खास चेलों 2:2 - Garhwali

² अर अचानक आसमान बटि हवा की बड़ी सुंस्याट जन आवाज ऐ, अर जख ऊ बैठयां छा उ पूरु घौर वीं आवाजळ भरी गै।

गढवली नयो नियम

² अर अचानक स्वर्ग बट्टी बड़ा औडल-पौडल जन स्वींस्याट की सी आवाज हवे अर वीं आवाज ल सैरो घौर जख उ कट्ठा हुयां छा गूंजी गै।

खास चेलों 2:2 ပူးပေါင်းရင်းမြစ်များ

लूका 2:13

तबरि अचानक वे स्वर्गदूत का दगड़ा मा स्वर्गदूतों को एक दल ऐ, अर परमेस्वर की बडै करण लगि गै, अर ऊंन बोलि कि,

यूहन्ना 3:8

किलैकि हवा जनै चान्दी उनै जान्दी अर तुम बस वीं की आवाज सुणद्‍यां, पर नि जणद्‍यां कि वा कनै बटि औणी अर कख कू जाणि च। ठिक उन्‍नि हरेक मनखि जु पवित्र आत्मा बटि जनम ल्युन्दु उ भि इन्द्रयो ही च।”

खास चेलों 2:3

तब ऊंतैं आग की तरौं भौत सरी जीब दिखैनि, जु की अलग-अलग ह्‍वेके हरेक मनखि मा ऐके बैठि गैनी।

खास चेलों 2:6

अर जब लोगु न हल्‍ला सुणी, त भीड़ की भीड़ इकट्‍ठा ह्‍वे गै। अर सब लोग हैरान ह्‍वे गैनी, किलैकि जब यू लोग बात करणा छा, त भीड़ का लोगु तैं अपणी-अपणी भाषा सुन्यौणी छै।

खास चेलों 4:31

अर जब ऊंन इन प्रार्थना कैरी दिनी, त जख ऊ सब लोग इकट्‍ठा होयुं छा वा जगा हिली गै, अर वु सब पवित्र आत्मा से भरपूर ह्‍वे गैनी। अर येका बाद वु सब लोग फिर से परमेस्वर का वचन तैं बड़ी हिम्मतळ सुनौण लगि गैनी।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।