खास चेलों 23:16 - Garhwali

¹⁶ अर या बात पौलुस का भंणजळ सुणी दिनी, कि ऊ वेतैं मरण खुणि दुबकी जाला, तब वेन किला मा जैके पौलुस तैं ईं बात की खबर दिनी।

गढवली नयो नियम

¹⁶ पर जब पौलुस का भंणजा ल सूंणि कि यहूदी लोग पौलुस तैं मरणै की योजना बनांणा च, त किला मा जै के पौलुस तैं संदेश दींनि।

खास चेलों 23:16 ပူးပေါင်းရင်းမြစ်များ

खास चेलों 23:10

अर झगड़ा इथगा ह्‍वे गै कि रोमी पलटण का सेनापति तैं डौऽर लगि गै, कि कखि यू लोग पौलुस का टुकड़ा-टुकड़ा नि कैर द्‍या, तब वेन पलटण तैं आज्ञा दिनी की मूड़ी जा अर पौलुस तैं जबरन वीं सभा बटि लेके आ अर किला मा लि जा।

1 कुरिन्थि 3:19

अर इन उ इलै कैरो किलैकि ईं दुनियां को ज्ञान परमेस्वर की नजर मा मूरखता च, जन कि पवित्रशास्‍त्र मा भि लिख्यूं च कि, “उ ज्ञानी लोगु तैं ऊंका खुद की चालाकी मा फंसै देन्दु।”

खास चेलों 23:32

अर दुसरा दिन सत्तर घुड़सवार सिपयों का दगड़ा मा, जु सिपै पैदल ग्यां छा यों न ऊंतैं पौलुस का दगड़ा मा छोड़ि दिनी अर खुद किला खुणि वापिस ऐ गैनी, ताकि घुड़सवार सिपै वेतैं कैसरिया नगर लि जा।

खास चेलों 21:34

तब भीड़ का लोगु मा चिल्‍ला-चिल्‍ल मची गै अर ऊंन अलग-अलग बात बोलि, अर इन होण की वजै से वेतैं सच्‍चै को पता नि चल पै, इलै वेन अपणा सिपयों तैं हुकम दिनी कि येतैं किला मा लेके चला।

खास चेलों 21:37

अर जब सिपै लोग पौलुस तैं किला का भितर लि जाणा छा, त वेन पलटण का सेनापति कू यूनानी भाषा मा बोलि, “साब, क्या मि कुछ बोलि सकदु छौं?” सेनापति न बोलि, “तू यूनानी भाषा जणदी छैई?

खास चेलों 23:17

अर ईं बात तैं सुणी के पौलुस न सुबेदारों मा बटि कै एक तैं अपणा पास बुलै अर वेकू बोलि, “साब, ये ज्वान नौना तैं पलटण का सेनापति का पास लि जा, किलैकि यू ऊंतैं एक खबर सुनौण चाणु च।”

खास चेलों 24:23

तब वेन सुबेदार तैं आदेस दिनी कि, ये मनखि तैं पैरेदारी मा रखै जौ, मगर कुछ बातों की वेतैं छुट दियै जौ। अर सुणा, येका दगड़्यों मा बटि कैतैं भि येकी सेवा करण से नि रुक्यां।