खास चेलों 18:22 - Garhwali

²² अर कैसरिया नगर मा पौंछी, अर उख बटि ह्‍वेके उ यरूशलेम नगर कू गै। अर बिस्वासी समुदाय का लोगु को हाल समाचार पूछी के उख बटि अन्ताकिया नगर कू चलि गै।

गढवली नयो नियम

²² अर कैसरिया शहर मा उतरी के यरूशलेम कु गै अर उख मण्डलियों को दौरा कैरी अर अन्ताकिया नगर मा ऐ।

खास चेलों 18:22 ပူးပေါင်းရင်းမြစ်များ

खास चेलों 10:1

कैसरिया नगर मा कुरनेलियुस नौ को एक मनखि रौन्दु छौ। अर यू इतालियानी पलटण को सुबेदार छौ।

खास चेलों 10:24

अर दुसरा दिन पतरस अर ऊ सब लोग याफा से कैसरिया नगर मा पौंछिनी। अर कुरनेलियुस ऊंको इंतजार कनु छौ, अर वेन अपणा रिश्तेदारों अर अपणा खास दगड़्यों तैं भि बुलै के अपणा इख इकट्‍ठा कैरी।

खास चेलों 11:11

अर सुणा, वे ही बगत जै घौर मा हम छा, उख तीन लोग पौंछी गैनी। अर ऊंतैं मेरा पास कैसरिया नगर बटि भेजि गै छौ।

खास चेलों 13:1

अन्ताकिया नगर का बिस्वासी समुदाय मा कुछ रैबर्या अर उपदेस देण वळा लोग छा, जन कि बरनबास, शमौन जैकू नीगर भि बुल्दिन, अर कुरेन नगर को लूकियुस, अर मनाहेम जैको पालन-पोसण राजा हेरोदेस अग्रिप्पा का दगड़ा मा ह्‍वे। अर मनाहेम वेको खास दगड़्या छौ, अर शाऊल भि ऊंका दगड़ा मा उखि छौ।

खास चेलों 14:26

अर उख बटि ऊ पाणि का जाज मा बैठि के सीरिया मुलक का अन्ताकिया नगर मा ऐ गैनी। अर ये ही नगर का बिस्वासी भै-बैंणो न पौलुस अर बरनबास तैं चुणी के भेजि छौ, अर जै काम तैं वु पूरु कैरिके वापस औणा छा, वे काम खुणि ही ये नगर का लोगु न परमेस्वर की किरपा अर मदद मिलणु खुणि वेसे प्रार्थना कैरी छै।

खास चेलों 15:23

अर ऊंका हाथ ऊंन एक चिठ्‍ठी भेजि जैमा इन लिख्यूं छौ कि: सीरिया मुलक, किलिकिया मुलक, अर अन्ताकिया नगर मा रौण वळा हमरा प्यारा भै-बैंणो, तुम जु दुसरि जातियों मदि छाँ, तुम सब लोगु तैं बिस्वासी समुदाय का लोगु की तरफा बटि अर खास चेलों अर अध्यक्षों की तरफा बटि हमरु, सलाम।

खास चेलों 15:30

अर वीं चिठ्‍ठी मा यों बातों तैं लिखण का बाद ऊंन पौलुस, बरनबास अर ऊं चुण्यां लोगु तैं अपणा इख बटि विदा कैरी। अर जब यू लोग अन्ताकिया नगर मा वापस पौंछिनी, त ऊंन बिस्वासी समुदाय का लोगु तैं इकट्‍ठा कैरी अर वा चिठ्‍ठी ऊंतैं दे दिनी।

खास चेलों 15:35

मगर पौलुस अर बरनबास अन्ताकिया नगर मा ही रुकी गैनी, अर उख ऊंन भौत सा लोगु तैं प्रभु को वचन सिखै, अर शुभ समाचार को परचार कैरी।

खास चेलों 15:4

अर जब ऊ यरूशलेम नगर मा पौंछिनी, त बिस्वासी समुदाय का लोगु न, यीशु का खास चेलों न अर अध्यक्षों न ऊंको स्वागत कैरी। तब पौलुस अर बरनबास न यों लोगु तैं बतै, कि परमेस्वर न ऊंका द्‍वारा लोगु का बीच मा कथगा बड़ा-बड़ा काम करिनी।

खास चेलों 23:23

तब सेनापति न अपणा दुई सुबेदारों तैं बुलै अर ऊंकू बोलि, “सुणा दुई सौ सिपै, अर सत्तर घुड़सवार, अर दुई सौ भाला चलौण वळा सिपै तयार कैरा, अर राति नौ बजी तक ऊंतैं कैसरिया नगर जाणु खुणि तयार रखा।

खास चेलों 25:1

अर गवर्नर फेस्तुस तैं कैसरिया मुलक मा अयां अभि तीन दिन ह्‍वे ही गै छा, कि उ कैसरिया नगर बटि यरूशलेम नगर कू वापिस चलि गै।

खास चेलों 25:9

पर गवर्नर फेस्तुस न यहूदियों तैं खुश करण की मनसा रखी के बोलि, “तू क्या चाणि छैई, कि यरूशलेम नगर जैके यों सब बातों को न्याय फिर से मेरा समणि उखि किये जौ?”

खास चेलों 8:40

मगर फिलिप्पुस न अफ तैं अशदोद नगर मा देखि। तब उ कैसरिया नगर कू जाण लगि गै, अर कैसरिया नगर मा पौंछण से पैलि वेन बाटा मा औण वळा सब नगरों मा शुभ समाचार सुणै।