खास चेलों 21:8 - Garhwali

⁸ अर दुसरा दिन हम उख बटि कैसरिया नगर मा पौंछयां अर उख हम शुभ समाचार को परचार करण वळा फिलिप्पुस भै बटि मिल्यां, अर वेका घौर मा रयां, अर यू खास चेला लोगु की मदद करण खुणि चुण्यां सात बिस्वासी लोगु मा बटि एक छौ।

गढवली नयो नियम

⁸ दुसरा दिन हम उख बट्टी चलि के कैसरिया शहर मा पौंछि, अर फिलिप्पुस सुसमाचार प्रचारक का घौर मा उ, ऊं सात आदिमों मा बट्टी एक छो, जौं तैं यरूशलेम शहर मा प्रेरितों ल विधवाओं की देखभाल कु चुणयूं छो, जै के वेका यख रै।

खास चेलों 21:8 ပူးပေါင်းရင်းမြစ်များ

खास चेलों 10:1

कैसरिया नगर मा कुरनेलियुस नौ को एक मनखि रौन्दु छौ। अर यू इतालियानी पलटण को सुबेदार छौ।

खास चेलों 16:10

अर जब पौलुस न यू दरसन देखि, त हमुन तुरन्त इन विचार कैरी कि हमतै मकिदुनिया मुलक मा जाण चयेणु, किलैकि हम समझि गै छा कि परमेस्वर हमतै उख बुलाणु च, ताकि उख जैके हम शुभ समाचार सुणा।

खास चेलों 16:13

अर सब्त का दिन पर हम लोग नगर का गेट से भैर गाडा का छाला पर ग्यां। अर हमतै इन लगि कि इख प्रार्थना करण की कुई जगा ह्‍वेलि, अर उख कुछ जनानियां इकट्‍ठा होईं छै अर हम ऊंका दगड़ा मा बात-चित करण लगि ग्यां।

खास चेलों 16:16

अर एक दिन इन ह्‍वे कि हम प्रार्थना करण वळी जगा कू जाणा छा, त हमतै एक गुलाम नौनि मिली जिं मा भविष्य बतौण वळी बुरी आत्मा छै। अर या नौनि लोगु को भविष्य बतै के अपणा मालिक लोगु खुणि भौत कुछ कमै देन्दी छै।

खास चेलों 18:22

अर कैसरिया नगर मा पौंछी, अर उख बटि ह्‍वेके उ यरूशलेम नगर कू गै। अर बिस्वासी समुदाय का लोगु को हाल समाचार पूछी के उख बटि अन्ताकिया नगर कू चलि गै।

खास चेलों 20:13

अर इन योजना बणयै गै, कि हम लोग पैलि निकळि के असुस्स नगर कू पाणि का जाज से चलि जां, अर भै पौलुस हमतै सीदा अस्सुस नगर मा ही मिललु। अर जब उ अस्सुस नगर मा पौंछी जालु, त हम वेसे मिली के उख बटि अगनै दगड़ा-दगड़ि निकळि जां। अर या योजना इन इलै बणयै गै, किलैकि भै पौलुस अपणी इच्छा से अस्सुस तक पैदल ही औण चाणु छौ।

खास चेलों 20:6

अर अखमीरी रुट्‍टी का त्योवार का बाद हम फिलिप्पी नगर बटि पाणि का जाज मा बैठि के पांच दिनों का बाद त्रोआस नगर मा पौंछयां, अर सात दिनों तक उखि रयां।

खास चेलों 21:16

अर कैसरिया नगर बटि कुछ बिस्वासी लोग भि हमरा दगड़ा मा ऐनी, अर वु हमतै साइप्रस टापू का एक पुरणा बिस्वासी का इख लि गैनी, जैको नौ मनासोन छौ अर हम इखि रयां।

खास चेलों 23:23

तब सेनापति न अपणा दुई सुबेदारों तैं बुलै अर ऊंकू बोलि, “सुणा दुई सौ सिपै, अर सत्तर घुड़सवार, अर दुई सौ भाला चलौण वळा सिपै तयार कैरा, अर राति नौ बजी तक ऊंतैं कैसरिया नगर जाणु खुणि तयार रखा।

खास चेलों 27:1

अर जब इन फैसला ह्‍वे गै कि अब हमतै कैसरिया नगर बटि निकळि के जाज को सफर शुरु कैरिके इटली देस कू जाण पोड़लु, त ऊंन पौलुस अर कुछ और कैदियों तैं यूलियुस नौ का एक सुबेदार का सुपुर्द कैरी दिनी। अर यूलियुस महाराजा की पलटण को सुबेदार छौ।

खास चेलों 28:11

अर तीन मैना का बाद हम सिकन्दरिया नगर कू जाण वळा पाणि का एक जाज मा बैठ ग्यां, अर हमुन जाज को सफर शुरु कैरी अर यू जाज पूरा ह्‍यूँद बटि माल्टा टापू पर ही रुक्युं छौ। अर ये जाज पर दुई जौंळ्या भैयों को चिन्‍न बणयूं छौ, जु कि द्‍यबता छा।

खास चेलों 28:16

अर जब हम रोम नगर मा पौंछयां, त पौलुस भै तैं इखुली रौण की इजाजत मिली गै, मगर वेकी पैरेदारी करणु खुणि एक सिपै तैं रखै गै।

खास चेलों 6:5

अर या बात बिस्वासी समुदाय का सब लोगु तैं ठिक लगि, अर ऊंन स्तिफनुस तैं चुणी, अर यू अच्छु बिस्वासी अर पवित्र आत्मा से भरपूर छौ। अर येका दगड़ा-दगड़ि ऊंन फिलिप्पुस, प्रुखुरुस, अर नीकनोर अर तीमोन तैं, अर परमिनास, अर अन्ताकिया नगर का नीकुलाउस तैं चुणी जु कि यहूदी बणि गै छौ।

खास चेलों 9:30

मगर बिस्वासी भै-बैंणो तैं ईं बात का बारा मा पता चलि गै, तब ऊ शाऊल तैं कैसरिया नगर मा लि गैनी, अर उख बटि तरसुस नगर कू भेज दिनी।

इफिसुस 4:11

अर वेन कुछ लोगु तैं खास चेला होण खुणि ठैरै, अर कुछ तैं रैबर्या बणै, अर कुछ लोगु तैं शुभ समाचार सुनौण वळु, अर कुछ लोगु तैं देख-रेख करण वळु, अर कुछ लोगु तैं वेन उपदेस देण वळु ठैरै।

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।