खास चेलों 26:32 - Garhwali

³² अर अग्रिप्पा न फेस्तुस कू बोलि, “अगर जु ये मनखि न अपणा न्याय की मांग महाराजा से नि करीं रौन्दी, त हम येतैं छोड़ि देन्दा।”

गढवली नयो नियम

³² राजा अग्रिप्पा ल फेस्तुस राज्यपाल कु बोलि, “जु यु आदिम ल यु मांग नि कैरी हूंदी कि कैसर वेको न्याय कैरो, त छुटी सकदो छो।”

खास चेलों 26:32 ပူးပေါင်းရင်းမြစ်များ

खास चेलों 24:27

अर इन करद-करद दुई साल ह्‍वे गैनी। अर येका बाद गवर्नर फेलिक्स की जगा पर पुरकियुस फेस्तुस नौ को मनखि गवर्नर का पद पर ऐ, मगर फेलिक्स यहूदियों तैं खुश करण चान्दु छौ, इलै वेन पौलुस तैं जेलखाना मा ही छोड़ि दिनी।

खास चेलों 25:25

मगर मि जाणि गै छौ कि ये मनखि न कुई अपराध नि कैरी, ज्यां की वजै से येतैं मौत को दण्ड दिया जौ। इलै जब येन अपणा न्याय खुणि खुद ही महाराज की मांग कैरी, त मिन येतैं महाराजा का पास रोम नगर भेजण को फैसला कैरी।

खास चेलों 28:18

अर जाँच-पड़ताल करण का बाद ऊंन मितैं छुड़ण चै, किलैकि मौत का दण्ड का लैख मेरु कुई भि अपराध नि कर्युं छौ।

खास चेलों 28:19

मगर जब यहूदी लोग ईं बात को विरोध कैरिके बोन्‍न लगि गैनी, तब मिन अपणा न्याय खुणि महाराज की मांग कैरी। अर मिन या मांग इलै नि कैरी, कि मि ऊं लोगु पर इळजाम लगौं, ना ही मेरु इन्द्रयो कुई मकसद छौ।

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।