खास चेलों 2:9 - Garhwali

⁹ जब की हम मा बटि कुछ लोग त पारथी अर मादी मुलक का छिन, अर कुछ त मेसोपोटामिया मुलक बटि अयां छिन, अर कुछ लोग एलामी निवासी छिन। इख तक की हमरा बीच मा यहूदिया, कप्पदूकिया, पुन्तुस, अर आसिया मुलकों का रौण वळा लोग भि इख अयां छिन।

गढवली नयो नियम

⁹ हम मा बट्टी कुछ लोग पारथी क्षेत्र बट्टी छिनी कुछ मादी, एलामी अर मेसोपोटामिया, यहूदिया प्रान्त, कप्प्दूकिया, पुन्तुस, एशिया,

खास चेलों 2:9 ပူးပေါင်းရင်းမြစ်များ

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

खास चेलों 18:2

कुरिन्थि नगर मा अक्‍किला नौ को एक यहूदी मनखि छौ, जु कि पुन्तुस मुलक को मूल निवासी छौ। अर वु हाल ही मा अपणी घरवळी प्रिस्किल्‍ला का दगड़ा मा इटली मुलक बटि अयूं छौ। अर ऊंन इटली इलै छोड़ि, किलैकि महाराजा क्लौदियुस न सब यहूदियों तैं रोम नगर बटि निकळण की आज्ञा दियाली छै। अर जब पौलुस कुरिन्थि नगर मा पौंछी, त वेकी मुलाकात येका दगड़ा मा ह्‍वे, तब पौलुस ऊंका घौर गै।

खास चेलों 19:10

अर दुई साल तक इन्‍नि चलणु रै, ताकि आसिया मुलक का लोग, यहूदी लोग, अर यूनानी जाति का लोग प्रभु का वचन तैं सुणी सैका।

खास चेलों 19:27

अर अगर इन्‍नि होणु रालु, त ईं बात की डौऽर च कि कैन भि हमरा काम तैं आदर-सम्मान नि देण, अर इथगा ही ना बल्किन मा महान अरतिमिस देवी का मन्दिर की सान भि खतम ह्‍वे जाण। अरे, या त वा देवी च जिं की भक्‍ति पूरा आसिया मा, इख तक की पूरि दुनियां का लोग भि करदिन। हे मेरा भैयों वीं की सान-सौकत माटा मा मिली जालि।”

खास चेलों 19:31

अर आसिया मुलक का कई अधिकारी पौलुस का दगड़्या छा, यों लोगु न वे खुणि रैबार भेजि कि वे घौर मा जैके खतरा मोल नि ले।

खास चेलों 20:16

पौलुस पिन्तेकुस्त का त्योवार तैं मनौण का बानो जथगा जल्दी ह्‍वे सकदु छौ यरूशलेम नगर कू जाण चाणु छौ, इलै वेन इन ठाणि की इफिसुस नगर का पास बटि ह्‍वेके चलि जौ, ताकि आसिया मुलक मा वेतैं जादा बगत नि लगु।

खास चेलों 20:18

अर जब इफिसुस नगर का बिस्वासी समुदाय का अध्यक्ष पौलुस का पास ऐनी। तब वेन ऊंकू बोलि, “सुणा, जब मि पैलि-पैलि बार आसिया मुलक मा ऐ छौ, त वे दिन बटि ही लेके मि तुमरा बीच मा हमेसा कै तरीके से रौंऽऽ, येका बारा मा तुम सब अच्छी तरौं से जणद्‍यां छाँ।

खास चेलों 20:4

अर इन ह्‍वे कि जब पौलुस न अपणी यात्रा शुरु कैरी, त वेका दगड़ा मा बिरीया नगर को पुरूर्स को नौनु सोपत्रुस, अर थिस्सलुनीकी नगर को अरिस्तर्खुस अर सिकुन्दुस, अर दिरबे नगर को गयुस, अर आसिया मुलक को तुखिकुस अर त्रुफिमुस छा, अर ऊंका दगड़ा मा तीमुथियुस भि छौ। अर यों न आसिया मुलक तक वेका दगड़ा मा यात्रा कैरी।

खास चेलों 21:27

अर जब शुद्धिकरण का सात दिन पूरा होण वळा छा, त आसिया मुलक का कुछ यहूदी लोगु न पौलुस तैं मन्दिर मा देखि। अर ऊंन भीड़ का लोगु तैं पौलुस का खिलाप मा उकसै, अर वेतैं पकड़ी दिनी।

खास चेलों 24:18

“अर जब मि यू काम कनु छौ, त आसिया मुलक का कुछ यहूदी लोग मितैं मन्दिर मा मिलिनी, अर वे बगत तक त मिन अफ तैं शुद्ध कैरियाली छौ। अर उख मेरा दगड़ा मा कुई भीड़ नि छै, अर ना ही उख कई दंगा ह्‍वे,

खास चेलों 27:2

अर हमुन अद्रमुत्तियुम नगर बटि पाणि का एक जाज मा बैठि के अपणु सफर शुरु कैरी। अर ये जाज न आसिया का बंदरगाहों से ह्‍वेके जाण छौ, अर हमरा दगड़ा मा मकिदुनिया मुलक को अरिस्तर्खुस भै भि छौ, जु की थिस्सलुनीकी नगर को रौण वळु छौ।

खास चेलों 6:9

मगर उख एक प्रार्थना भवन छौ जैमा वु लोग औन्दा छा जु की गुलामी से आजाद होयां छा। तब यों लोगु का बीच मा बटि कुरेनी, सिकन्दरिया अर किलिकिया अर आसिया मुलकों का कुछ लोग स्तिफनुस का दगड़ा मा वाद-विवाद करणु खुणि खड़ा ह्‍वेनि। अर वाद-विवाद करण लगि गैनी,

खास चेलों 7:2

अर स्तिफनुस न जबाब दिनी, “हे मेरा भैयों अर दाना-स्यांणा लोगु, मेरी बातों तैं ध्यान से सुणा, जब हमरु पितर अब्राहम हारान नगर मा रौणु कू गै छौ, वेसे पैलि उ मेसोपोटामिया का मुलक मा छौ। अर उख हमरा महान परमेस्वर न वेतैं अपणु दरसन दिनी।

रोमियों 16:5

अर ऊंका घौर मा जमा होण वळा समुदाय का सब लोगु तैं भि मेरु सलाम। अर मेरा प्यारा भै इपैनितुस तैं भि मेरु सलाम, जु कि आसिया मुलक मा पैलु मनखि छौ जैन यीशु मसीह का पिछनै चलण शुरु कैरी।

1 कुरिन्थि 16:19

अर इख आसिया मुलक का बिस्वासी लोग तुमकु सलाम बोन्‍ना छिन। अर अक्‍किला अर वेकी घरवळी प्रिस्का बैंण, अर ऊंका घौर मा इकट्‍ठा होण वळा बिस्वासी समुदाय का लोग भि तुमकु दिल से सलाम बुलणा छिन।

2 कुरिन्थि 1:8

हे मेरा भै-बैंणो, हम इन चन्द्‍यां कि तुम ईं बात से अणजाण नि रा, कि हमुन आसिया मुलक मा कन-कन दुख-तकलीफ झिलनी। हाँ, हमुन इथगा दुख-तकलीफ झिलनी कि ऊंतैं सौण हमरि ताकत से भैर छौ, इख तक कि हमुन उम्मीद भि छोड़याली छै, कि अब हम ज्यून्दा भि रौला कि ना।

2 तीमुथियुस 1:15

अर तू जणदी ही छैई, कि आसिया मुलक का भौत सरा बिस्वासी लोग मितैं छोड़ के चलि गैनी। जौं मा बटि फूगिलुस अर हिरमुगिनेस छिन।

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”

दिब्य दरस 1:4

आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।