खास चेलों 17:7 - Garhwali

⁷ अर ये यासोन न ऊंतैं अपणा घौर मा रखी। अर यू सभ्या का सभि महाराजा का आदेस को विरोध करदिन अर एक और राजा च जैको नौ यीशु च इन भि बुल्दिन।”

गढवली नयो नियम

⁷ अर यासोन ल ऊं तैं अपड़ा घौर मा खातिरदारी कैरी यु सभि का सभि इन बुल्दींनि कि यीशु राजा च अर रोमी कैसर की आज्ञा कु विरोध करदींनि।”

खास चेलों 17:7 ပူးပေါင်းရင်းမြစ်များ

लूका 10:38

एक बार यीशु अर वेका चेला जाणा छा, त वु एक गौं मा गैनी, तब मारथा नौ की एक जनानि न अपणा घौर मा ऊंको स्वागत कैरी।

लूका 23:2

अर उख पौंछी के वु लोग यीशु पर इळजाम लगै के बोन्‍न लगि गैनी कि, “यू आदिम हमरा लोगु तैं भरमौन्दु, अर इन भि बुल्दु कि महाराज तैं कर नि देण चयेणु। अर इन भि बुल्दु कि, ‘मि मसीह छौं अर मि एक राजा भि छौं।’”

यूहन्ना 19:12

जब पिलातुस न यू सुणी, त यीशु तैं छुड़णे की कोसिस कैरी पर यहूदियों न चिल्‍लै-चिल्‍लै के बोलि, “अगर जु तुम ये मनखि तैं छोड़ि दिल्या, त फिर तुम महाराजा को विरोध करण वळा छाँ, किलैकि जु कुई भि अफ तैं राजा बणादु उ महाराजा को विरोध करदु।”

खास चेलों 16:21

अर यू हमतै इन्द्रया रीति-रिवाजों का बारा मा सिखौणा छिन, जौं तैं मनण अर ऊंका मुताबिक चलण हम रोमी लोगु का नियम-कानूनों का खिलाप मा च।”

खास चेलों 17:5

अर यू देखि के यहूदी लोग पौलुस अर सीलास तैं देखि के फूक्योंण लगि गैनी। तब ऊंन बजार बटि कुछ गुन्ड़ो तैं जमा कैरी अर ऊंकी एक भीड़ बणै, अर नगर मा घपरोळ मचौण लगि गैनी। अर वेका बाद ऊ सभ्या का सभि जबरन यासोन का घौर मा घुसी गैनी। अर पौलुस अर सीलास तैं खुज्याणा लगि गैनी, ताकि ऊ यों दुईयों तैं लोगु का बीच मा लि जै सैका।

खास चेलों 17:8

अर ईं बात तैं सुणी के भीड़ का लोगु तैं, अर नगर का अधिकारीयों तैं भौत जादा गुस्सा ऐ गै।

याकूब 2:25

उन्‍नि राहाब नौ की वेश्या न भि पितर यहोशू का द्‍वारा भेज्यां जासूसों तैं बचौणु खुणि ऊंतैं अपणा घौर मा छिपै छौ, अर फिर दुसरा बाटा बटि ऊंतैं भेजि दिनी। अर इन काम करण का द्‍वारा वा परमेस्वर की नजर मा धरमी ठैरै गै।

1 पतरस 2:15

किलैकि परमेस्वर की इच्छा या ही च कि तुम भलै का काम कैरा, अर भलै का काम कैरिके मूरख लोगु कि बोलती बन्द कैर द्‍या।