खास चेलों 2:47 - Garhwali

⁴⁷ अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

गढवली नयो नियम

⁴⁷ अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।

खास चेलों 2:47 ပူးပေါင်းရင်းမြစ်များ

लूका 19:48

मगर ऊंकी समझ मा नि ऐ कि यू काम कनकै करै जौ, किलैकि सब लोग यीशु की बातों तैं ध्यान से सुणदा छा।

लूका 2:52

अर यीशु अकल मा, अर अपणा सरील मा, अर परमेस्वर अर मनखियों की किरपा मा बढणु रै।

खास चेलों 11:21

अर प्रभु की ताकत ऊं लोगु का दगड़ा मा छै, अर भौत सा लोगु न बिस्वास कैरी अर प्रभु की तरफा ह्‍वे गैनी।

खास चेलों 13:48

अर या बात सुणी के दुसरि जाति का लोग भौत खुश ह्‍वे गैनी, अर प्रभु का वचन की बडै करण लगि गैनी। अर ऊं मदि जथगा लोगु तैं सदनि का जीवन जीणु खुणि चुणै गै छौ, ऊं सभ्यों न प्रभु यीशु पर बिस्वास कैरी।

खास चेलों 14:1

अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

खास चेलों 14:21

अर दिरबे नगर मा पौंछण का बाद पौलुस अर बरनबास न शुभ समाचार सुणै, अर भौत सा लोगु तैं बिस्वासी बणै दिनी। अर येका बाद ऊ लुस्‍त्रा, इकुनियुम अर पिसिदिया मुलकों का अन्ताकिया नगर मा वापस ऐ गैनी।

खास चेलों 16:5

अर इन कैरिके बिस्वासी समुदाय का लोगु को बिस्वास और भि जादा बढदी गै, अर हरेक दिन ऊंकी गिनती और भि जादा होणी रै।

खास चेलों 17:12

इलै ऊं लोगु मा बटि भौत सा यहूदी लोगु न, अर खास-खास यूनानी जनानियों न, अर बैखों न भि ऊंकी बातों पर बिस्वास कैरी।

खास चेलों 2:39

किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

खास चेलों 4:21

तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।

खास चेलों 4:33

अर खास चेला प्रभु यीशु का मुरदो मा बटि ज्यून्द होण की गवै का बारा मा बड़ी सामर्थळ बतौन्दा छा। अर ऊं सभ्यों पर परमेस्वर की बड़ी किरपा छै।

खास चेलों 4:4

पर जथगा लोगु न वचन तैं सुणी ऊंमा बटि भौत सरा लोगु न बिस्वास कैरी, अर ऊं लोगु मा बैखों की संख्या ही लगभग पांच हजार छै।

खास चेलों 6:1

ऊं दिनों मा जब बिस्वासी लोगु की संख्या भौत बढणी छै, त यूनानी भाषा बुलण वळा बिस्वासी लोग, इब्रानी भाषा बुलण वळा बिस्वासी लोगु की सिकैत करण लगि गैनी, कि हर रोज मिलण वळा खाण-पीण का समान मा हमरि विधवा जनानियों का दगड़ा मा भेदभाव किये जाणु च।

खास चेलों 6:7

अर इनकै परमेस्वर को वचन और भि जादा फैलदी गै, अर यरूशलेम नगर मा बिस्वासी लोगु की गिनती और भि जादा ह्‍वे गै। अर भौत सा पुरोहितों न बिस्वास कैरी अर यू भि ऊंका दगड़ा मा मिली गैनी।

खास चेलों 9:31

तब पूरा यहूदिया, गलील अर सामरिया का मुलकों मा रौण वळा बिस्वासी समुदाय का सब लोग बड़ा चैन से रैनी, अर प्रभु मा और भि मजबूत होणा रैनी, अर वु प्रभु तैं पूरु आदर-सम्मान दिणा रैनी, अर पवित्र आत्मा का द्‍वारा ऊंतैं हर दिन हिम्मत मिलणी रै।

खास चेलों 9:35

अर ये मनखि तैं खूब होन्द देखि के लुद्‍दा अर शारोन मुलक का रौण वळा सब लोगु न अपणु-अपणु मन प्रभु की तरफा कैरी अर वे पर बिस्वास करण लगि गैनी।

रोमियों 14:18

अर जु मनखि ये तरीका से अपणा जीवन तैं चलौन्दु, अर वेका दगड़ा-दगड़ि यीशु मसीह की सेवा करदु, उ मनखि पिता परमेस्वर तैं खुश करदु, अर दुसरा लोग भि वेकी तारीफ करदिन।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

रोमियों 9:27

अर जन यशायाह रैबर्या न इस्राएल लोगु का बारा मा चिल्‍लै-चिल्‍लै के बोलि छौ, “अब चै इस्राएली लोगु की गिनती समुन्दर का बळा का बराबर भि किलै नि ह्‍वे जौ, मगर ऊंमा बटि कुछ ही लोगु तैं बचयै जाण।

1 कुरिन्थि 1:18

अर या सच्‍चि बात च कि जु लोग नास होण वळा बाटा पर चलणा छिन, ऊ इन सोचदिन कि यीशु मसीह को क्रूस पर मुरण की घटना बेकार च। मगर बचयै जाण वळा लोगु खुणि या परमेस्वर की ताकत च।