खास चेलों 17:14 - Garhwali

¹⁴ तब उखा बिस्वासी भै-बैंणो न तुरन्त ही पौलुस तैं उख बटि भेजि, कि उ इख बटि निकळि के समुन्दर की तरफा चलि जौ। पर सीलास अर तीमुथियुस उखि रै गैनी।

गढवली नयो नियम

¹⁴ तब विश्वासी भयों ल झट पौलुस तैं विदा कैरी के समुद्र का छाला पर चलि जा; पर सिलास अर तीमुथियुस बिरीया शहर मा ही रै गैनी।

खास चेलों 17:14 ပူးပေါင်းရင်းမြစ်များ

मत्ती 10:23

अर जब वु लोग तुमतै ये नगर मा सताला तब तुम दुसरा नगर मा भागी जयां। अर मि तुम बटि सच्‍च बोन्‍नु छौं कि तुम इस्राएल देस का सब नगरों मा परचार पूरु भि नि कैरी सकिल्या कि तबरि तक मनखि को पुत्र ऐ जालु।

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

खास चेलों 15:22

अर बिस्वासी समुदाय का सब लोगु तैं, खास चेलों अर अध्यक्ष लोगु तैं याकूब की बुलिं बात अच्छी लगिनी। तब ऊं लोगु न इन फैसला कैरी कि हम मा बटि कुछ लोगु तैं चुणी के पौलुस अर बरनबास का दगड़ा मा अन्ताकिया नगर कू भेजि जौ। तब ऊंन यहूदा तैं जैकू बरसब्बा भि बुल्दिन अर सीलास तैं चुणी, अर यू लोग बिस्वासी भै-बैंणो का मुखिया छा।

खास चेलों 16:1

अर येका बाद पौलुस दिरबे अर लुस्‍त्रा का नगरों मा भि ऐ। अर उख तीमुथियुस नौ को एक बिस्वासी भै छौ, अर वु एक यहूदी बिस्वासी जनानि को नौनु छौ, पर वेकू बुबा यूनानी जाति को छौ।

खास चेलों 17:10

अर फिर बिस्वासी भै-बैंणो न पौलुस अर सीलास तैं रातों-रात बिरीया नगर कू भेजि दिनी, अर उख पौंछण का बाद यू दुईया का दुई यहूदियों का प्रार्थना भवन मा गैनी।

खास चेलों 17:15

अर कुछ लोग पौलुस का दगड़ा मा एथेन्स नगर तक वेतैं पौंछाणु खुणि गैनी। तब पौलुस न ऊंमा सीलास अर तीमुथियुस खुणि इन रैबार दिनी, कि ऊंकू बुलयां की जथगा जल्दी ह्‍वे सैको मेरा पास ऐ जयां।

खास चेलों 17:4

तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

खास चेलों 17:6

मगर जब पौलुस अर सीलास ऊंतैं नि मिलिनी, त ऊंन यासोन अर कुछ और बिस्वासी भै-बैंणो तैं पकड़ी, अर ऊंतैं नगर का अधिकारीयों का पास खिखोड़ी के लैनि। अर चिल्‍लै के बोलि, “साब, यों लोगु न पूरि धरती मा उथल-पुथल मचै के रखी च अर देखा, अब यू इख भि ऐ गैनी।

खास चेलों 18:5

अर जब सीलास अर तीमुथियुस मकिदुनिया मुलक बटि ऐनी, तब पौलुस प्रभु का वचन तैं सुनौण मा अपणु पूरु बगत लगौण लगि गै, अर यहूदियों तैं गवै दे देके इन साबित कनु रै कि यीशु ही मसीह च।

खास चेलों 19:22

इलै पौलुस न अपणा दुई मददगार लोगु तैं याने की तीमुथियुस अर इरास्तुस तैं पैलि मकिदुनिया मुलक मा भेजि दिनी। अर खुद पौलुस कुछ दिनों खुणि आसिया मुलक मा ही रुक्युं रै।

खास चेलों 20:3

अर यूनान देस मा पौंछी के पौलुस तीन मैना तक उखि रै। अर जब वु उख बटि पाणि का जाज को सफर शुरु कैरिके सीरिया मुलक कू जाण वळु छौ, त वेतैं पता चलि गै कि यहूदी लोगु न वेका खिलाप मा जाळसाजि कैरियाली, इलै वेन मकिदुनिया मुलक बटि ही वापिस जाण को विचार बणै दिनी।

खास चेलों 9:25

तब शाऊल का चेला राति ऐनी अर वेतैं अफ दगड़ा लि गैनी, अर वेतैं एक ठुफरा मा बैठे के नगर की दिवाल की खिड़की बटि मूड़ी उतारि दिनी।

खास चेलों 9:30

मगर बिस्वासी भै-बैंणो तैं ईं बात का बारा मा पता चलि गै, तब ऊ शाऊल तैं कैसरिया नगर मा लि गैनी, अर उख बटि तरसुस नगर कू भेज दिनी।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

तीतुस 1:5

अर मिन तीतुस त्वेतै क्रेते नगर मा इलै छोड़ि, ताकि उख जु कुछ भि कमी छै तू वींतैं ठिक-ठाक कैर दे, अर मेरी दिईं आज्ञा का मुताबिक हरेक नगर की बिस्वासी समुदाय मा अध्यक्ष तैं चुणी के ठैरै दे।