खास चेलों 22:26 - Garhwali

²⁶ अर या बात सुणी के सुबेदार न पलटण का सेनापति मा जैके बोलि, “साब, यू तुम क्या कना छाँ? अरे यू त एक रोमी नागरिक च।”

गढवली नयो नियम

²⁶ सुबदार ल इन सूंणि के पलटण का सेनापति मा जै के बोलि, “तु क्य कनि छै? यु आदिम त रोमी मनिख च।”

खास चेलों 22:26 ပူးပေါင်းရင်းမြစ်များ

यूहन्ना 18:12

तब सैनिको न अर ऊंका सुबेदार न अर यहूदियों का मन्दिर का पैरादारों न यीशु तैं पकड़ी के बान्धि दिनी।

खास चेलों 22:25

मगर जब सिपै पौलुस तैं कोड़ा मरणु खुणि चमड़ा का ज्यूड़ोळ बान्धि, त पौलुस न उखम खड़ा सुबेदार कू बोलि, “साब, एक बात बता अगर कुई रोमी नागरिक जैको अपराध सिद्ध नि ह्‍वे हो, त क्या या बात नियम का मुताबिक सही च?”

खास चेलों 22:27

तब पलटण का सेनापति न पौलुस का पास ऐके पूछी, “मितैं इन बतौ, कि क्या तू सच्‍चि मा एक रोमी नागरिक छैई?” वेन बोलि, “हाँ, मि छौं।”

खास चेलों 22:29

इलै जु लोग वेतैं पूछताछ कैरिके कोड़ा मरण वळा छा, वु सब पिछनै हटि गैनी। अर पलटण को सेनापति भि ईं बात तैं जाणि के भौत डौऽरी गै, कि मिन एक रोमी मनखि तैं बन्धी बणै के रख्युं च।

खास चेलों 23:27

“श्रीमान, ये मनखि तैं मि तुमरा पास भेजणु छौं, येतैं यहूदी लोग पकड़ी के जान से मरण वळा छा, मगर मिन ठिक बगत पर अपणा सैनिको का दगड़ा मा उख पौंछी के येतैं बचै दिनी, किलैकि मितैं इन पता चलि गै छौ कि यू एक रोमी मनखि च।