खास चेलों 13:36 - Garhwali

³⁶ “अर राजा दाऊद न अपणा बगत का दौरान परमेस्वर की मनसा तैं लोगु का बीच मा पूरु कैरी। अर वेका बाद उ मोरि गै, अर वेतैं वेका पितरों का दगड़ा मा दफनै गै अर कुछ दिनों मा वेको सरील सैड़ भि गै।

गढवली नयो नियम

³⁶ दाऊद राजा त पिता परमेश्वर की इच्छा का अनुसार अपड़ा बगत मा सेवा कैरी के मोरि गै, अर अपड़ा पुरणों का दगड़ी खडै गै, अर वेकी देह सैड़ी भि गै। यां बट्टी हम जणदां कि दाऊद राजा यु भजन मा अपड़ा बारा मा बात नि कनु च।

खास चेलों 13:36 ပူးပေါင်းရင်းမြစ်များ

मत्ती 25:16

“अर जै नौकर तैं पांच हजार सिक्‍का मिली छा, वेन तुरन्त जैके ऊं सिक्‍कों से लेण-देण कैरी, अर पांच हजार सिक्‍का और कमै दिनी।

यूहन्ना 11:39

तब यीशु न बोलि “ये डांग तैं उनै फरके द्‍या।” तबरि मुरयां मनखि की बैंण मारथा न बोलि, “प्रभु, अब त वे पर सड़्याण औण लगि गै ह्‍वेलि, किलैकि वेतैं मुरयां चार दिन ह्‍वे गैनी।”

खास चेलों 13:22

फिर परमेस्वर न शाऊल तैं वेका पद बटि हटै के दाऊद तैं राजा बणै दिनी। अर दाऊद का बारा मा परमेस्वर न इन बोलि कि, ‘मितैं मेरा मन का मुताबिक एक मनखि मिली गै, जु कि मेरी मनसा तैं पूरि करलु अर उ यिशै को नौनु दाऊद च।’

खास चेलों 2:29

तब पतरस न ऊंकू इन भि बोलि कि, “हे मेरा भै-बैंणो, मि तुमतै पितर राजा दाऊद का बारा मा हिम्मत से बतै सकदु, कि पितर दाऊद त मोरि गैनी अर ऊंतैं दफनये भि गै अर ऊंकी कबर आज भि हमरा इख च।

खास चेलों 20:27

किलैकि परमेस्वर की ज्वा योजना तुम खुणि च वा तुमतै बतौण मा मितैं जरा भि झिझक नि लगि।

खास चेलों 7:60

फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

खास चेलों 8:1

अर यू ज्वान शाऊल भि स्तिफनुस की हत्या मा राजी छौ। तब कुछ भक्‍त लोगु न ऐके स्तिफनुस तैं कबर मा दफनै दिनी, अर वेका बानो बड़ु मातम कैरी। अर वे दिन बटि ही यरूशलेम नगर का बिस्वासी समुदाय पर बड़ु सतौ औण लगि गै, अर खास चेलों का अलावा सब बिस्वासी लोग यहूदिया अर सामरिया का मुलक मा तितर-बितर ह्‍वे गैनी।

1 कुरिन्थि 15:6

अर वेका बाद यीशु एक ही बगत मा पांच सौ से भि जादा बिस्वासी लोगु तैं दिखै, अर ऊंमा बटि भौत सा लोग अभि ज्यून्दा छिन, मगर कुछ लोग ईं दुनियां तैं छोड़ि के चलि गैनी।

1 थिस्सलुनीकी 4:13

हे मेरा भै-बैंणो, हम इन चन्द्‍यां, कि मुरयां लोगु को क्या जि होलु येका बारा मा तुम जाणा, ताकि तुम बिस्वास नि करण वळा लोगु का जन शोक नि कैरा जौं लोगु का पास कुई भि आस नि च।