खास चेलों 13:6 - Garhwali

⁶ अर पूरा टापू की यात्रा का दौरान ऊ जब पाफुस नगर मा पौंछिनी, त ऊंकी मुलाकात बार-यीशु नौ का एक यहूदी मनखि से ह्‍वे जु कि झूठ्‍ठु रैबर्या अर जादु-टोंणा करण वळु छौ।

गढवली नयो नियम

⁶ यांका बाद ऊंल पूरा टापू बट्टी हवे के पाफुस शहर मा पौंछि गैनी। उख ऊंकी मुलाकात बार-यीशु नौं का एक यहूदी जादूगर का दगड़ी हवे, जु झूठो दावा करदो छो की उ परमेश्वर का तरपां बट्टी बुल्ण वला च।

खास चेलों 13:6 ပူးပေါင်းရင်းမြစ်များ

मत्ती 16:17

तब यीशु न वेतैं जबाब देई, “हे योना का नौना शमौन, तू धन्य छैई, किलैकि त्वे पर या बात कै मनखि न ना, बल्किन मा स्वर्ग मा रौण वळा मेरा पिता परमेस्वर न परगट कैरी।

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

मत्ती 7:15

अर यीशु न बोलि, “झूठ्‍ठा रैबर्यों बटि बचि के रा, किलैकि उ भेड़ों की तरौं सीदु बणि के तुमरा पास औन्दिन, पर असल मा ऊ भितर बटि एक खतरनाक भेड़िया का जन छिन।

मरकुस 10:46

अर येका बाद यीशु अर वेका चेला यरीहो नगर मा ऐनी। अर जब वु यरीहो नगर बटि निकळण लगि गैनी, त एक बड़ी भीड़ वेका पिछनै चलण लगि गै। अर सुणा, बाटा का किनरा एक अन्धु भिकारी बैठयूं छौ, जैको नौ बरतिमाई छौ, अर येका बुबा को नौ तिमाई छौ।

खास चेलों 13:13

यू सब होण का बाद पौलुस अर वेका दगड़्या पाफुस नगर बटि पाणि का जाज मा बैठि के पंफूलिया मुलक का पिरगा नगर मा पौंछिनी। मगर यूहन्‍ना ऊंतैं उखि छोड़ि के यरूशलेम नगर कू ऐ गै।

खास चेलों 13:8

पर इलीमास ऊंको विरोध करण लगि गै, ताकि गवर्नर बरनबास अर शाऊल की बातों पर बिस्वास नि कैरो (बार-यीशु को दुसरो नौ इलीमास च)।

2 कुरिन्थि 11:13

इन्द्रया लोग यीशु को खास चेला होण को ढोंग करदिन अर झूठ्‍ठा छिन, इन्द्रया लोग बुल्दिन कि हम पिता परमेस्वर खुणि काम कना छां, मगर धोखा देण वळा छिन।

2 तीमुथियुस 3:8

अर गळत शिक्षा तैं देण वळा यू लोग भि ठिक यन्‍नेस अर यम्ब्रेस का जन छिन, जौन परमेस्वर का सेवक मूसा को विरोध कैरी छौ। किलैकि गळत शिक्षा तैं देण वळा लोग भि सच्‍चै को विरोध करदिन, अर यों को दिमाग खराब ह्‍वे गै, अर इन के ऊंन अपणा बिस्वास को नास कैरियाली।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।