खास चेलों 27:10 - Garhwali

¹⁰ “हे मेरा भैयों, मितैं लगदु कि ईं यात्रा मा ना सिरफ समान अर जाज को नुकसान होलु, बल्किन मा हमरा जीवन भि खतरा मा पोड़ि सकदिन।”

गढवली नयो नियम

¹⁰ “भयों मि दिखणु छौं कि ईं यात्रा मा ल भस माल अर जहाज को नुकसान च बल्कि हमारा जीवन भि खतरा मा पोड़ी सकदींनि।”

खास चेलों 27:10 ပူးပေါင်းရင်းမြစ်များ

खास चेलों 21:3

अर जब हम जाणा छा, त अधा बाटा मा हमतै साइप्रस टापू दिखै जु की हमरा बैं तरफा छौ। मगर हम उख नि ग्यां, बल्किन मा सीरिया देस की तरफा चलदि ग्यां अर सूर नगर मा उतरि ग्यां, किलैकि जाज को समान इख उतरण छौ।

खास चेलों 27:31

तब पौलुस न सुबेदार अर सिपयों कू बोलि, “अगर यू लोग जाज मा नि राला, त तुम भि नि बचि सकद्‍यां।”

खास चेलों 27:34

इलै मि तुम बटि बिन्ती करदु कि तुम कुछ खैल्या ताकि बच्यां रा, अर मि तुमतै बतै देन्दु कि तुमरा मुण्ड़ को एक भि बाळ बाकुं नि होलु।”

1 पतरस 4:18

अर “अगर धरमी मनखि ही बड़ी मुस्किलन बचयै जालु, त सोचा, ऊं लोगु को क्या जि होलु जु पापि छिन अर परमेस्वर की भक्‍ति नि करदिन?”