खास चेलों 18:2 - Garhwali

² कुरिन्थि नगर मा अक्‍किला नौ को एक यहूदी मनखि छौ, जु कि पुन्तुस मुलक को मूल निवासी छौ। अर वु हाल ही मा अपणी घरवळी प्रिस्किल्‍ला का दगड़ा मा इटली मुलक बटि अयूं छौ। अर ऊंन इटली इलै छोड़ि, किलैकि महाराजा क्लौदियुस न सब यहूदियों तैं रोम नगर बटि निकळण की आज्ञा दियाली छै। अर जब पौलुस कुरिन्थि नगर मा पौंछी, त वेकी मुलाकात येका दगड़ा मा ह्‍वे, तब पौलुस ऊंका घौर गै।

गढवली नयो नियम

² उख वे तैं अक्विला नौं को एक यहूदी आदिम मिली जैको जन्म पुन्तुस प्रान्त मा हवे छो; उ अपड़ी घरवलि प्रिस्किल्ला का दगड़ी हाल ही मा इटली देश बट्टी ऐ छो, किलैकि सम्राट क्लौदियुस ल सभि यहूदियों तैं रोम शहर बट्टी निकली जंणै की आज्ञा दे छै, वे कानून का कारण, उ कुरिन्थुस शहर मा ऐनी।

खास चेलों 18:2 ပူးပေါင်းရင်းမြစ်များ

खास चेलों 11:28

अर ऊंमा बटि एक अगबुस रैबर्या छौ, अर वेन खड़ु ह्‍वेके पवित्र आत्मा का द्‍वारा भविष्यबाणी कैरिके बोलि कि ये पूरि दुनियां मा भौत बड़ु अकाळ पोड़लु (अर ठिक उन्‍नि ह्‍वे, यू अकाळ महाराजा क्लौदियुस का बगत मा पोड़ि)।

खास चेलों 18:18

अर येका बाद भौत दिनों तक पौलुस कुरिन्थि नगर मा रै। अर वेका बाद बिस्वासी भै-बैंणो बटि विदै लेके पाणि का जाज से सीरिया मुलक कू चलि गै, अर वेका दगड़ा मा प्रिस्किल्‍ला बैंण अर अक्‍किला भै भि छौ। अर किंख्रिया नगर मा ऐके पौलुस न अपणु मुण्ड़ मुण्ड़वै, किलैकि वेन प्रभु बटि एक मन्‍नत मंगी छै।

खास चेलों 18:26

अर यू प्रार्थना भवन मा बेधड़क ह्‍वेके बुलण लगि गै। अर जब प्रिस्किल्‍ला बैंण अर अक्‍किला भै न येकी बातों तैं सुणी, त वु येतैं अपणा घौर लि गैनी, अर येतैं परमेस्वर का बाटा का बारा मा और अच्छा तरीके से बतै।

खास चेलों 2:9

जब की हम मा बटि कुछ लोग त पारथी अर मादी मुलक का छिन, अर कुछ त मेसोपोटामिया मुलक बटि अयां छिन, अर कुछ लोग एलामी निवासी छिन। इख तक की हमरा बीच मा यहूदिया, कप्पदूकिया, पुन्तुस, अर आसिया मुलकों का रौण वळा लोग भि इख अयां छिन।

खास चेलों 27:1

अर जब इन फैसला ह्‍वे गै कि अब हमतै कैसरिया नगर बटि निकळि के जाज को सफर शुरु कैरिके इटली देस कू जाण पोड़लु, त ऊंन पौलुस अर कुछ और कैदियों तैं यूलियुस नौ का एक सुबेदार का सुपुर्द कैरी दिनी। अर यूलियुस महाराजा की पलटण को सुबेदार छौ।

खास चेलों 27:6

अर उख सुबेदार यूलियुस तैं सिकन्दरिया नगर को एक जाज मिली, जु इटली देस जाण वळु छौ, तब वेन हमतै वे जाज मा बैठे दिनी।

1 कुरिन्थि 16:19

अर इख आसिया मुलक का बिस्वासी लोग तुमकु सलाम बोन्‍ना छिन। अर अक्‍किला अर वेकी घरवळी प्रिस्का बैंण, अर ऊंका घौर मा इकट्‍ठा होण वळा बिस्वासी समुदाय का लोग भि तुमकु दिल से सलाम बुलणा छिन।

2 तीमुथियुस 4:19

अर बैंण प्रिस्का, अर भै अक्‍किला, अर उनेसिफुरुस का घौर मा रौण वळा सब लोगु तैं मेरु सलाम।

इब्रानी 13:24

अर सुणा, तुम लोग अपणा मुखिया कू अर सब पवित्र लोगु कू मेरु सलाम बुलयां, अर इटली देस का सब मसीह लोग तुमकु सलाम बोन्‍ना छिन।

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।