खास चेलों 26:20 - Garhwali

²⁰ मिन पैलि दमिश्क नगर मा, अर फिर यरूशलेम नगर मा जैके परचार कैरी। अर येका बाद मि यहूदिया का पूरा मुलक मा, अर ऊं लोगु का बीच मा जैके परचार कनु रौं जु यहूदी जाति का नि छिन। ताकि वु सब अपणा-अपणा पापों से पस्ताप कैरिके परमेस्वर की तरफा ऐ जा, अर इन काम कैरा ज्यां से इन पता चलि जौ, कि ऊंन अपणा-अपणा पापों से पस्ताप कैरियाली।

गढवली नयो नियम

²⁰ अर पैली दमिश्क का अर फिर यरूशलेम शहर का रौंण वलो अर तब पूरा यहूदिया प्रान्त मा अर अन्यजाति तैं समझाणु रयूं कि उ मन फिरावा अर पिता परमेश्वर मा ऐ के मन फिरौंण का लैख काम कैरा।

खास चेलों 26:20 ပူးပေါင်းရင်းမြစ်များ

मत्ती 3:2

“अपणा-अपणा पापों से पस्ताप कैरा, किलैकि परमेस्वर राज करण वळु च अर उ नजदीक ही च।”

मत्ती 3:8

इलै इन्द्रया काम कैरा, ज्यां से इन पता चलु कि तुमुन मन से पस्तावा कैरियाली।

मत्ती 4:17

अर ये बगत बटि ही यीशु परचार करण लगि गै। अर वेन बोलि कि, “अपणा-अपणा पापों से पस्ताप कैरा, किलैकि परमेस्वर को राज नजदीक ही च अर उ राज करण वळु च।”

मत्ती 9:13

इलै तुम पैलि जैके पवित्रशास्‍त्र की ईं बात को मतलब सीखा जन कि लिख्यूं च, ‘मि बलिदान ना, बल्किन मा दया चान्दु।’ अर जु लोग खुद तैं धरमी समझदिन मि ऊं खुणि ना, बल्किन मा पापि लोगु तैं बुलाणु खुणि अयूं छौं।”

मरकुस 6:12

तब बारह चेलों न जैके परचार कैरी कि, “अपणा-अपणा पाप का कामों से पस्ताप कैरा, अर परमेस्वर का पास वापस ऐ जा।”

लूका 1:16

अर उ इस्राएली लोगु मा बटि जु लोग प्रभु परमेस्वर बटि दूर ह्‍वे गैनी, ऊंतैं परमेस्वर की तरफा लेके आलु।

लूका 13:3

नऽ रे ना, पर मि तुमतै बतै देन्दु, कि अगर जु तुम पस्ताप नि करिल्या, त तुम सभ्यों को भि नास इन्‍नि के ह्‍वे जाण।

लूका 13:5

नऽ रे ना, पर मि तुमतै बतै देन्दु, कि अगर जु तुम पस्ताप नि करिल्या, त तुम सभ्यों को भि नास इन्‍नि के ह्‍वे जाण।”

लूका 15:10

अर मि तुमतै बतै देन्दु, कि ठिक इन्‍नि आनन्द परमेस्वर का स्वर्गदूतों का समणि तब मणये जान्दु, जब एक पापि मनखि अपणा पापों बटि पस्ताप करदु।”

लूका 15:7

अर मि या बात तुमतै बतै देन्दु, कि जु आनन्द ऊं निन्याणबे लोग का खातिर मणये जान्दु, वेसे भि जादा आनन्द एक पापि मनखि का पापों बटि पस्ताप करण का बगत मा स्वर्गलोक मा मणये जान्दु, हाँ ऊं निन्याणबे लोगु से जादा जौं तैं पस्ताप करण की कुई जरुरत नि च।”

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

खास चेलों 15:19

“इलै मि इन सोचदु, कि जु लोग यहूदी जाति का नि छिन ऊंमा बटि जथगा भि लोग परमेस्वर की तरफा औणा छिन, ऊं लोगु तैं हम लोग दुख नि द्‍या,

खास चेलों 17:30

अर पुरणा जमना मा लोग परमेस्वर का बारा मा सुनपट छा, पर परमेस्वर न यों सब बातों पर ध्यान कैरी। मगर आज का बगत मा उई परमेस्वर लोगु तैं आज्ञा देन्दु, कि सब लोग सच्‍चा मन से अपणा-अपणा पापों से पस्ताप कैरा।

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

खास चेलों 20:21

अर मिन यहूदी अर यूनानी लोगु का बीच मा जैके परमेस्वर का समणि पस्ताप करण का बारा मा, अर हमरा प्रभु यीशु मसीह पर बिस्वास करण का बारा मा ऊंतैं बतै।

खास चेलों 26:17

अर मि त्वेतै तेरा यहूदी लोगु से अर दुसरि जाति का लोगु से बचौणु रौलु।

खास चेलों 26:19

“महाराज, इलै जु दरसन मितैं स्वर्ग बटि मिली मिन वेतैं नि टाळि।

खास चेलों 3:19

इलै अपणा पापों से पस्ताप कैरा, अर परमेस्वर का पास वापिस ऐ जा, ताकि तुमरा पाप पूरि तरौं से माफ ह्‍वे जा,

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

खास चेलों 9:35

अर ये मनखि तैं खूब होन्द देखि के लुद्‍दा अर शारोन मुलक का रौण वळा सब लोगु न अपणु-अपणु मन प्रभु की तरफा कैरी अर वे पर बिस्वास करण लगि गैनी।

रोमियों 2:4

अर एक बात बता, क्या तुम लोग परमेस्वर की किरपा, अर वेकी सौण की ताकत, अर हमेसा का धन तैं सुद्‍दी समझद्‍यां? क्या तुम लोग इन नि समझद्‍यां, कि परमेस्वर की किरपा तुमरा मन तैं बदळणु खुणि सिखौणि रौन्दी?

2 कुरिन्थि 3:16

अर यू परदा तब हटयै जालु जब कुई प्रभु यीशु का पास आलु।

2 कुरिन्थि 7:10

किलैकि पिता परमेस्वर की तरफा बटि औण वळु दुख हमतै छुटकारा की तरफा लेके जान्दु, मगर दुख औण का बाद भि जु लोग पस्ताप नि करदिन, ऊं खुणि वु दुख मौत की सजा तैं पैदा करदु।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

1 थिस्सलुनीकी 1:9

किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

दिब्य दरस 16:11

तब ऊंन अपणी पीड़ा अर फोड़े की वजै से स्वर्ग मा रौण वळा परमेस्वर की बेजती कैरी, मगर फिर भि ऊंन अपणा बुरा कामों से पस्ताप नि कैरी।

दिब्य दरस 2:21

मिन वींतैं मन से पस्ताप करण को मौका दिनी, मगर वा अपणा बुरै का कामों तैं छोड़ि के पस्ताप करणु खुणि तयार नि च।

दिब्य दरस 2:5

अर याद कैरा कि तुम पैलि कथगा प्यार करदा छा मगर अब तुमरो प्यार फिको पोड़ि गै, इलै मन से पस्ताप कैरा अर पैलि जन काम कैरा। अर अगर जु तुम पस्ताप नि करिल्या, त मिन तुमरा पास ऐके तुमरा दीपदान तैं वेकी जगा बटि हटै देण।

दिब्य दरस 3:3

अर याद कैरा कि ज्वा शिक्षा तुमुन पै अर सुणी, वीं शिक्षा को पालन कैरा अर मन से पस्ताप कैरा। अर अगर जु तुम चौकस नि रैल्या, त मि कै बगत तुमरा पास ऐ जौलु तुमतै ईं बात कि खबर नि लगण, किलैकि मिन एक चोर का जन अचानक से तुमरा पास औण।