खास चेलों 2:43 - Garhwali

⁴³ अर लोगु का दिलों मा प्रभु खुणि और भि जादा आदर-सम्मान औण लगि गै, अर प्रभु खास चेलों का द्‍वारा भौत सरा अदभुत काम अर चमत्कारिक कामों तैं कनु छौ।

गढवली नयो नियम

⁴³ यरूशलेम शहर मा सभि लुखुं पर डौर अर हैरानी छै गै, अर भौत सा चमत्कार का काम और चिन्ह प्रेरितों का द्वारा प्रगट हूंदा छा।

खास चेलों 2:43 ပူးပေါင်းရင်းမြစ်များ

मरकुस 16:17

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

लूका 7:16

अर यू देखि के सब लोग डौऽरी गैनी, अर परमेस्वर की बडै कैरिके बोन्‍न लगि गैनी कि, “हमरा बीच मा परमेस्वर को एक बड़ु रैबर्या ऐ गै, अर परमेस्वर अपणा लोगु की मदद करण खुणि ऐ गै।”

लूका 8:37

तब गिरासेनियों मुलक का आस-पास का नगर बटि अयां लोगु न यीशु बटि बिन्ती कैरी, कि हमरा मुलक बटि चलि जा, किलैकि ऊ भौत डौऽरी गै छा। इलै यीशु उख बटि वापिस जाणु खुणि नाव मा बैठि गै।

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

खास चेलों 2:22

“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

खास चेलों 4:33

अर खास चेला प्रभु यीशु का मुरदो मा बटि ज्यून्द होण की गवै का बारा मा बड़ी सामर्थळ बतौन्दा छा। अर ऊं सभ्यों पर परमेस्वर की बड़ी किरपा छै।

खास चेलों 5:5

अर ईं बात तैं सुणदी ही हनन्याह भ्वीं मा फरके गै अर वेन अपणु दम तोड़ि दिनी, अर सब सुनण वळो पर बड़ु खौफ ऐ गै।

खास चेलों 9:34

तब पतरस न वेकू बोलि, “हे ऐनियास उठ, अर अपणु बिस्तर उठौ, किलैकि यीशु मसीह त्वेतै खूब कनु च।” अर वु तुरन्त उठी के खड़ु ह्‍वे गै।

खास चेलों 9:40

तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।