खास चेलों 2:11 - Garhwali

¹¹ अर क्रेते टापू अर अरब देस बटि अयां निवासीयों तैं भि, हम सभ्यों तैं अपणी-अपणी भाषा सुन्यौणी च, कि यू सब लोग परमेस्वर का बड़ा-बड़ा कामों की बडै कना छिन। यू सब कनकै ह्‍वे सकदु?”

गढवली नयो नियम

¹¹ जौनु यहूदी धर्म अपणैयले छो क्रेते अर अरब मुल्क का निवासी हम सभि अपड़ी-अपड़ी भाषा मा यूं बट्टी पिता परमेश्वर का बड़ा चमत्कार का कामों की चर्चा सुंणदां।”

खास चेलों 2:11 ပူးပေါင်းရင်းမြစ်များ

खास चेलों 2:10

अर कुछ लोग त फ्रूगिया अर पंफूलिया मुलक का छिन, अर कुछ त मिस्र मुलक बटि अयां। अर कुरेने नगर का आस-पास का लीबिया मुलक बटि भि, इख तक कि रोम नगर बटि भि अयां मुसाफिरों तैं भि अपणी-अपणी भाषा सुन्यौणी च, अर जु लोग पैलि बटि यहूदी छिन अर वु जौन यहूदी धरम तैं स्वीकार कैरियाली हम सभ्यों तैं भि अपणी-अपणी भाषा सुन्यौणी च।

खास चेलों 2:12

अर यू देखि के सब लोग हकदक छा अर बड़ी उळझण मा पोड़यां छा तब ऊ एक-दुसरा बटि पूछण लगि गैनी, “आखिर मा यू सब होणु क्या च?”

खास चेलों 27:12

अर ह्‍यूँद का दिन होण की वजै से जादातर लोगु न इन सला देई अगर ह्‍वे सैको, त हम कनकै भि जाज को सफर शुरु कैरिके बस फीनिक्स नगर तक पौंछी जां, ताकि हम ह्‍यूँद को मैना उखि काटा। अर फीनिक्स नगर त क्रेते टापू को एक बंदरगाह च, जु की दक्छिण-पच्छिम और उत्तर-पच्छिम दिसा मा च।

खास चेलों 27:13

अर जब दक्छिण दिसा बटि हवा कम-कम चलण लगि गै, त हमतै लगि, कि अब त हमरि फीनिक्स नगर जाण कि योजना पूरि ह्‍वे जालि। इलै हमुन जाज को लंगर उठे अर क्रेते टापू का छाला ही छाला ह्‍वेके अगनै जाण लगि ग्यां।

खास चेलों 27:7

अर भौत दिन तक हम आराम-आराम से अगनै चलणा रयां, अर आखिरकार हम बड़ी मुस्किलन कनिदुस नगर पौंछयां। अर बथौं इथगा तेज चलणु छौ कि हमरु जाज अगनै नि बढी सैकी, इलै हम सलमोने नगर का पास बटि ह्‍वेके क्रेते टापू की आड़ मा जाण लगि ग्यां।

1 कुरिन्थि 12:10

अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

गलातियों 1:17

अर ना ही मि यरूशलेम नगर मा ऊं लोगु का पास ग्यों जु मिसे पैलि खास चेला का रुप मा चुणै गै छा, बल्किन मा मि तुरन्त अरब मुलक कू चलि ग्यों, अर वेका बाद मि फिर दमिश्क नगर कू वापिस ऐ ग्यों।

गलातियों 4:25

अर सीनै पाड़ जु कि अरब मुलक मा च अर नौकराणि हाजिरा वे पाड़ का जन च, ठिक उन्‍नि आज यरूशलेम नगर का लोग भि छिन जु कि अपणा जण-बच्‍चों समेत नियम-कानूनों की गुलामी मा जीणा छिन।

तीतुस 1:12

अर क्रेते नगर का लोगु मा बटि एक मसूर गुरु न इन बोलि कि, “इखा लोग हमेसा झूठ्‍ठ बोन्‍न वळा, अळकसि, पेटू, अर दुष्‍ट जंगळि जानबर का जन छिन।”

तीतुस 1:5

अर मिन तीतुस त्वेतै क्रेते नगर मा इलै छोड़ि, ताकि उख जु कुछ भि कमी छै तू वींतैं ठिक-ठाक कैर दे, अर मेरी दिईं आज्ञा का मुताबिक हरेक नगर की बिस्वासी समुदाय मा अध्यक्ष तैं चुणी के ठैरै दे।

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।