खास चेलों 23:6 - Garhwali

⁶ अर पौलुस तैं ईं बात को पता चलि गै कि इख यहूदी लोगु को न्याय करण वळा लोगु का दुई दल जमा होयां छिन फरीसी अर सदूकी। तब वेन ऊँची मा बोलि, “हे मेरा भैयों, मि फरीसियों का वंश मदि छौं। अर मि मुरदो मा बटि ज्यून्द होण की आस रखदु, अर ईं बात का बानो मि पर मुकदमा चलणु च।”

गढवली नयो नियम

⁶ जब पौलुस ल देखि, कि कुछ सदूकी अर कुछ फरीसी आदिम उख छा, महासभा मा पुकारी के बोलि, “हे विश्वासी भयों, मि फरीसी अर फरीसियों कु वंश को छों, मेरी जांच इलै हूंणी च, किलैकि मेरी आस च की पिता परमेश्वर मुरयां लुखुं तैं फिर ज्यून्दो करलो।”

खास चेलों 23:6 ပူးပေါင်းရင်းမြစ်များ

मत्ती 10:16

अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

मत्ती 22:23

अर वे ही दिन सदूकी दल का लोग यीशु का पास ऐनी अर यू इन मणदिन कि मुरयां लोग फिर से ज्यून्दा नि ह्‍वे सकदिन इलै ऊंन वेसे पूछी,

मत्ती 3:7

अर जब यूहन्‍ना न भौत सरा फरीसी दल का लोगु तैं अर सदूकियों तैं बपतिस्मा लेण कू अपणा पास औन्द देखि, त वेन ऊंकू बोलि, “हे गुरौ का बच्‍चों, तुमतै कैन चितै की परमेस्वर का औण वळा परकोप से दूर भागा?

खास चेलों 22:3

“मि एक यहूदी जाति को मनखि छौं। मेरी पैदेस त किलिकिया मुलक का तरसुस नगर मा ह्‍वे, अर ये यरूशलेम नगर मा मेरु पालन-पोसण ह्‍वे। अर पितरों का नियम-कानूनों की शिक्षा मितैं गमलीएल गुरुजी बटि बड़ी सख्‍तै से मिली। अर मि मा भि परमेस्वर खुणि जोस छौ, जन की तुम सब लोगु मा च।

खास चेलों 22:30

अर पलटण को सेनापति ईं बात तैं अच्छे से जनण चाणु छौ, कि आखिर मा यहूदी लोग ये पर दोष किलै लगौण छिन। इलै वेन दुसरा दिन पौलुस की बेड़ियों तैं खोली दिनी, अर मुख्य पुरोहितों अर यहूदी लोगु की न्याय समिति का सब लोगु तैं इकट्‍ठा होण को आदेस दिनी। तब पौलुस तैं किला बटि मूड़ी यों लोगु का समणि लये गै।

खास चेलों 22:5

अर ईं बात का गवा महा पुरोहित अर सब अध्यक्ष लोग छिन। अर एक दिन इन ह्‍वे कि, मिन महा पुरोहित अर अध्यक्ष लोगु बटि बिस्वासी भै-बैंणो का नौ की चिठ्‍ठी ले, अर दमिश्क नगर मा ऊंका पास जाणु छौ, ताकि उख बटि लोगु तैं बन्धी बणै के इख यरूशलेम नगर मा लौं, अर ऊंतैं दण्ड दिलौं।

खास चेलों 23:1

अर जब पौलुस लोगु का समणि मूड़ी ऐ, त पौलुस न वीं सभा का लोगु जनै टक लगै के देखि अर बोलि, “हे मेरा भैयों, मिन आज तक परमेस्वर का समणि सच्‍चा मनळ अपणु जीवन बितै।”

खास चेलों 23:15

इलै तुम अर न्याय समिति का लोग इन कैरा, कि पलटण का सेनापति तैं समझा, ताकि वु लोग पौलुस तैं तुमरा पास इख लेके आ, अर इन लगण चयेणु कि तुम वेका बारा मा और अच्छी तरौं से जाँच-पड़ताल करण चन्द्‍यां। अर जब उ इख औण वळु होलु, त वेका औण से पैलि ही हम वेतैं जान से मरणु खुणि तयार रौला।”

खास चेलों 23:20

अर वेन वेतैं जबाब दिनी, “साब, यहूदी का मुख्य लोगु की जाळसाजि बणईं च, अर वु बोन्‍ना छा कि वु तुम बटि बिन्ती करला कि तुम पौलुस तैं भोळ यहूदी न्याय समिति मा भेजा। अर ऊंन इन भि बोलि कि इन लगण चयेणु कि हम वेका बारा मा अच्छी तरौं से जाँच-पड़ताल करण चाणा छां।

खास चेलों 23:7

अर ईं बात तैं सुणी के फरीसी अर सदूकी दल का लोग आपस मा भौत बहस करण लगि गैनी, अर यहूदी न्याय समिति का लोगु का बीच मा फूट पोड़ि गै।

खास चेलों 24:15

अर मि भि परमेस्वर पर अपणी आस रखदु, जन कि यू लोग खुद भि रखदिन, कि धरमी अर अधरमी लोग मुरदो मा बटि ज्यून्दा होला।

खास चेलों 24:21

हाँ, मि मणदु छौं कि मिन ऊं लोगु का बीच मा खड़ु ह्‍वेके ऊँची आवाज मा बोलि छौ, ‘मि मुरदो मा बटि ज्यून्द होण को बिस्वास करदु, बस ईं बात का खातिर ही मि पर मुकदमा चलणु च। अर अगर ईं बात का अलावा मि पर अगर कुई दुसरो इळजाम लग्यूं च त यू मितैं बता।’”

खास चेलों 28:20

अर मिन तुमतै इख इलै बुलै, ताकि तुम बटि मिलु अर बात-चित कैरी सैकु, अर जै मसीह औण की आस इस्राएली लोगु न रखी च, वे ही मसीह का बारा मा परचार करण का बानो आज मि इख बेड़ियों मा बन्धयूं छौं।”

फिलिप्पी 3:5

हे मेरा दगड़्यों, मि इस्राएल देस को छौं। अर मेरु जनम इस्राएल का बिन्यामीन गोत्र मा ह्‍वे, अर मेरा जनम का ठिक आठवां दिन पर मेरु खतना ह्‍वे। इब्रानी भाषा बोन्‍न वळा लोगु खुणि मि इब्रानी छौं, अर नियम-कानूनों का हिसाब से दिखै जौ त मि एक फरीसी मनखि छौं।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

इब्रानी 6:19

अर जन पाणि का जाज तैं एक जगा मा टिकाणु खुणि समुन्दर मा लंगर डळै जान्दु, ठिक उन्‍नि पिता परमेस्वर का द्‍वारा दिईं आस हमतै मजबूत अर वेकी हिफाजत मा रखदी। अर यां से इन पता चलदु की हम खुद वे परदा तैं पार कैरिके परमेस्वर का समणि खड़ा ह्‍वे ग्यां।