खास चेलों 23:1 - Garhwali

¹ अर जब पौलुस लोगु का समणि मूड़ी ऐ, त पौलुस न वीं सभा का लोगु जनै टक लगै के देखि अर बोलि, “हे मेरा भैयों, मिन आज तक परमेस्वर का समणि सच्‍चा मनळ अपणु जीवन बितै।”

गढवली नयो नियम

¹ पौलुस ल महासभा जनै एकटक लगै के देखि, अर बोलि, “हे विश्वासी भयों मिल, आज तक परमेश्वर कु सच्चा मन बट्टी अपड़ो जीवन बसर कैरी।”

खास चेलों 23:1 ပူးပေါင်းရင်းမြစ်များ

मत्ती 5:22

पर मि तुमतै बतै देन्दु कि, जु कुई भि कै मनखि से नाराज हो, अर वेको अपमान कैरो अर बोलो ‘अरे बेकूप’ त वेतैं कचैरी मा दोषी ठैरै के दण्ड मिललु। अर अगर जु कुई अपणा भै-बैंण कू बोललु ‘अरे मूरख’ त उ नरकलोक की आग मा डळै जालु।

खास चेलों 22:1

अर पौलुस न ऊंकू बोलि, “हे मेरा भै-बैंणो अर बुजुर्ग लोगु, अब मि अपणा बचाव मा तुमरा समणि कुछ बोन्‍न चाणु छौं।”

खास चेलों 22:30

अर पलटण को सेनापति ईं बात तैं अच्छे से जनण चाणु छौ, कि आखिर मा यहूदी लोग ये पर दोष किलै लगौण छिन। इलै वेन दुसरा दिन पौलुस की बेड़ियों तैं खोली दिनी, अर मुख्य पुरोहितों अर यहूदी लोगु की न्याय समिति का सब लोगु तैं इकट्‍ठा होण को आदेस दिनी। तब पौलुस तैं किला बटि मूड़ी यों लोगु का समणि लये गै।

खास चेलों 22:5

अर ईं बात का गवा महा पुरोहित अर सब अध्यक्ष लोग छिन। अर एक दिन इन ह्‍वे कि, मिन महा पुरोहित अर अध्यक्ष लोगु बटि बिस्वासी भै-बैंणो का नौ की चिठ्‍ठी ले, अर दमिश्क नगर मा ऊंका पास जाणु छौ, ताकि उख बटि लोगु तैं बन्धी बणै के इख यरूशलेम नगर मा लौं, अर ऊंतैं दण्ड दिलौं।

खास चेलों 23:15

इलै तुम अर न्याय समिति का लोग इन कैरा, कि पलटण का सेनापति तैं समझा, ताकि वु लोग पौलुस तैं तुमरा पास इख लेके आ, अर इन लगण चयेणु कि तुम वेका बारा मा और अच्छी तरौं से जाँच-पड़ताल करण चन्द्‍यां। अर जब उ इख औण वळु होलु, त वेका औण से पैलि ही हम वेतैं जान से मरणु खुणि तयार रौला।”

खास चेलों 23:20

अर वेन वेतैं जबाब दिनी, “साब, यहूदी का मुख्य लोगु की जाळसाजि बणईं च, अर वु बोन्‍ना छा कि वु तुम बटि बिन्ती करला कि तुम पौलुस तैं भोळ यहूदी न्याय समिति मा भेजा। अर ऊंन इन भि बोलि कि इन लगण चयेणु कि हम वेका बारा मा अच्छी तरौं से जाँच-पड़ताल करण चाणा छां।

खास चेलों 23:28

अर मि जनण चाणु छौ, कि ऊ कैं बात का बाना ये पर दोष लगौणा छिन, इलै मि येतैं ऊंकी यहूदी न्याय समिति मा लि ग्यों।

खास चेलों 23:6

अर पौलुस तैं ईं बात को पता चलि गै कि इख यहूदी लोगु को न्याय करण वळा लोगु का दुई दल जमा होयां छिन फरीसी अर सदूकी। तब वेन ऊँची मा बोलि, “हे मेरा भैयों, मि फरीसियों का वंश मदि छौं। अर मि मुरदो मा बटि ज्यून्द होण की आस रखदु, अर ईं बात का बानो मि पर मुकदमा चलणु च।”

खास चेलों 24:16

इलै मेरी पूरि कोसिस रौन्दी कि मि परमेस्वर, अर मनखियों खुणि अच्छा सोच-विचार रखूं।

खास चेलों 6:15

तब न्याय समिति का सब लोगु न स्तिफनुस का मुख जनै एक-टक ह्‍वेके देखि, त ऊंतैं वेकी मुखडी स्वर्गदूत का जन दिखै।

1 कुरिन्थि 4:4

किलैकि मेरु मन मितैं कैं भि बात मा दोषी नि ठैरान्दु, मगर फिर भि मि धरमी साबित नि होन्दु, किलैकि जु मेरी जाँच-पड़ताल करदु उ प्रभु ही च।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

2 तीमुथियुस 1:3

अर जै परमेस्वर की सेवा मेरा पितरों न कैरी मि भि ठिक उन्‍नि सच्‍चा मन से करदु। अर मि तुमतै अपणी प्रार्थना मा लगातार याद कैरिके परमेस्वर को धन्यवाद करदु।

इब्रानी 13:18

हम खुणि प्रार्थना कना रा, हमरु जमीर साफ च अर हम इन कोसिस करद्‍यां की सब बातों मा इमानदारी से चला।

1 पतरस 3:16

मगर ध्यान रखा, कि यों सब बातों को जबाब बड़ी इज्‍जत अर सीदु बणि के दियां, अर अपणा जमीर तैं शुद्ध रखा। अर इन तुम इलै कैरा, ताकि जु लोग तुमरा खिलाप मा जैके बुल्दिन जब वु सुणा, कि तुम यीशु मसीह का छाँ अर तुमरो चाल-चलन कन च त ऊंकी बेजती उबरि ह्‍वे जौ।