खास चेलों 22:14 - Garhwali

¹⁴ वेन मिकू बोलि, ‘हमरा पितरों का परमेस्वर न त्वेतै पैलि बटि चुण्यालि छौ, ताकि तू वेकी मनसा अर बातों तैं जाणि सैकी, अर वे धरमी मनखि तैं देखि सैकी,

गढवली नयो नियम

¹⁴ “तब वेल बोलि, हमारा पूर्वजों का परमेश्वर ल त्वे तैं इलै ठैरयूं च की तु वेकी इच्छा तैं जांणि लये, अर तू वे धर्मी आदिम मसीह तैं देख अर वेकी आवाज तैं सूंण।

खास चेलों 22:14 ပူးပေါင်းရင်းမြစ်များ

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

खास चेलों 13:17

हम इस्राएली लोगु का परमेस्वर न हमरा पितरों तैं चुणी, अर जब वु लोग मिस्र देस मा परदेसी ह्‍वेके रौणा छा, त वे बगत पर परमेस्वर न हमरा पितरों तैं भौत बढै, अर परमेस्वर न ही अपणी बड़ी सामर्थ का द्‍वारा वे बगत मा हमरा पितरों तैं मिस्र देस बटि निकाळि।

खास चेलों 22:15

किलैकि जु तिन देखि अर सुणी च, ऊं सब बातों की गवै तू लोगु का समणि दिलै।

खास चेलों 22:18

तब मिन प्रभु की दिब्य चमक देखि अर वेतैं इन बुल्द सुणी, ‘हे शाऊल, तू यरूशलेम नगर बटि निकळि के जल्दी चलि जा, किलैकि यों लोगु न मेरा बारा मा तेरी गवै तैं स्वीकार नि करण।’

खास चेलों 24:14

मगर मि तुमरा समणि ईं बात तैं स्वीकार करदु, कि जु बात नियम-कानूनों अर रैबर्यों की किताबों मा लिखीं छिन, मि ऊं सब बातों पर बिस्वास करदु। अर जै बाटा पर मि चलणु छौं, वेका मुताबिक ही मि अपणा पितरों का परमेस्वर की भक्‍ति कनु छौं। अर साब, ये बाटा कू ही यू लोग गळत बोन्‍ना छिन।

खास चेलों 26:16

पर अब उठ अर खड़ु ह्‍वे जा, मिन त्वेतै अपणु दरसन इलै दिखै, ताकि मि त्वेतै अपणु एक सेवक अर गवा बणौ, अर जु कुछ तिन देखि, अर जु कुछ भि अब मि त्वेतै दिखौलु तू ऊं सब बातों को गवा ह्‍वेलि।

खास चेलों 5:30

अर तुम लोगु न यीशु तैं क्रूस पर चड़वै के मार दिनी, पर हमरा पितरों का परमेस्वर न वे ही यीशु तैं मुरदो मा बटि ज्यून्दु कैरी।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

खास चेलों 9:17

तब हनन्याह उख बटि उठी अर वे घौर जनै गै। अर जब हनन्याह वे घौर मा पौंछी, त वेन अपणु हाथ शाऊल पर रखी के बोलि, “शाऊल भै, जै प्रभु यीशु न त्वेतै वे बाटा मा दरसन दे छौ वेन ही मितैं इख तेरा पास भेजि, ताकि तू फिर से दिखण लगि जै अर पवित्र आत्मा से भरपूर ह्‍वे जै।”

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

1 कुरिन्थि 11:23

हे मेरा भै-बैंणो, ज्वा बात प्रभु की तरफा बटि मितैं मिली, वा ही बात मिन तुमतै सिखै कि प्रभु यीशु मसीह जिं रात वेतैं पकड़वै गै, वीं ही रात पकड़वै जाण से पैलि वेन रुट्‍टी ले,

1 कुरिन्थि 15:3

अर सच्‍चै को जु वचन यीशु मसीह का द्‍वारा मितैं बतये गै, उई मिन तुमतै बतै। अर पवित्रशास्‍त्र मा वु वचन इन लिख्यूं च कि, “मसीह हमरा पापों खुणि मरे गै।”

1 कुरिन्थि 15:8

अर ऊं सभ्यों का बाद मि पौलुस न भि वेतैं देखि, अर वे पर बिस्वास कैरी। अर वे बगत मेरी हालत वे बच्‍चा का जन छै जु कि बगत से पैलि ही जनम ले देन्दु।

1 कुरिन्थि 9:1

हे मेरा भै-बैंणो, मेरी बात पर ध्यान द्‍या मि एक आजाद मनखि छौं, अर प्रभु यीशु को खास चेला भि, अर हमरा प्रभु यीशु तैं मिन अपणा समणि देखि छौ। अर मेरा काम को नतीजा तुम लोग ही छाँ, जौन यीशु पर बिस्वास कैरी।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

गलातियों 1:12

किलैकि उ शुभ समाचार नऽ त मितैं कै मनखि न दिनी, अर ना ही मितैं कैन सिखै, बल्किन मा वु त खुद यीशु मसीह न मि पर परगट कैरी।

गलातियों 1:15

मगर परमेस्वर न मितैं माँ का पुटगुन्द ही अफ खुणि चुणी के अलग कैरियाली छौ, अर अपणी महान किरपा का द्‍वारा वेन मितैं बुलै। अर वे परमेस्वर तैं या बात अच्छी लगि कि,

2 तीमुथियुस 1:1

हे मेरा भै-बैंणो मि पौलुस छौं, अर मितैं परमेस्वर न अपणी इच्छा का मुताबिक यीशु मसीह खुणि खास चेला ठैरै के चुण्यालि। अर मि या चिठ्‍ठी तीमुथियुस खुणि लिखणु छौं, जु कि मेरा प्रिय नौना का जन च। अर जु लोग यीशु मसीह पर बिस्वास करदिन, ऊंतैं जीवन देण को करार परमेस्वर को कर्युं च। अर येका बारा मा बतौणु खुणि ही परमेस्वर न मितैं चुणी के भेज्यूं च। तीमुथियुस मि प्रार्थना करदु कि, पिता परमेस्वर अर हमरु प्रभु यीशु मसीह अपणी किरपा, दया अर शान्ति त्वेतै देणु रौ।

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

1 पतरस 2:22

अर पवित्रशास्‍त्र मा वेका बारा मा इन लिख्यूं च कि, “वेन कुई पाप नि कैरी, अर ना ही वेका गिच्‍चा बटि कुई छल की बात निकळि।”

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।