खास चेलों 18:14 - Garhwali

¹⁴ मगर जन्‍नि पौलुस कुछ बुलण वळु छौ, कि वेसे पैलि गवर्नर गल्‍लियो न यहूदियों कू बोलि, “हे यहूदियों, अगर यू मनखि कुछ गळत काम या कुई भि खतरनाक अपराध करदु, त मि खुणि या बात भौत जरुरी छै कि मि तुमरि बात मणदु।

गढवली नयो नियम

¹⁴ जब पौलुस बुल्ण वलो छो, त गल्लियों ल यहूदियों कु बोलि, “हे यहूदियों, जु यु कुछ अन्यो या बुरै कि बात हूंदी त ठिक छो कि मि तुम्हरी सुणदु।

खास चेलों 18:14 ပူးပေါင်းရင်းမြစ်များ

मत्ती 5:2

तब उ ऊंतैं उपदेस देके बोन्‍न लगि गै कि:

मरकुस 9:19

अर ईं बात तैं सुणी के यीशु न ऊंकू बोलि, “हे बिस्वास नि करण वळा पीढ़ी का लोगु, आखिर मि कब तक तुमरा दगड़ा मा रौलु? अर कब तक तुमरि सौलु? तुम वे नौना तैं इनै लेके आ।”

खास चेलों 13:10

“हे शैतान की औलाद, अर सब अच्छे का दुसमन तू त झूठ्‍ठों अर धोखा देण वळु छैई, क्या तू प्रभु का सही बाटा बटि लोगु तैं गळत बाटा पर लि जाण कभि नि छोड़ि सकदी?

खास चेलों 13:18

अर जब हमरा पितर निर्जन जगा मा छा, त लगभग चालीस साल का वे बगत तक परमेस्वर ऊंकी सौणु रै।

खास चेलों 21:39

तब पौलुस न बोलि, “असल मा साब, मि एक यहूदी नागरिक छौं, अर किलिकिया मुलक का जाणा-माणा नगर तरसुस को वासी छौं। अर मि तुम से बिन्ती करदु, कि मितैं यों लोगु का दगड़ा मा बात करण की इजाजत दे द्‍या।”

खास चेलों 25:11

अर साब, अगर जु मेरु कुछ भि अपराध कर्युं होन्दु अर मौत की सजा का लैख होन्दु, त मि मौत तैं भि स्वीकार कैरी देन्दु। अर जौं बातों को यू लोग मि पर इळजाम लगौणा छिन, अगर वु बात सच्‍चि नि होलि, त कुई भि मितैं यों लोगु का सुपुर्द नि कैरी सकदु, इलै साब, मेरी इन मांग च कि मेरु न्याय महाराजा का समणि हो।”

खास चेलों 25:26

मगर येका बारा मा ठिक-ठिक लिखणु खुणि मि मा कुछ खास बात नि छै, कि मि महाराजा खुणि लिखुं। इलै मि ये मनखि तैं तुम सभ्यों का समणि अर खास कैरिके राजा अग्रिप्पा का समणि लेके अयूं, ताकि येकी जाँच-पड़ताल करण का बाद मितैं येका बारा मा लिखणु खुणि कुछ मिली सैको।

रोमियों 13:3

अर जु लोग सही छिन ऊंतैं अधिकारी लोगु से डऽरण की जरुरत नि च, बल्किन मा अधिकारी लोगु से त वु लोग डऽरदिन जु की गळत काम करदिन। अर अगर जु तुम लोग भि बिन डऽरयां रौण चाणा छाँ, त सिरफ उई काम कैरा जु कि अच्छा छिन, ताकि ऊंका द्‍वारा तुमरि तारीफ हो।

2 कुरिन्थि 11:1

हे मेरा दगड़्यों, जन तुम दुसरा लोगु तैं स्वीकार करद्‍यां जु कि अपणी ही बातों पर बड़ु मोन करदिन, कास, उन्‍नि तुम मितैं भि स्वीकार करदा जब कि मि तुमरि नजर मा एक मूरख मनखि का जन बरतौ करदु।

2 कुरिन्थि 11:4

अर मि तुमतै चितै देन्दु कि तुमरा बीच मा कुछ इन्द्रया लोग ऐ गैनी, जु कि यीशु मसीह का बारा मा कुछ अलग ही शिक्षा देणा छिन, ज्वा कि हमरि दिईं शिक्षा से बिल्कुल अलग च। अर वे बगत मा तुमुन हमरा द्‍वारा शुभ समाचार तैं सुणी अर पवित्र आत्मा तैं पै, मगर अब तुम कै दुसरा ही रैबार तैं सुनणु खुणि अर कै दुसरा ही आत्मा तैं पौणु खुणि तयार होयां छाँ।

इब्रानी 5:2

अर जब परमेस्वर की मनसा लोगु का बिंगण मा नि औन्दी अर ना ही ऊ इन समझदिन कि जु कुछ भि वु कना छिन उ गळत च, तब महा पुरोहित इन्द्रया लोगु का खातिर दया दिखान्दु, किलैकि उ खुद भि एक कमजोर मनखि च।