खास चेलों 27:12 - Garhwali

¹² अर ह्‍यूँद का दिन होण की वजै से जादातर लोगु न इन सला देई अगर ह्‍वे सैको, त हम कनकै भि जाज को सफर शुरु कैरिके बस फीनिक्स नगर तक पौंछी जां, ताकि हम ह्‍यूँद को मैना उखि काटा। अर फीनिक्स नगर त क्रेते टापू को एक बंदरगाह च, जु की दक्छिण-पच्छिम और उत्तर-पच्छिम दिसा मा च।

गढवली नयो नियम

¹² सुन्दरबन्दरगाह नौं को बंदरगाह ह्यूंद कटणु कु अच्छो नि च; इलै भौतों को विचार हवे कि उख बट्टी जहाज खोलि के अगनैं बड़ी जां जु कै रीति से हवे साको त फीनिक्स बंदरगाह मा पौंछि के ह्यूंद को बगत कटे जौं। यु त क्रेते टापू को एक बंदरगाह च जु दक्षिण-पश्चिम अर उत्तर-पश्चिम दिशा मा च।

खास चेलों 27:12 ပူးပေါင်းရင်းမြစ်များ

खास चेलों 2:11

अर क्रेते टापू अर अरब देस बटि अयां निवासीयों तैं भि, हम सभ्यों तैं अपणी-अपणी भाषा सुन्यौणी च, कि यू सब लोग परमेस्वर का बड़ा-बड़ा कामों की बडै कना छिन। यू सब कनकै ह्‍वे सकदु?”

खास चेलों 27:13

अर जब दक्छिण दिसा बटि हवा कम-कम चलण लगि गै, त हमतै लगि, कि अब त हमरि फीनिक्स नगर जाण कि योजना पूरि ह्‍वे जालि। इलै हमुन जाज को लंगर उठे अर क्रेते टापू का छाला ही छाला ह्‍वेके अगनै जाण लगि ग्यां।

खास चेलों 27:21

अर भौत दिनों बटि कैन भि कुछ नि खै छौ। तब पौलुस न ऊंका बीच मा खड़ु ह्‍वेके बोलि, “हे मेरा भैयों, जरुरी त यू छौ कि अगर तुम लोग मेरी बात तैं क्रेते टापू मा ही माणी जान्दा, कि हमतै समुन्दर को यू सफर नि करण चयेणु, त आज ईं विपदा मा नि पोड़दा, अर ना ही इथगा नुकसान होन्दु।

खास चेलों 27:7

अर भौत दिन तक हम आराम-आराम से अगनै चलणा रयां, अर आखिरकार हम बड़ी मुस्किलन कनिदुस नगर पौंछयां। अर बथौं इथगा तेज चलणु छौ कि हमरु जाज अगनै नि बढी सैकी, इलै हम सलमोने नगर का पास बटि ह्‍वेके क्रेते टापू की आड़ मा जाण लगि ग्यां।

खास चेलों 27:8

अर क्रेते टापू का छाला ही छाला बड़ी मुस्किलन हम “सुन्दर बंदरगाह” नौ की एक जगा पर पौंछयां, अर इख बटि लसया नगर नजदीक ही छौ।

तीतुस 1:12

अर क्रेते नगर का लोगु मा बटि एक मसूर गुरु न इन बोलि कि, “इखा लोग हमेसा झूठ्‍ठ बोन्‍न वळा, अळकसि, पेटू, अर दुष्‍ट जंगळि जानबर का जन छिन।”

तीतुस 1:5

अर मिन तीतुस त्वेतै क्रेते नगर मा इलै छोड़ि, ताकि उख जु कुछ भि कमी छै तू वींतैं ठिक-ठाक कैर दे, अर मेरी दिईं आज्ञा का मुताबिक हरेक नगर की बिस्वासी समुदाय मा अध्यक्ष तैं चुणी के ठैरै दे।