खास चेलों 26:3 - Garhwali

³ अर खास कैरिके इलै, किलैकि तुम यहूदी लोगु का सब रीति-रिवाजों का बारा मा, अर जु इळजाम मि पर लगये गैनी ऊंका बारा मा भि जणदा छाँ। इलै महाराज, मि तुम से बिन्ती करदु कि मेरी बातों तैं शान्ति से सुणयां।

गढवली नयो नियम

³ खास कैरी के इलै कि तु यहूदियों का रीति-रिवाजों तैं अर जौं बातों पर यहूदी लोग बहस करदींनि तु ऊं बातों तैं जंणदी छै, इलै मि बिनती करदु। कि सब्र रखि के मेरी बात सूंण।

खास चेलों 26:3 ပူးပေါင်းရင်းမြစ်များ

खास चेलों 21:21

अर ऊंतैं तेरा बारा मा इन बतये गै, कि जु यहूदी लोग ऊं लोगु का बीच मा रौनदिन जु यहूदी जाति का नि छिन तू ऊंतैं इन सिखौन्दी, कि तुम लोग मूसा का दियां नियम-कानूनों तैं नि माणा। अर ना ही खतना का रिवाज तैं अपणा-अपणा नौनो खुणि पूरा कैरा, अर ना ही अपणा रीति-रिवाजों तैं माणा।

खास चेलों 24:10

तब गवर्नर फेलिक्स न पौलुस तैं बोन्‍नु खुणि इसारा कैरी, अर वेन जबाब देई, “साब, मि जणदु छौ कि तुम कई सालों बटि इखा लोगु को न्याय कना छाँ, इलै मि खुशी से तुमरा समणि अपणा बचौ खुणि बुल्दु।

खास चेलों 24:4

इलै श्रीमान फेलिक्स, मि तुमरो जादा बगत नि लेण चान्दु, मि तुम बटि बिन्ती करदु कि किरपा कैरिके हमरि दुई-चार बात सुण ल्या।

खास चेलों 25:26

मगर येका बारा मा ठिक-ठिक लिखणु खुणि मि मा कुछ खास बात नि छै, कि मि महाराजा खुणि लिखुं। इलै मि ये मनखि तैं तुम सभ्यों का समणि अर खास कैरिके राजा अग्रिप्पा का समणि लेके अयूं, ताकि येकी जाँच-पड़ताल करण का बाद मितैं येका बारा मा लिखणु खुणि कुछ मिली सैको।

खास चेलों 26:2

महाराज, यहूदी लोगु न जथगा भि बातों को इळजाम मि लगै, आज मि तुमरा समणि ऊं सब बातों को जबाब देणु खुणि खुद तैं बड़ु खुशनसीब समझणु छौं।

खास चेलों 26:26

अर महाराज तैं भि यों बातों का बारा मा पता च, इलै मि बेधड़क ह्‍वेके ऊंका समणि बोन्‍नु छौं। अर मितैं पूरु यकीन च कि यों बातों मा बटि एक बात भि महाराज से छिपी नि छिन, किलैकि यू सब बात चुपचाप से नि ह्‍वेनि।

खास चेलों 26:7

अर हमरा बारह गोत्रों का लोग वे करार तैं पूरु होण की आस मा लग्यां छिन, अर आज भि वु दिन-रात परमेस्वर की भक्‍ति अपणा पूरा मनळ कना छिन। अर महाराज, आज वा ही आस मेरी भि रखी च अर वांका बानो ही यहूदी लोग मि पर इळजाम लगौणा छिन।

खास चेलों 28:17

अर तीन दिन का बाद पौलुस न यहूदियों का खास लोगु तैं एक साथ बुलै। अर जब वु इकट्‍ठा ह्‍वेनि, त वेन ऊंकू बोलि, “हे मेरा भैयों, मिन अपणा लोगु या अपणा पितरों की रीति-रिवाजों का खिलाप मा कुछ भि नि कैरी। फिर भि यरूशलेम नगर का लोगु न मितैं कैदी बणै के रोमियों का सुपुर्द कैरी दिनी।

खास चेलों 6:14

अर हमुन येतैं इन भि बुल्द सुणी कि, नासरत गौं को यीशु हमरा मन्दिर तैं बरबाद कैर दयालु, अर ऊं रीति-रिवाजों तैं भि बदल दयालु जु हमतै मूसा न दिनी।”

1 कुरिन्थि 13:2

अर अगर मितैं भविष्यबाणी करण को बरदान मिल्यूं हो अर मि मा सब पवित्र राज की जानकारी या ज्ञान हो, अर अगर मितैं इथगा बिस्वास हो कि मि वेकी ताकत से पाड़ो तैं इख बटि उख कैरी द्‍यूं, पर दुसरा लोगु से मि प्यार नि कैरुं, त फिर मि कुछ भि नि छौं।