खास चेलों 27:1 - Garhwali

¹ अर जब इन फैसला ह्‍वे गै कि अब हमतै कैसरिया नगर बटि निकळि के जाज को सफर शुरु कैरिके इटली देस कू जाण पोड़लु, त ऊंन पौलुस अर कुछ और कैदियों तैं यूलियुस नौ का एक सुबेदार का सुपुर्द कैरी दिनी। अर यूलियुस महाराजा की पलटण को सुबेदार छौ।

गढवली नयो नियम

¹ जब फेस्तुस राज्यपाल का द्वारा यु तय हवे कि हम समुद्री जहाज मा इटली प्रदेश कु जां, त वेल पौलुस अर कुछ अन्य कैदियों तैं भि यूलियुस का नौं का एक आदिम का हवाला कैर दींनि, जु सम्राट औगुस्‍तुस की सेना को सुबदार छो।

खास चेलों 27:1 ပူးပေါင်းရင်းမြစ်များ

मत्ती 27:54

अर जु रोमी सुबेदार अर दुसरा सिपै यीशु की पैरेदारी कना छा, ये भ्वींचळा का औण से अर जु कुछ भि ह्‍वे वां से ऊ भौत डौऽरी गैनी। तब ऊंन बोलि, “सच्‍चि मा यू परमेस्वर को पुत्र छौ।”

लूका 23:47

अर यू सब देखि के रोमी सुबेदार न परमेस्वर की बडै कैरिके बोलि, “सच्‍चि मा यू धरमी मनखि छौ।”

लूका 7:2

अर उख नगर मा एक रोमी सैनिको को सुबेदार छौ। अर ये सुबेदार को एक नौकर छौ, जै बटि उ भौत प्यार करदु छौ। अर उ नौकर भौत बिमार होयुं छौ अर मुरण वळु छौ।

खास चेलों 10:1

कैसरिया नगर मा कुरनेलियुस नौ को एक मनखि रौन्दु छौ। अर यू इतालियानी पलटण को सुबेदार छौ।

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 16:10

अर जब पौलुस न यू दरसन देखि, त हमुन तुरन्त इन विचार कैरी कि हमतै मकिदुनिया मुलक मा जाण चयेणु, किलैकि हम समझि गै छा कि परमेस्वर हमतै उख बुलाणु च, ताकि उख जैके हम शुभ समाचार सुणा।

खास चेलों 18:2

कुरिन्थि नगर मा अक्‍किला नौ को एक यहूदी मनखि छौ, जु कि पुन्तुस मुलक को मूल निवासी छौ। अर वु हाल ही मा अपणी घरवळी प्रिस्किल्‍ला का दगड़ा मा इटली मुलक बटि अयूं छौ। अर ऊंन इटली इलै छोड़ि, किलैकि महाराजा क्लौदियुस न सब यहूदियों तैं रोम नगर बटि निकळण की आज्ञा दियाली छै। अर जब पौलुस कुरिन्थि नगर मा पौंछी, त वेकी मुलाकात येका दगड़ा मा ह्‍वे, तब पौलुस ऊंका घौर गै।

खास चेलों 19:21

अर यों सब बातों का बाद पौलुस न मकिदुनिया अर अखया मुलकों बटि ह्‍वेके यरूशलेम नगर जाण को विचार कैरी, अर वेन अपणा मन मा सोची कि, “वेका बाद त मितैं रोम भि जाण जरुरी च।”

खास चेलों 21:32

तब उ तुरन्त सिपयों तैं अर कुछ सुबेदारों तैं लेके मूड़ी नगर मा ऊंका पास भागी के ऐ। अर जब लोगु न पलटण का सेनापति अर सिपयों तैं देखि, त ऊंन पौलुस तैं पीटण छोड़ि दिनी।

खास चेलों 22:26

अर या बात सुणी के सुबेदार न पलटण का सेनापति मा जैके बोलि, “साब, यू तुम क्या कना छाँ? अरे यू त एक रोमी नागरिक च।”

खास चेलों 23:11

अर वीं रात ही प्रभु न पौलुस का पास खड़ु ह्‍वेके बोलि, “हे पौलुस, हिम्मत रख अर सुण, जन तिन मेरी गवै यरूशलेम मा दिनी, ठिक उन्‍नि गवै त्वेतै रोम मा भि देण होलि।”

खास चेलों 23:17

अर ईं बात तैं सुणी के पौलुस न सुबेदारों मा बटि कै एक तैं अपणा पास बुलै अर वेकू बोलि, “साब, ये ज्वान नौना तैं पलटण का सेनापति का पास लि जा, किलैकि यू ऊंतैं एक खबर सुनौण चाणु च।”

खास चेलों 24:23

तब वेन सुबेदार तैं आदेस दिनी कि, ये मनखि तैं पैरेदारी मा रखै जौ, मगर कुछ बातों की वेतैं छुट दियै जौ। अर सुणा, येका दगड़्यों मा बटि कैतैं भि येकी सेवा करण से नि रुक्यां।

खास चेलों 25:12

तब गवर्नर फेस्तुस न अपणा सलाकारों का दगड़ा मा बात कैरी। अर वेन पौलुस कू बोलि, “तिन महाराजा की मांग कैरी कि ऊंका द्‍वारा तेरु न्याय हो, इलै त्वेतै ऊंका पास ही भिजे जालु।”

खास चेलों 25:25

मगर मि जाणि गै छौ कि ये मनखि न कुई अपराध नि कैरी, ज्यां की वजै से येतैं मौत को दण्ड दिया जौ। इलै जब येन अपणा न्याय खुणि खुद ही महाराज की मांग कैरी, त मिन येतैं महाराजा का पास रोम नगर भेजण को फैसला कैरी।

खास चेलों 27:11

मगर सुबेदार न पौलुस की बातों से जादा जाज का कप्‍तान अर जाज का मालिक की बातों पर ध्यान देई।

खास चेलों 27:43

मगर सुबेदार न पौलुस तैं बचौण की मनसा से ऊंतैं इन करण से रोकी अर आदेस देई, “जु तैरी सकदिन उ फाळ मारी के छाला जनै पैलि चलि जा,

खास चेलों 27:6

अर उख सुबेदार यूलियुस तैं सिकन्दरिया नगर को एक जाज मिली, जु इटली देस जाण वळु छौ, तब वेन हमतै वे जाज मा बैठे दिनी।

खास चेलों 28:1

अर जब हम वे आंधी-तूफान से बचि ग्यां, त हमतै पता चलि कि ये टापू को नौ माल्टा च।

खास चेलों 28:16

अर जब हम रोम नगर मा पौंछयां, त पौलुस भै तैं इखुली रौण की इजाजत मिली गै, मगर वेकी पैरेदारी करणु खुणि एक सिपै तैं रखै गै।

इब्रानी 13:24

अर सुणा, तुम लोग अपणा मुखिया कू अर सब पवित्र लोगु कू मेरु सलाम बुलयां, अर इटली देस का सब मसीह लोग तुमकु सलाम बोन्‍ना छिन।