खास चेलों 17:11 - Garhwali

¹¹ बिरीया नगर का यहूदी लोग थिस्सलुनीकी नगर का यहूदी लोगु से भौत जादा भला छा। अर यों लोगु न परमेस्वर का वचन तैं बड़ी इच्छा से स्वीकार कैरी, अर हर दिन पवित्रशास्‍त्र मा खुज्याणा रैनी कि जु कुछ भि पौलुस बतौणु च वु सब बात इन्‍नि लिखीं छैई भि छिन, कि ना।

गढवली नयो नियम

¹¹ यु लोग त थिस्सलुनीके शहर का यहूदियों बट्टी भि सिखणु कु जादा इच्छुक छिनी। अर ऊंल बड़ी इच्छा से वचन स्वीकार कैरी अर हर दिन परमेश्वर का वचन मा खुजै के जांच कन रैनी कि जु बात पौलुस ल सिखैनी इन ही छिन की न।

खास चेलों 17:11 ပူးပေါင်းရင်းမြစ်များ

मत्ती 13:23

अर अच्छी जमीन मा पोड़्यूं बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणी के वेतैं अच्छे से बिंगदिन, अर फल लेके औन्दिन, कुई सौ गुणा कुई साठ गुणा, अर कुई तीस गुणा।’”

लूका 1:2

अर ऊं लोगु न, जौन खुद पैलि बटि यों बातों तैं देखि अर वचन को परचार करण की सेवा कैरी, ऊंन ही यू वचन हम मा पौंछे।

लूका 11:3

अर हमरि रोज की रुट्‍टी हमतै रोज द्‍या।

लूका 16:29

तब अब्राहम न वेकू बोलि, ‘ऊंका पास मूसा अर रैबर्यों कि किताब छिन, इलै वु ऊंकी सुणा।’

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

यूहन्ना 3:21

पर जु सच्‍चै का बाटा पर चलदु, उ उज्याळा का समणि औन्दु, ताकि इन परगट ह्‍वे जौ कि वेका काम परमेस्वर की मनसा से होनदिन।”

यूहन्ना 5:39

“तुम पवित्रशास्‍त्र को मनन करद्‍यां, किलैकि तुम लोग समझद्‍यां, कि ये मा तुमतै सदनि को जीवन मिलदु, पर यू ही शास्‍त्र मेरी गवै देन्दिन।

खास चेलों 10:33

इलै मिन तुमतै बुलाणु खुणि अपणा लोगु तैं तुरन्त भेजि, अर या बात अच्छी च कि तुम इख ऐ भि ग्यां। अब जु कुछ भि वचन परमेस्वर न तुमतै दिईं, वु सब कुछ सुनणु खुणि ही हम इख इकट्‍ठा होयां छां, अर परमेस्वर भि हमरा बीच मा च।”

खास चेलों 11:1

अर या खबर यहूदिया मुलक का खास चेलों अर बिस्वासी भै-बैंणो तैं पता चलि गै, कि जु हमरि जाति का नि छिन ऊंन भि परमेस्वर का वचन तैं स्वीकार कैरियाली।

खास चेलों 17:1

अर जब पौलुस अर सीलास लुदिया जनानि का इख बटि निकळिनी, त ऊ दुईया का दुई अम्फिपुलिस अर अपुल्‍लोबनिया नगरों बटि ह्‍वेके थिस्सलुनीकी नगर मा ऐनी। अर उख यहूदी लोगु को एक प्रार्थना भवन छौ।

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

1 थिस्सलुनीकी 1:6

अर भौत दुख-तकलीफ सौण का बगत मा भि तुमुन पवित्र आत्मा का द्‍वारा मिलण वळी खुशी से प्रभु का वचन तैं स्वीकार कैरी। अर अब ठिक इन्‍नि तुमरो जीवन भि हमरा अर प्रभु यीशु का चाल चलण का जन ह्‍वे गै।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

2 थिस्सलुनीकी 2:10

अर जु लोग नास होण वळा बाटा पर चलणा छिन, ऊंतैं अपणा जाल मा फसौणु खुणि पाप को पुत्र हरेक किसम का बुरा काम करलु। तब वु वेका जाल मा फंसी जाला, किलैकि ऊंन परमेस्वर का सच्‍चा प्यार तैं अपणा जीवन मा स्वीकार नि कैरी। अर अगर जु वु यीशु तैं स्वीकार कैरी देन्दा, त ऊंतैं बचयै जान्दु।

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

1 पतरस 2:2

अर अब तुम जाणि ग्यां कि पिता परमेस्वर भलु च, इलै जन पैदा होयुं एक बच्‍चा तैं दूद पीण की इच्छा होन्दी, ठिक उन्‍नि तुम लोगु तैं भि पिता परमेस्वर का वचन तैं हरेक दिन स्वीकार करण की इच्छा रखण चयेणी, ताकि तुम लोग बचि जा अर वेमा बढदी जा।