16

अर कैसरिया नगर बटि कुछ बिस्वासी लोग भि हमरा दगड़ा मा ऐनी, अर वु हमतै साइप्रस टापू का एक पुरणा बिस्वासी का इख लि गैनी, जैको नौ मनासोन छौ अर हम इखि रयां।

खास चेलों 21:3

अर जब हम जाणा छा, त अधा बाटा मा हमतै साइप्रस टापू दिखै जु की हमरा बैं तरफा छौ। मगर हम उख नि ग्यां, बल्किन मा सीरिया देस की तरफा चलदि ग्यां अर सूर नगर मा उतरि ग्यां, किलैकि जाज को समान इख उतरण छौ।

खास चेलों 27:7

अर भौत दिन तक हम आराम-आराम से अगनै चलणा रयां, अर आखिरकार हम बड़ी मुस्किलन कनिदुस नगर पौंछयां। अर बथौं इथगा तेज चलणु छौ कि हमरु जाज अगनै नि बढी सैकी, इलै हम सलमोने नगर का पास बटि ह्‍वेके क्रेते टापू की आड़ मा जाण लगि ग्यां।

खास चेलों 4:36

अर साइप्रस टापू को एक बिस्वासी मनखि जैको नौ यूसुफ छौ, यू लेवी गोत्र को छौ, अर खास चेलों न वेको नौ बरनबास रखी (जैको मतलब च दिलासा देण वळु)।