खास चेलों 17:25 - Garhwali

²⁵ अरे, वे परमेस्वर मा कैं भि चीज की कमी नि च, अर ना ही उ मनखियों बटि अपणी सेवा करौन्दु, बल्किन मा वु त खुद ही सब तैं जीवन अर सांस देन्दु, इख तक की सब कुछ भि।

गढवली नयो नियम

²⁵ न कैं चीजों का द्वारा वे तैं मनिख की मदद की जरूरत च, किलैकि उ अफ ही सभियूं तैं जीवन अर सांस अर सभि कुछ दींद।

खास चेलों 17:25 ပူးပေါင်းရင်းမြစ်များ

मत्ती 5:45

अर इन कैरिके तुम स्वर्ग मा रौण वळा अपणा पिता परमेस्वर की औलाद ह्‍वेल्या, किलैकि उ अच्छा अर बुरा, दुई किसम का लोगु पर सूरज को उज्याळु चमकान्दु, अर धरमी और अधरमी लोगु खुणि बरखा भि करदु।

मत्ती 9:13

इलै तुम पैलि जैके पवित्रशास्‍त्र की ईं बात को मतलब सीखा जन कि लिख्यूं च, ‘मि बलिदान ना, बल्किन मा दया चान्दु।’ अर जु लोग खुद तैं धरमी समझदिन मि ऊं खुणि ना, बल्किन मा पापि लोगु तैं बुलाणु खुणि अयूं छौं।”

खास चेलों 14:17

अर वेन अपणा भला कामों तैं दिखै के अपणु होण को सबूत दिनी। अर वु ही परमेस्वर बगत-बगत पर बरखा अर रितुओं तैं बदलि के हम मनखियों खुणि अच्छी फसल पैदा करदु, अर अच्छा खाणुक को इंतजाम कैरिके तुमरा मन तैं खुशी से भरी देन्दु।

खास चेलों 17:28

किलैकि कैन इन बोलि कि, “‘परमेस्वर मा ही हम ज्यून्द छां, अर चलणा-फिरणा छां। अर वेकी वजै से ही हमरु बजूद च।’ अर ठिक उन्‍नि तुमरा कुछ कवियों न भि बोलि कि, ‘हम त वेकी ही औलाद छां।’

रोमियों 11:35

“अर कैन भि परमेस्वर तैं कुछ नि दिनी, ताकि उ वे मनखि तैं वापस दे सैको।”

1 तीमुथियुस 6:17

हे तीमुथियुस, ईं दुनियां का बिस्वासी सेठों तैं आज्ञा देके समझौ, कि जादा बड़ु मोन कैरिके नि रखा। पर भलै का काम कैरा, हाँ भलै का कामों तैं कैरिके सेठ बणा अर दुसरो की मदद कैरा, अर खुला मन से दान द्‍या। अर जै धनळ जल्दी खतम ह्‍वे जाण वे पर अपणी आस लगै के नि रखा, पर परमेस्वर पर ही अपणी आस बणै के रखा, जु की हमरि खुशी का खातिर सब कुछ भरपूरी से देन्दु। अर यों तैं इन भि बतौ, कि इन कैरिके ऊ अफ खुणि स्वर्ग मा एक खजाना जमा करला, जु की भविष्य मा स्वर्ग मा ऊं खुणि एक खास बुनियाद को काम करलु। अर वेका द्‍वारा ऊंतैं सच्‍चु जीवन मिललु।