खास चेलों 13:26 - Garhwali

²⁶ “हे मेरा भै-बैंणो, तुम जु अब्राहम का वंश मदि छाँ अर तुम लोग भि जु की यहूदी जाति का नि छाँ तुम सब परमेस्वर पर अपणी पूरि सरदा रखद्‍यां, हाँ, हम सब लोगु खुणि ही छुटकारु को यू वचन भेज्यूं च।

गढवली नयो नियम

²⁶ “हे विश्वासी भयों, तुम जु अब्राहम की सन्तान छा; अर पिता परमेश्वर बट्टी डरण वलो अन्यजाति लुखुं, सूंणा, पिता परमेश्वर ल हम मा यीशु का बारा मा यु सन्देश भेजि कि जु लुखुं तैं ऊंका पापों बट्टी उद्धार कनु कु अयुं च।”

खास चेलों 13:26 ပူးပေါင်းရင်းမြစ်များ

मत्ती 10:6

पर इस्राएली कुटुम्ब का लोगु का पास ही जयां जु कि हरचि भेड़ों का जन छिन।

मत्ती 3:9

अर अपणा-अपणा मनों मा इन नि समझा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर सुणा, मि तुमतै बतै देन्दु कि परमेस्वर यों ढुंगो मा बटि भि अब्राहम खुणि औलाद पैदा कैरी सकदु च।

लूका 1:69

अर पुरणा जमना मा परमेस्वर न अपणा पवित्र रैबर्यों का द्‍वारा बोलि छौ कि, हमरा सब दुसमनों बटि अर सब बैरियों बटि हमतै छुटकारा द्‍यालु। इलै वेन अपणा सेवक राजा दाऊद की पीढ़ी मा बटि, हमतै एक बचौण वळु देई जु कि ताकतबर च।

लूका 1:77

अर वेका लोगु तैं तू बचयै जाण को इन ज्ञान दिली, ताकि ऊ अपणा-अपणा पापों से माफी पैके बचि जा।

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

यूहन्ना 6:68

फिर शमौन पतरस न वेतैं जबाब देई, “हे प्रभु, हमुन कै मा जाण? किलैकि सदनि को जीवन देण वळी बात त तुम मा ही छिन।

खास चेलों 10:2

अर यू परमेस्वर को भक्‍त छौ, अर यू अर येका घौर का सब लोग परमेस्वर पर अपणी पूरि सरदा रखदा छा। अर यू गरीब लोगु तैं भौत दान-दकछिणा देन्दु छौ, अर जादातर परमेस्वर बटि प्रार्थना कनु रौन्दु छौ।

खास चेलों 10:35

अर हरेक वु मनखि जु की परमेस्वर पर अपणी पूरि सरदा रखदु अर भलै का काम करदु, अब वु चै कैं भि जाति को किलै नि हो परमेस्वर वे मनखि तैं स्वीकार करदु।

खास चेलों 13:43

अर जब वा सभा समाप्‍त ह्‍वे गै, त भौत सा यहूदी, अर जु लोग यहूदी रीति-रिवाज तैं मनण लगि गै छा वु लोग पौलुस अर बरनबास का पिछनै ह्‍वे गैनी। तब ऊं दुईयों न ऊं लोगु का दगड़ा मा बात-चित कैरिके समझै कि परमेस्वर की किरपा मा बणयां रा।

खास चेलों 13:46

तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।

खास चेलों 16:17

अर वा नौनि पौलुस अर हमरा पिछनै ऐके चिल्‍लै के बोन्‍न लगि गै कि, “यू लोग सबसे महान परमेस्वर का सेवक छिन, जु की तुमतै बचौण वळा बाटा का बारा मा बतौणा छिन।”

खास चेलों 22:5

अर ईं बात का गवा महा पुरोहित अर सब अध्यक्ष लोग छिन। अर एक दिन इन ह्‍वे कि, मिन महा पुरोहित अर अध्यक्ष लोगु बटि बिस्वासी भै-बैंणो का नौ की चिठ्‍ठी ले, अर दमिश्क नगर मा ऊंका पास जाणु छौ, ताकि उख बटि लोगु तैं बन्धी बणै के इख यरूशलेम नगर मा लौं, अर ऊंतैं दण्ड दिलौं।

खास चेलों 28:28

“इलै तुम भि जाणि जा कि परमेस्वर को बचौण वळु वचन अब ऊं लोगु का पास भि भेजि गै, जु कि यहूदी जाति का नि छिन अर वु लोग वेका बारा मा सुणला।” [

खास चेलों 3:26

अर परमेस्वर न ही हम लोगु का बीच मा बटि यीशु मसीह तैं चुणी के ठैरै, अर सबसे पैलि तुमरा ही बीच मा भेजि, ताकि तुम सब अपणी-अपणी बुरै तैं छोड़ि द्‍या, अर वेसे आसीस पा।”

खास चेलों 4:12

“अर यीशु का अलावा कुई दुसरो बचै नि सकदु, किलैकि आसमान का मूड़ी अर लोगु का बीच मा कुई भि दुसरो नौ नि दिये गै, जैका द्‍वारा हमतै बचयै जौ।”

खास चेलों 5:20

“जा, अर मन्दिर मा खड़ा ह्‍वेके ये नया जीवन का बारा मा लोगु तैं बिन डऽरयां बता।”

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

इफिसुस 1:13

अर जब तुमुन शुभ समाचार का द्‍वारा सच्‍चै का वचन तैं सुणी, कि परमेस्वर यीशु मसीह का द्‍वारा ही बचौन्दु तब तुमुन यीशु मसीह पर बिस्वास कैरी। अर जब तुम वेका पास ऐ ग्यां, त वेन अपणी छाप का रुप मा तुमतै पवित्र आत्मा दिनी, जैको करार वेन पैलि ही कैरियाली छौ।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।