खास चेलों 13:25 - Garhwali

²⁵ अर जब यूहन्‍ना का काम को बगत पूरु होण वळु छौ त वेन लोगु तैं पूछी, ‘बता तुमतै क्या लगदु, कि मि कु छौं? मि वु मसीह नि छौं। मगर सुणा, मेरा बाद एक औण वळु च, अर मि इथगा लैख भि नि छौं, कि वेका जुतों का तसमा भि खोली सैकु।’

गढवली नयो नियम

²⁵ अर जब यूहन्ना अपड़ी सेवा पूरी कन पर छो, त वेल बोलि, “तुम कि सुचदियां की मि कु छो? मि मसीह नि छो; पर देखा, जु मेरा बाद एक आंण वलो च, उ मि बट्टी भौत जादा महान च अर मि यु योग्य भि नि छो कि वेका जुत्ता का तस्मों तैं खोल साको।”

खास चेलों 13:25 ပူးပေါင်းရင်းမြစ်များ

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

मरकुस 1:7

अर उ इन परचार करदु छौ कि, “मेरा बाद एक इन मनखि औण वळु च, जु मिसे भि जादा ताकतबर च अर मि ये लैख भि नि छौं, कि झुकि के वेका जुतों का तसमा भि खोली सैकु।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 1:34

अर मिन यू खुद देखि च अर इन गवै देन्दु छौं, कि यू ही परमेस्वर को पुत्र च।”

यूहन्ना 1:36

अर वेन यीशु तैं जान्द देखि के बोलि, “अफार देखा, यू परमेस्वर को भेज्यूं मेम्‍ना च।”

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

यूहन्ना 7:18

अर जु कुई अपणी तरफा बटि बुल्दु, उ त केवल अपणु ही आदर-सम्मान चान्दु, पर जु अपणा भेजण वळा को आदर-सम्मान चान्दु, त वेमा कुई कपट नि च।

खास चेलों 13:36

“अर राजा दाऊद न अपणा बगत का दौरान परमेस्वर की मनसा तैं लोगु का बीच मा पूरु कैरी। अर वेका बाद उ मोरि गै, अर वेतैं वेका पितरों का दगड़ा मा दफनै गै अर कुछ दिनों मा वेको सरील सैड़ भि गै।

खास चेलों 19:4

तब पौलुस न ऊंकू बोलि, “यूहन्‍ना न त पापों से पस्ताप करण को बपतिस्मा दे छौ वेन बोलि छौ, जु मेरा बाद औण वळु च वे पर बिस्वास कर्यां।” अरे, वु जैका बारा मा बोन्‍नु छौ वु यीशु मसीह ही च।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

2 तीमुथियुस 4:7

अर जन एक अच्छी कुस्ति लड़ै जान्दी, ठिक उन्‍नि मिन भि परमेस्वर का काम तैं अच्छा से पूरु कैरियाली। अर जन एक खिलाड़ी अपणी दौड़ तैं जीतदु, ठिक उन्‍नि जु-जु काम मेरा हाथों मा सौंपे गै छा, मिन ऊंतैं पूरु कैरी। अर ये दौरान मि बिस्वास मा भि मजबूत बणयूं रौ।

दिब्य दरस 11:7

अर जब वु दुई गवा अपणी गवै देण का काम तैं पूरु कैरी द्‍याला, तब एक दैंत अधलोक बटि भैर निकळ्‍ळु अर ऊं दुई गवाओ का दगड़ा मा युद्ध करलु, अर ऊं पर जीत हासिल कैरिके ऊंतैं जान से मारी द्‍यालु।