खास चेलों 21:11 - Garhwali

¹¹ अर उ हमरा पास ऐ अर वेन पौलुस को पठुगु लिनी अर अपणा हाथ-खुटा बान्धि के बोलि, “पवित्र आत्मा इन बुल्दु कि, ‘जै मनखि को यू पठुगु च, वेतैं यरूशलेम नगर मा यहूदी लोग इन्‍नि बन्धला, अर ऊं लोगु का सुपुर्द कैरी द्‍याला जु लोग यहूदी जाति का नि छिन।’”

गढवली नयो नियम

¹¹ वेल हम मा ऐ के पौलुस को पठुको लींनि, अर अपड़ा हथ खुट्टा बंधि के बोलि, “पवित्र आत्मा इन बुल्णु च, कि जै आदिम को यु पठुका च, वे तैं यरूशलेम शहर मा यहूदी इन ही कै बंधला, अर अन्यजाति लुखुं का सुपुर्द कैरी द्याला।”

खास चेलों 21:11 ပူးပေါင်းရင်းမြစ်များ

यूहन्ना 18:1

अर इन प्रार्थना करण का बाद यीशु अपणा चेलों का दगड़ा मा किद्रोन नौ का एक गदेरा तैं पार कैरिके दुसरि तरफा गै। उख एक बगिचा छौ अर यीशु अर वेका चेला वे बगिचा मा गैनी।

खास चेलों 13:2

अर एक दिन इन ह्‍वे कि यू लोग उपवास रखी के परमेस्वर की भक्‍ति कना छा। तब पवित्र आत्मा न ऊंकू बोलि, “जै काम तैं करणु खुणि मिन बरनबास अर शाऊल तैं चुण्यूं च, वे काम तैं पूरु करणु खुणि तुम लोग ऊंतैं मि खुणि अलग कैरा।”

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

खास चेलों 20:23

अर पवित्र आत्मा न मितैं इन चितैयाली, कि पौलुस हरेक नगर मा त्वेतै कैद मा रौण पोड़लु अर दुख-तकलीफ सौण पोड़लि।

खास चेलों 21:33

तब सेनापति पौलुस का पास ऐ, अर वेन वेतैं पकड़ण को अर बेड़ियों मा बन्धण को आदेस दिनी। तब वेन पूछी, “कु च यू अर क्या कैरी येन?”

खास चेलों 21:4

अर इख हमतै कुछ बिस्वासी लोग मिलिनी, अर हम ऊंका दगड़ा मा सात दिनों तक उखि रयां। अर पवित्र आत्मा का द्‍वारा ऊं लोगु न पौलुस कू बोलि कि तुम यरूशलेम नगर कू नि जयां।

खास चेलों 22:25

मगर जब सिपै पौलुस तैं कोड़ा मरणु खुणि चमड़ा का ज्यूड़ोळ बान्धि, त पौलुस न उखम खड़ा सुबेदार कू बोलि, “साब, एक बात बता अगर कुई रोमी नागरिक जैको अपराध सिद्ध नि ह्‍वे हो, त क्या या बात नियम का मुताबिक सही च?”

खास चेलों 24:27

अर इन करद-करद दुई साल ह्‍वे गैनी। अर येका बाद गवर्नर फेलिक्स की जगा पर पुरकियुस फेस्तुस नौ को मनखि गवर्नर का पद पर ऐ, मगर फेलिक्स यहूदियों तैं खुश करण चान्दु छौ, इलै वेन पौलुस तैं जेलखाना मा ही छोड़ि दिनी।

खास चेलों 26:29

वेन बोलि, “मि परमेस्वर से प्रार्थना करदु कि थुड़ा बगत हो या जादा, सिरफ तुम ही ना बल्किन मा जथगा भि लोग मेरी यों बातों तैं सुनणा छिन, सब मि जन मसीह बणि जा अर मेरी इच्छा इन भि च कि ऊ मि जन कैदी नि बणा।”

खास चेलों 28:17

अर तीन दिन का बाद पौलुस न यहूदियों का खास लोगु तैं एक साथ बुलै। अर जब वु इकट्‍ठा ह्‍वेनि, त वेन ऊंकू बोलि, “हे मेरा भैयों, मिन अपणा लोगु या अपणा पितरों की रीति-रिवाजों का खिलाप मा कुछ भि नि कैरी। फिर भि यरूशलेम नगर का लोगु न मितैं कैदी बणै के रोमियों का सुपुर्द कैरी दिनी।

खास चेलों 28:20

अर मिन तुमतै इख इलै बुलै, ताकि तुम बटि मिलु अर बात-चित कैरी सैकु, अर जै मसीह औण की आस इस्राएली लोगु न रखी च, वे ही मसीह का बारा मा परचार करण का बानो आज मि इख बेड़ियों मा बन्धयूं छौं।”

खास चेलों 28:25

अर जब वु लोग आपस मा एकमत नि ह्‍वेनि, अर जाण लगि गैनी, तब पौलुस न ऊंकू बोलि, “जान्द-जान्द मेरी बात तैं सुणिल्या, यशायाह रैबर्या का द्‍वारा पवित्र आत्मा न तुमरा पितरों बटि ठिक ही बोलि छौ कि,

खास चेलों 8:29

तब पवित्र आत्मा न फिलिप्पुस कू बोलि, “नजदीक जैके रथ का दगड़ा-दगड़ि मा चल।”

खास चेलों 9:16

अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

इफिसुस 3:1

इलै मि पौलुस, तुम लोगु तैं यीशु मसीह का शुभ समाचार सुनौण की वजै से कैद मा छौं, तुम लोग जु कि यहूदी जाति का नि छाँ।

इफिसुस 4:1

इलै मि जु कि प्रभु यीशु को चेला होण का नाता कैद मा छौं, तुम बटि बिन्ती करदु कि तुमरो चाल-चलन वीं इच्छा का मुताबिक हो ज्यां खुणि पिता परमेस्वर न तुमतै बुलै।

इफिसुस 6:20

अर मितैं शुभ समाचार को परचार करणु खुणि ही भेजि गै, अर अब मि इख बेड़ियों मा बन्धयूं छौं। हे मेरा दगड़्यों, मि खुणि प्रार्थना कर्यां कि जब मि शुभ समाचार को परचार कैरुं, त बड़ी हिम्मत से कैरी सैकु।

1 तीमुथियुस 4:1

अर पवित्र आत्मा साफ-साफ बुल्दु, कि औण वळा दिनों मा कुछ लोग बिस्वास बटि भटकी जाला, अर भरमौण वळी आत्मा का उपदेसों अर खबेसों की शिक्षा पर मन लगाला।

2 तीमुथियुस 2:9

अर ये शुभ समाचार तैं सुनौण का खातिर ही मि दुख-तकलीफ उठाणु छौं। अर इख तक कि यों न मितैं एक कैदी का जन बेड़ियों से बान्धि के जेलखाना मा रख्युं च, पर तभि भि परमेस्वर का वचन तैं फैलण से कुई नि रोकी सकदु।

इब्रानी 10:34

अर जु लोग जेलखाना मा कैद छा ऊं खुणि तुमुन बड़ी दया दिखै। अर जब लोगु न तुमरि चीजों तैं अपणा कब्जा मा कैर दिनी त तुमुन खुशी से अपणु नुकसान उठे, किलैकि तुम जणदा छा कि तुमरा पास वेसे भि जादा कीमती च जु की सदनि तक रौण वळु च।

इब्रानी 3:7

इलै हे मेरा भै-बैंणो, जन कि पवित्रशास्‍त्र मा परमेस्वर बुल्दु कि, “अगर जु तुम आज मेरी आवाज तैं सुणिल्या,

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।