खास चेलों 15:2 - Garhwali

² तब पौलुस अर बरनबास की ऊं लोगु का दगड़ा मा ईं बात का बानो वाद-विवाद ह्‍वे, अर यू वाद-विवाद कुछ जादा ही बढी गै। तब बिस्वासी समुदाय का लोगु न ये सवाल का जबाब तैं पौण का बानो पौलुस अर बरनबास तैं अर ऊंका दगड़ा मा बिस्वासी समुदाय का कुछ और लोगु तैं यरूशलेम नगर कू भेजि, ताकि ऊ उख जैके खास चेलों अर अध्यक्षों बटि ईं बात को जबाब पै सैका।

गढवली नयो नियम

² जब पौलुस अर बरनबास को ऊंका दगड़ा मा भौत झगड़ा अर बैहस हवे त तब ठैरे गै की पौलुस अर बरनबास अर अन्ताकिया का कुछ विश्वासी यरूशलेम शहर जां अर प्रेरितों अर पुरणा अगुवों का दगड़ी बातचित कैरा।

खास चेलों 15:2 ပူးပေါင်းရင်းမြစ်များ

खास चेलों 10:23

तब पतरस न ऊंतैं भितर बुलै, अर ऊंकी खातिरदारि कैरी। अर दुसरा दिन पतरस तयार ह्‍वे अर ऊंका दगड़ा मा चलि गै, अर याफा नगर का कुछ बिस्वासी भै भि वेका दगड़ा गैनी।

खास चेलों 11:12

अर पवित्र आत्मा न मितैं बिन हिचकिचयां ऊंका दगड़ा मा जाणु कू बोलि, अर मेरा दगड़ा मा यू छह बिस्वासी भै भि उख जाणु कू पैटि गैनी। अर तब हम कुरनेलियुस नौ का एक मनखि का घौर कू ग्यां।

खास चेलों 11:30

अर ऊंन ठिक इन्‍नि कैरी अर या मदद ऊंन इकट्‍ठा कैरिके बरनबास अर शाऊल का द्‍वारा बिस्वासी समुदाय का अध्यक्षों का पास भेजि।

खास चेलों 15:25

इलै हमुन एक मन ह्‍वेके इन फैसला कैरी, कि कुछ लोगु तैं चुणी के अपणा प्रिय भै बरनबास अर पौलुस का दगड़ा मा तुमरा पास भेजा।

खास चेलों 15:27

इलै हमुन यहूदा अर सीलास तैं भेजि, ताकि वु खुद भि तुमतै चिठ्‍ठी मा लिखी बात बतै द्‍या।

खास चेलों 15:4

अर जब ऊ यरूशलेम नगर मा पौंछिनी, त बिस्वासी समुदाय का लोगु न, यीशु का खास चेलों न अर अध्यक्षों न ऊंको स्वागत कैरी। तब पौलुस अर बरनबास न यों लोगु तैं बतै, कि परमेस्वर न ऊंका द्‍वारा लोगु का बीच मा कथगा बड़ा-बड़ा काम करिनी।

खास चेलों 16:4

अर जब पौलुस अर वेका दगड़्या एक नगर बटि दुसरा नगर जाणा छा, त ऊंन बिस्वासी लोगु तैं बतै कि यरूशलेम नगर मा खास चेलों अर अध्यक्षों न जु-जु आज्ञा ठैरैईं छिन, तुम लोग ऊं बातों को पालन कैरा, अर ऊंन वु सब आज्ञा ऊंतैं बतैनि।

खास चेलों 21:18

अर वेका दुसरा दिन पौलुस अर हम सभ्या का सभि याकूब का घौर ग्यां, अर उख बिस्वासी समुदाय का सब अध्यक्ष इकट्‍ठा होयां छा।

1 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै सोस्थिनेस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि पिता परमेस्वर का समुदाय का लोग छाँ। अर तुम जु कि यीशु मसीह पर बिस्वास करण की वजै से पवित्र किये ग्यां, अर यां खुणि ही तुमतै बुलये गै। हे मेरा दगड़्यों, मि या चिठ्‍ठी ऊं भै-बैंणो खुणि भि लिखणु छौं, जु कि अलग-अलग जगा रौनदिन, अर हमरा प्रभु यीशु मसीह का नौ तैं लिनदिन। ऊ हमरा अपणा ही लोग छिन, किलैकि ऊ पिता परमेस्वर से हमरा प्रभु यीशु मसीह को नौ लेके प्रार्थना करदिन।

2 कुरिन्थि 11:5

अर वु लोग खुद तैं यीशु मसीह को सबसे खास चेला बतौन्दिन, मि इन समझदु कि मि भि ऊंमा बटि कै से कम नि छौं।

गलातियों 2:5

पर हम जरा देर खुणि भि ऊं जासूसों की बातों का अगनै नि झुक्यां अर यू सब हमुन इलै कैरी, ताकि शुभ समाचार की ज्वा सच्‍चै तुमुन पै वा तुम मा बणि रौ।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।