खास चेलों 16:12 - Garhwali

¹² अर उख बटि हम फिलिप्पी नगर मा पौंछयां, अर यू मकिदुनिया मुलक को खास नगर छौ, जख कि रोमी लोग रौन्दा छा।

गढवली नयो नियम

¹² उख बट्टी हम मकिदुनिया प्रान्त का फिलिप्पी शहर पौंछयां जु रोमियों की बस्ति कु खास नगर च। अर हम वे नगर मा कुछ दिन रयां।

खास चेलों 16:12 ပူးပေါင်းရင်းမြစ်များ

खास चेलों 16:10

अर जब पौलुस न यू दरसन देखि, त हमुन तुरन्त इन विचार कैरी कि हमतै मकिदुनिया मुलक मा जाण चयेणु, किलैकि हम समझि गै छा कि परमेस्वर हमतै उख बुलाणु च, ताकि उख जैके हम शुभ समाचार सुणा।

खास चेलों 16:21

अर यू हमतै इन्द्रया रीति-रिवाजों का बारा मा सिखौणा छिन, जौं तैं मनण अर ऊंका मुताबिक चलण हम रोमी लोगु का नियम-कानूनों का खिलाप मा च।”

खास चेलों 16:9

अर पौलुस न रात मा उख एक दरसन देखि। अर वेन देखि, कि मकिदुनी जाति को एक मनखि खड़ु ह्‍वेके वे बटि बिन्ती कैरिके बोन्‍नु च कि, “इख मकिदुनी मुलक मा ऐके हमरि मदद कैरा।”

खास चेलों 18:5

अर जब सीलास अर तीमुथियुस मकिदुनिया मुलक बटि ऐनी, तब पौलुस प्रभु का वचन तैं सुनौण मा अपणु पूरु बगत लगौण लगि गै, अर यहूदियों तैं गवै दे देके इन साबित कनु रै कि यीशु ही मसीह च।

खास चेलों 19:21

अर यों सब बातों का बाद पौलुस न मकिदुनिया अर अखया मुलकों बटि ह्‍वेके यरूशलेम नगर जाण को विचार कैरी, अर वेन अपणा मन मा सोची कि, “वेका बाद त मितैं रोम भि जाण जरुरी च।”

खास चेलों 19:29

तब पूरा नगर मा घपरोळ होण लगि गै, अर यों लोगु न मकिदुनिया मुलक का रौण वळा गयुस अर अरिस्तर्खुस तैं पकड़ी दिनी, जु कि पौलुस का दगड़ा मा यात्रा कैरिके इख अयां छा। अर भागी के यों तैं वे घौर मा लि गैनी, जख नाटक होन्दा छा।

खास चेलों 20:1

अर जब इफिसुस नगर को माहौल जरा शान्त ह्‍वे गै, त पौलुस न बिस्वासी लोगु तैं बुलै अर ऊंकी हिम्मत बढै, अर तब ऊं बटि विदै लेके मकिदुनिया मुलक कू जाण लगि गै।

खास चेलों 20:3

अर यूनान देस मा पौंछी के पौलुस तीन मैना तक उखि रै। अर जब वु उख बटि पाणि का जाज को सफर शुरु कैरिके सीरिया मुलक कू जाण वळु छौ, त वेतैं पता चलि गै कि यहूदी लोगु न वेका खिलाप मा जाळसाजि कैरियाली, इलै वेन मकिदुनिया मुलक बटि ही वापिस जाण को विचार बणै दिनी।

खास चेलों 20:6

अर अखमीरी रुट्‍टी का त्योवार का बाद हम फिलिप्पी नगर बटि पाणि का जाज मा बैठि के पांच दिनों का बाद त्रोआस नगर मा पौंछयां, अर सात दिनों तक उखि रयां।

खास चेलों 27:2

अर हमुन अद्रमुत्तियुम नगर बटि पाणि का एक जाज मा बैठि के अपणु सफर शुरु कैरी। अर ये जाज न आसिया का बंदरगाहों से ह्‍वेके जाण छौ, अर हमरा दगड़ा मा मकिदुनिया मुलक को अरिस्तर्खुस भै भि छौ, जु की थिस्सलुनीकी नगर को रौण वळु छौ।

रोमियों 15:26

किलैकि मकिदुनिया अर अखया मुलक का बिस्वासी लोगु न चन्दा इकट्‍ठा कर्युं च, अर या बात ऊंतैं अच्छी लगि कि ऊ यरूशलेम नगर का बिस्वासी लोगु मा बटि जु लोग गरीब छिन ऊंकी मदद कैरा।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।