खास चेलों 17:19 - Garhwali

¹⁹ तब यू लोग पौलुस तैं पकड़ी के अरियुप्गुस न्याय की जगा पर लि गैनी, अर ऊंन वेकू बोलि, “तू जिं नयी शिक्षा का बारा मा बतौणी छैई, वा हमतै बतौ, कि वा क्या च?

गढवली नयो नियम

¹⁹ तब उ पौलुस तैं अरियुपगुस नौं को एक महासभा का संमणी लैनी अर पूछि कि हम जांणि सकदां कि या नई शिक्षा जु तु सुणौंणी छै क्य च?

खास चेलों 17:19 ပူးပေါင်းရင်းမြစ်များ

मत्ती 10:18

अर मेरी वजै से वु तुमतै सासन करण वळो अर राजाओं का समणि लि जाला, अर यू वु अवसर होलु जब तुम यों का अर ऊं लोगु का समणि मेरा गवा ह्‍वा जु यहूदी जाति का नि छिन।

मरकुस 1:27

अर यू देखि के सब लोग दंग रै गैनी। अर ऊ एक-दुसरा बटि बुलण लगि गैनी कि, “अरे यू सब क्या होणु च? यू त कुई नयू उपदेस च। अर यू अधिकार पयां मनखि का जन खबेसों तैं भि आज्ञा देन्दु, अर वु वेकी आज्ञा मणदिन।”

यूहन्ना 13:34

इलै अब मि तुमतै एक नई आज्ञा देन्दु छौं, कि तुम एक-दुसरा बटि प्यार कैरा। अर जन मिन तुम बटि प्यार कैरी, उन्‍नि तुम भि एक-दुसरा बटि प्यार कैरा।

खास चेलों 17:20

किलैकि तू हमतै अजीब बात बतौणी छैई, इलै हम यू जनण चाणा छां कि यों सब बातों को क्या मतलब च।”

खास चेलों 17:22

तब पौलुस न वीं बैठक मा जमा होंया लोगु का बीच मा खड़ु ह्‍वेके ऊंकू बोलि, “हे एथेन्स नगर का लोगु, मि दिखणु छौं कि तुम हर बात मा द्‍यबतों तैं भौत जादा मनण वळा छाँ।

खास चेलों 17:34

मगर कुछ लोगु न पौलुस की बातों पर बिस्वास कैरी, अर वेका दगड़ा मा मिली गैनी। अर जु लोग वेका दगड़ा मा ह्‍वे गै छा ऊंमा बटि अरियुप्गुस न्याय बैठक को एक सदस्य छौ जैको नौ दियुनिसियुस छौ, अर दमरिस नौ की एक जनानि, अर यों का अलावा और लोग भि छा।

खास चेलों 23:19

तब सेनापति न वे ज्वान नौना को हाथ पकड़ी अर अलग मा लि जैके वेतैं पूछी, “तू मितैं क्या बतौण चाणि छैई?”

खास चेलों 24:24

अर कुछ दिन का बाद गवर्नर फेलिक्स अपणी घरवळी द्रुसिल्‍ला तैं अफ दगड़ा मा लेके ऐ, अर या यहूदी जनानि छै। तब वेन पौलुस तैं बुलवै, अर यीशु मसीह पर बिस्वास करण का बारा मा वे बटि सुनण चै।

खास चेलों 25:22

तब राजा अग्रिप्पा न फेस्तुस कू बोलि, “फेस्तुस, मि खुद भि वे मनखि की सुनण चान्दु। अर वेन बोलि, ठिक च साब तुम भोळ सुणी लियां।”

खास चेलों 26:1

तब राजा अग्रिप्पा न पौलुस कू बोलि, “त्वेतै अपणा बचाव मा बोन्‍ने की पूरि इजाजत च।” अर पौलुस न हाथळ इसारा कैरिके अपणी सफै मा इन बोलि कि,