खास चेलों 27:21 - Garhwali

²¹ अर भौत दिनों बटि कैन भि कुछ नि खै छौ। तब पौलुस न ऊंका बीच मा खड़ु ह्‍वेके बोलि, “हे मेरा भैयों, जरुरी त यू छौ कि अगर तुम लोग मेरी बात तैं क्रेते टापू मा ही माणी जान्दा, कि हमतै समुन्दर को यू सफर नि करण चयेणु, त आज ईं विपदा मा नि पोड़दा, अर ना ही इथगा नुकसान होन्दु।

गढवली नयो नियम

²¹ जब ऊंल भौत दिन तक खांणु नि खै छो तब पौलुस ल ऊंका बीच मा खड़ो हवे के बोलि, “हे भयों तुम तैं मेरी बात मणन चयणी छै अर क्रेते टापू बट्टी जहाज नि चलौंण चयणु छो तब न या बिपदा औंदी अर न इथग नुकसान हूंदु।”

खास चेलों 27:21 ပူးပေါင်းရင်းမြစ်များ

खास चेलों 27:12

अर ह्‍यूँद का दिन होण की वजै से जादातर लोगु न इन सला देई अगर ह्‍वे सैको, त हम कनकै भि जाज को सफर शुरु कैरिके बस फीनिक्स नगर तक पौंछी जां, ताकि हम ह्‍यूँद को मैना उखि काटा। अर फीनिक्स नगर त क्रेते टापू को एक बंदरगाह च, जु की दक्छिण-पच्छिम और उत्तर-पच्छिम दिसा मा च।

खास चेलों 27:13

अर जब दक्छिण दिसा बटि हवा कम-कम चलण लगि गै, त हमतै लगि, कि अब त हमरि फीनिक्स नगर जाण कि योजना पूरि ह्‍वे जालि। इलै हमुन जाज को लंगर उठे अर क्रेते टापू का छाला ही छाला ह्‍वेके अगनै जाण लगि ग्यां।

खास चेलों 27:20

अर भौत दिनों तक हमतै सूरज अर गैंणा नि दिखैनि, किलैकि मौसम अर तूफान बड़ु खतरनाक होयुं छौ, अर आखिरी मा हमरि बचणै उम्मीद भि खतम होण लगि गै।

खास चेलों 27:7

अर भौत दिन तक हम आराम-आराम से अगनै चलणा रयां, अर आखिरकार हम बड़ी मुस्किलन कनिदुस नगर पौंछयां। अर बथौं इथगा तेज चलणु छौ कि हमरु जाज अगनै नि बढी सैकी, इलै हम सलमोने नगर का पास बटि ह्‍वेके क्रेते टापू की आड़ मा जाण लगि ग्यां।