खास चेलों 16:34 - Garhwali

³⁴ तब जेलर ऊंतैं अपणा घौर लि गै अर ऊंकी दावत कैरी, अर परमेस्वर पर बिस्वास कैरिके जेलर न अर वेका घौर का सब लोगु न बड़ी खुशी मणै।

गढवली नयो नियम

³⁴ वेल ऊं तैं झट अपड़ा घौर लिजै के ऊंका अगनैं खांणु रखि अर सैरी कुटुम्दारी समेत परमेश्वर पर विश्वास कैरी के उ सभि भौत आनन्दित छा।

खास चेलों 16:34 ပူးပေါင်းရင်းမြစ်များ

लूका 15:32

पर चल, अब हमतै आनन्द अर खुशी मनौण चयेणी, किलैकि तेरु भुला जु मोरि गै छौ पर अब उ ज्यून्दु ह्‍वे गै, जु हरचि गै छौ अब उ वापिस मिली गै।’”

लूका 19:6

अर उ झट मूड़ी उतरि गै अर बड़ी खुशी से यीशु तैं अपणा घौर लि जाणु खुणि वेको स्वागत कैरी, तब ऊ चलि गैनी।

लूका 5:29

तब लेवी न अपणा घौर मा यीशु की बड़ी दावत कैरी। अर उख चुंगी लेण वळो कि, अर उन्‍नि दुसरा लोगु की भीड़ भि यीशु का दगड़ा मा खाणुक खाणु कू बैठि छै।

खास चेलों 11:14

अर वु ऐके तुम लोगु तैं वचन सुणालु, अर वे वचन तैं सुणी के त्वेतै अर तेरा घौर का लोगु तैं बचयै जालु।’

खास चेलों 16:15

अर जब वींन अपणा घौर का सब लोगु समेत बपतिस्मा ले दिनी, त वींन हम से बिन्ती कैरी कि, “अगर तुम सच्‍चि मा मितैं प्रभु पर बिस्वास रखण वळी समझद्‍यां त आज मेरा घौर मा चलि के बासा रा।” अर वींन अपणा घौर औणु खुणि हमतै मणै दिनी।

खास चेलों 16:35

अर जब सुबेर ह्‍वे, त मुख्य अधिकारीयों न अपणा कुछ सिपयों तैं इन आदेस देके भेजि कि, “पौलुस अर सीलास तैं छोड़ि द्‍या।”

खास चेलों 2:46

अर ऊ एक मन ह्‍वेके हरेक दिन मन्दिर मा इकट्‍ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा।

खास चेलों 8:39

अर जब ऊ पाणि बटि भैर ऐनी, त प्रभु की पवित्र आत्मा न फिलिप्पुस तैं उख बटि गैब कैर दिनी, अर वे अधिकारी उ नि देखि। अर वु अधिकारी बड़ु आनन्द मणौन्द-मणौन्द अपणा बाटा पर चलि गै।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

रोमियों 5:11

अर अब जब हमरु मेल-जोल प्रभु यीशु मसीह का द्‍वारा पिता परमेस्वर का दगड़ा मा ह्‍वे गै, इलै हमतै ईं बात से बड़ी खुशी होन्दी।

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

फिलिप्पी 4:17

अर मेरु मकसद इन नि छौ कि मि सेवा का काम मा तुम बटि मदद ल्यूं, मगर मि त सिरफ इथगा ही चान्दु कि येका बदला मा तुमरा जीवनों मा परमेस्वर तुमतै इनाम द्‍यो।

फिलिप्पी 4:4

हे मेरा दगड़्यों, प्रभु मा हमेसा आनन्दित रा, अर मि फिर से बोन्‍नु छौं कि आनन्दित रा।

फिलेमोन 1:7

हे मेरा दगड़्या, तेरा प्यार का सभौ तैं देखि के मितैं बड़ी तसली अर खुशी मिलदी। किलैकि तेरा द्‍वारा बिस्वासी लोगु का मन भौत खुश ह्‍वेनि।

1 यूहन्ना 3:18

हे मेरा प्यारा बच्‍चों, हम केवल अपणा गिच्‍चळ ही इन नि बोला कि हम तुम से प्यार करद्‍यां, बल्किन मा हमतै अपणा कामों का द्‍वारा ईं बात तैं सच्‍चै से कैरिके दिखाण भि चयेणी।