खास चेलों 2:45 - Garhwali

⁴⁵ अर ऊ अपणी जैजाद अर चीजों तैं बेचि के मिलण वळा रुपयों तैं ऊं लोगु मा बांटि देन्दा छा, जौं लोगु तैं जरुरत होन्दी छै।

गढवली नयो नियम

⁴⁵ उ अपड़ी सम्पति अर चिज्युं बिकै-बिकै के जन जै तैं जरूरत हूंदी छै उन ही सभियूं मा बांटि दींद छा।

खास चेलों 2:45 ပူးပေါင်းရင်းမြစ်များ

मत्ती 19:21

यीशु न वेकू बोलि, “अगर जु तू हरेक बात मा सिद्ध होण चान्दी त जा, अपणी जैजाद बेचि दे अर वे बटि जु कुछ भि मिललु वु सब गरीबों मा बांटि दे, अर मेरु चेला बणि जा। अर सुण, त्वेतै स्वर्ग मा खजाना मिललु।”

लूका 16:9

अर मि तुम बटि बोन्‍नु छौं कि, ‘दुनियां की दौलत का छौन्द तुम अफु खुणि दगड़्या बणैल्या, ताकि जब वा दौलत खतम ह्‍वे जौ, त ऊ तुमरो स्वागत सदनि का घौर मा करला।’

लूका 18:22

अर यू सुणी के यीशु न वेकू बोलि, “त्वेमा अभि भि एक बात की कमी च। इन कैर कि जु कुछ भि त्वेमा च, ऊ सब कुछ बेचि दे अर वे बटि जु कुछ भि मिललु वु सब गरीबों मा बांटि दे, अर ऐके मेरु चेला बणि जा तब त्वेतै स्वर्ग मा खजानु मिललु।”

लूका 19:8

अर जक्‍कई न खड़ु ह्‍वेके यीशु कू बोलि, “प्रभु मि अपणी अधि धन-दौलत गरीबों तैं द्‍यूलु अर जौं बटि मिन अन्यो कैरिके लेई ऊंतैं मि चार गुणा वापिस द्‍यूलु।”

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

खास चेलों 4:34

अर ऊं लोगु मा कैतैं भि कैं बात की कमी नि छै, किलैकि जौं लोगु का पास जमीन या घौर होन्दा छा वु वेतैं बेचि के मिली रकम, खास चेलों का हाथों मा दे देन्दा छा।

खास चेलों 4:35

अर खास चेला वीं रकम तैं जरुरतमन्द लोगु तैं ऊंकी जरुरत का मुताबिक ऊंमा बांटि देन्दा छा।

2 कुरिन्थि 9:1

अर मि तुमतै वे दान का बारा मा लिखण चाणु छौं, जैकी तयारी तुम लोग दुसरा बिस्वासी लोगु की मदद खुणि कना छाँ। अर येका बारा मा मि तुम खुणि कुछ जादा लिखण जरुरी नि समझदु।

2 कुरिन्थि 9:9

जन कि पवित्रशास्‍त्र मा भि लिख्यूं च कि, “प्रभु न गरीब लोगु तैं दिल खोली के देई, अर उ अपणा लोगु की भलै हमेसा कनु रालु।”

1 यूहन्ना 3:17

अगर कै मा गुजर-बसर करणु खुणि सब कुछ च। अर उ इन देखो कि कै दुसरो भै या बैंण मा कुछ कमी च, अर वेका बाद भि उ दया नि कैरो, त ईं बात तैं जाणि ल्या कि इन्द्रया मनखि मा परमेस्वर को प्यार नि च।